________________
१. मूलदेवोक्तं कथानकम् । तो भणइ सुरवरिंदो थीलोलो पसुवई विवाहम्मि । अग्गीकम्मणिउत्तो दट्टण उमं ल्हसियचेलं ॥ खुहिओ बीअनिसग्गं करेह विहुणइ णियंसणं ताहे । पडिअंबीअं कलसे दोणायरिओ समुप्पन्नो॥ एरिसिअइत्थिआहिं एसो खुभिज्ज' रूवकलिआहिं। को इत्थीहिं न खुहिओ मुत्तूण जिणं महावीरं ॥ गोअम-विसिट्ठ-पारासुरो अ जमयग्गि-कासवो-ऽगत्थी। अहयं च सुराहिवई हरो हरी तिहुअणवरिहा ॥ अण्णे वि एवमाई तवसत्तणिही जयम्मि विक्खाया। चम्महबाणाभिहया इत्थीहिं कराविआ आणं ॥ ता गंतूणं सिग्धं तिलुत्तमा उत्तमा सुरवहणं । खोहेउ तवविसिटुं इट्टेण पिआमहं विहिणा ॥ तो सा संगयवेसा तिअसाहिववयणगहिअसंदेसा । गंतुं विभुस्स पुरओ दिव्वं णडं पयासेइ ॥ जहणुव्वहणभमिरया उच्छालिअहारमंथरुच्छोहा । घणमसिणंसिअथणहरसुकं पुअपेलव दुगुल्ला ॥ ललिअपणयंगलट्ठी सकडक्खुन्भेअभुअलयाजुअला । रेहह पणच्चमाणा पवणेरियचंपयलय व्व ॥ दद्ण णञ्चमाणं बंभा एगिदिओ व्व संवुत्तो। णिज्झाइ अणिमिसच्छो सेसिंदिअमुक्कवावारो ।। णाऊण तस्स भावं तो सा संगयमणोहरसुवेसा। विविहाहरणविहूसा दक्खिणपासे ठिया विहुणों ॥ तो तं अपिच्छमाणो बंभाणो मणसि मणसिजाभिहओ। तं दहण सतण्हो करेइ बीअं तओ वयणं ॥ इत्तोऽवरेण तइयं चउत्थं कुणइ उत्तरेणं सो। उडे उप्पइआए पंचमवयणं उवरिहुत्तं ॥ तो तस्स पमत्तस्स य तिलुत्तमागयमणस्स रुद्देणं । तं वयणं पंचमयं णहेण उक्टि सहसा ॥ तो बंभा' परिकुविओ दाहिणहत्थप्पएसिणीए उ। उव्व इ णिलाडे असरिसरोसुटिअं सेअं॥ तत्थुप्पन्नो सेए बलवंतो सेअकुंडली नाम । बंभेणाणत्तेणं उक्खित्तो संकरो तेणं ॥
___1 B खुभिज। 2A पुआपलव। 3A चपय । 4 B बंभो। 5 B विभूसा। 6 B विहिणो । 7 B बंभो। 8 A णिलाओ।
Jain Education International
For Private & Personal Use Only
www.jainelibrary.org
