________________
हरिभद्रसूरिकृतं धूाख्यानम् । सामत्थेतु सुरेहिं तिलोत्तमा तेसि वह णिमित्तं तु । णिम्मविया तिलमित्तं इविकसुरस्स वित्तणं ॥ अंगोवंगसुअंगयलावणगुणागरा अणोवम्ना । कमलागरवत्थव्वा लच्छि व्च सयं समुत्तिगणा ॥ विणओणामियगत्ता सरसामलविकयकमलदलणयणा । णमिऊण सुरसमूहं महुरुल्लावा समुल्लवइ ।। जं कायव्वं तं आणवेह देवेहि जंपिअं इणमो। सुंद-णिसुंदा सुरसत्यकंटया ते समुद्धरसु ॥ इअ होउ त्ति अ भणिलं तिलुत्तमा गिहिउं सुराणत्तिं । पत्ता खणण य तहिं सुंद-णिसुंदा सुरा जत्थ ॥ हारद्धहारकेऊरभूसिआ जणमणस्स बभूआ। विथडपणयथणवट्टा दो वि जणे ते पलोभेइ ।। तो ते मयणवसगया तीइ कए जुज्झिउं अह पवत्ता । णिहणं च गया दुणि वि परप्परं सत्थघाएहिं ॥
भवति चात्र श्लोकः-- स्त्रीणां कृते भ्रातृयुगस्य भेदः संबन्धिभेदे स्त्रिय एव मूलम् । अप्राप्तकामा बहवो नरेन्द्रा नारीभिरुच्छेदितराजवंशाः ॥ अच्छरसा जइ एवं तिलुत्तमा णिम्मिआ सुरगणेहिं । तो कह तुज्झ वि अंगा लाइज्जता न लग्गिज्जा ॥ अण्णाणंगावयवा जइ लग्गा संमिलिस्सिआ संतो। तो ससरीरावयवा भणसु तुहं किं न लग्गति ॥ मुम्बइ य पवणतणओ बालत्ते अंजण त्ति णामेणं । जणणिं पुच्छइ अम्मो को मे छुहियस्स आहारो॥ रत्ताई वणफलाई आहारो तुज्झ तेण अह सूरो(रं )। गहिउं समुट्टि तो तेणावि तलप्पहारेणं ॥ सयसिकरो कओ सो जणणी से दबु तं पइण्णंगं । भत्तुसयासे गंतुं विलवह सोगाउरा कलुणं ॥ दर्द निअयकलत्तं रोअंतिं बहुविहाई कंदति । दवण य हणुअंतं पुत्तं परलोअसंकंतं ॥ तो पवणो परिकुविओ पायाले पविसिउं ठिओ ताहे। ससुरासुरं जगमिणं पवणणिरोहेण आदण्णं ॥ गंतुं च तत्थ दिट्ठो पसाइओ सुरवरेहिं सो पवणो। अंगाई तस्सुअस्स वि संधाएई कओं सजीओ ॥
1B तिलुत्तमा। 2A दुण्णवि। 3 Bहंशाः। 4 B सुरारं। 5 B संघाए। 6 B सजीवा।
Jain Education International
For Private & Personal Use Only
www.jainelibrary.org
