________________
७. १९] विलासवई कहा
१०७ [१९] पहु जंपइ आसन्न-विणिवाउ सो बुद्धि-विहव वज्जिउ वराउ । तस्सुवरि किमिह संरंभएण चिट्ठह सव्वे वि जहा-सुहेण । अहमेव खग्ग-दुइयउ हवेवि वच्चामि तेण सहं रणु करेवि । दंसेमि तस्स मह केरिसं ति भूमि-गोयरह परक्कम ति । ५ तो सव्वेहि विज्जाहरेहिं वुत्तु मा सामि एउ जंपहु अजुत्तु । तुह भिच्चावयव-परकामं पि पेक्खेवि न सक्कइ थोवयं पि । किं पुण सो देव परक्कम ति ता आणवेह मई मई ममं ति । एत्थंतरे गहियाउह-विसेसु मिलियउं विजाहर-बलु असेसु ।
एत्तहे वि अजियबल-देवयाए विरएवि अकालक्खेवयाए । १० मणि-रयण-सुवण्णेहिं अइ-पहाणु कुमरह उवणीउ महा-विमाणु ।
चंदोवय-रमणीउ तारा-पंति-विसिट्ठउं । संझराय-अंबर-कलिउ नं पोस समुट्ठिउं ॥१९॥
[२० जं च अइ-रम्मयं सिप्प-बहु-कम्मयं । कणयमय भूमियं धूव-भर घूमियं । फलिह-मणि-भित्तियं कणय-रस-चित्तियं । रयण-मय-थंभयं रइय-वर-गब्भयं । पवरज्झय-मालियं रम्म-कय-वालियं । चलिय-सिय-चामरं सोह-खुहियामरं । कणय-किकिणि-घणं कुसुम-विहियच्चणं । हार-सुविराइयं
दुस-संछाइयं । चंद-पह-सारयं
घंट-टंकारयं । विविह-बहु-पहरणं तुंग-वर तोरणं । कणय कलसालयं परम-सुविसालयं । तडिय-सुवियाणयं दिठ्ठ सुविमाणयं । .. अह तहिं पयर-बिमाणि वमुभूई-सहियउ ।
कय-कोउय-परिकम्मो सो कुमरु आरूहियउ ॥२०॥ [१९] १. ला. पु० आसन्न य निवाउ, पु. सुद्धि विहव – ५. ला० जंपहि ६. पु०
परक्कम ति ८. पु० गाहियाउह १२. पु० तं पओस [२०] १३. ला० विमाणे
Jain Education International
For Private & Personal Use Only
www.jainelibrary.org
