________________
विलासवईकहा तहि नेह-महा-गह-कीलियाई नाणाविह कीलहिं कीलियाई ।
जाव अयंडे निवडिउ खणाउ पवणगइ कणय-सीहासणाउ । ५ अकहेवि पओयणु तक्खणेण संमिल्लिउ लोयण-जुयलु तेण ।
पमिलाणु वयण-कमलं पि तासु अइ-रोदु पयट्टउ उद्ध-सासु । निय-ठाणह चलिय सिरोहरा वि तसु वाणि पणट्ठिय सव्वहा वि । इय सो संसार-असारयाए पंचत्तु पत्तु पेच्छंतियाए।
तो हउं अणाह जिंव दुद्धरेण संगहिय सोय-गुरु-रक्खसेण । १० सारसि निह अणिवारिय भमंति धरणीयलि निवडिय तो धस ति।
चेयण पावेवि जाव हउं उप्पएवि नहयलि पारद्विय । ताव न पसरइ मज्झ गइ केग वि गरुयइं पावि बद्धिय ॥४॥
तो सुमरिय नहयल-गमण-विज्ज सा वि हु कुमार हुय अकय-कज्ज । तो मइं परिचिंतिउ हा किमेउ एयपि दुक्खु निवडिउ अणेउ । तं दुक्खु धरेवि न सहिउ मणम्मि एकल्लिय रोवमि तहिं वणम्मि ।
हा वल्लह सामिय जीव-नाह हउँ कस्स वि मुक्किय तई अणाह । ५ हा दइय सलोणय रूववंत मई छड्डेवि पवसिउ कीस कंत ।
हा एग-चित्त हा ललिय-बाह उसरइ मरउं तुहु तणइ नाह। तुहं सामिय एउ भणंतु आसि महुं वल्लह तुहुं पाणह वि आसि । तो मई मेल्लेवि एक्कल्लएण तं सव्वु अलिक्कउं किउ गएण ।
हा कत्थ पयट्टमि किं करेमि कसु सरणु जामि कस्स व कहेमि । १० हा विहि तई कि उ एउ अजुत्तु अवहिउ अकाले जं अज्जउत्तु ।
तई सामिय मेल्लेवि मच्च-लोइ केणावि सहारउ नाहिं होइ। हा हा घरु बाहिरु सव्वु सुन्नु सोक्खाहं जलंजलि अज्जु दिन्नु ।
हा भयवइओ वण-देवयाहु मन्नावहु रुट्ठउ मज्झ नाहु । [४] ५. ला० संमेल्लिय लोयणु ६. ला० पमिलाण ११. ला० वेयण...नहयले १२. पु०
मज्झु, ला० गरुइं पावि पद्धिय [५] ३. ला० धरवि ४. पु० कस्स व मुक्किय तइ ५. ला० सलूणय...छडुवि ६. पु०
मरउं...तणए... ७. ला० सामि भणंतउ एउ ज्जासि ८. ला. मेल्लवि ११. ला. मेल्लवि...नाहि
Jain Education International
For Private & Personal Use Only
www.jainelibrary.org
