Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 219

१५४
जसहरचरिउ
[४. २९.१
२९ तहिं ठिउ चिंतइ भावण अणिच्च संसारहो गइ णउ होइ णिच्च । आराहि वि आराहण सुसच्च अवहिप परियाणिवि सत्त तच्च । संणासु कियउ सुसमाहिजुत्तु सत्तमइ सम्गि पत्तउ सुदत्तु । सो' जसवइ सो कल्लाणमित्तु सो मारिदत्तु जइवरु पवित्तु । वणिकुलपंकयबोहणदिणेसु सो गोवढणु गुणगणविसेसु । साँ कुसुमावलि पालियतिगुत्ति अज्जियगुण जाणियघम्मवित्ति । सव्वे दुण्णयणिण्णासणेग तउ चरिवि चारु संणासणेण । कालिं जंति संणासजुत्त जिणधम्म ते सग्गग्गु पत्त । पत्ता-किय उवरोहे जस्स कइयई एयं भवंतर ॥
तहो भव्वहु णामु पायडमि पयडउ घर ।।२९।।
३० चिरु पट्टणे छंगे साहु साहु तहो सुउ खेला गुणवंतु साहु । तहो तणुरुहु वीसलु णाम साहु वीरो साहुणियहि सुलहु णाहु । सोयारु णाणगुणगणसणाहु एक्कइया चिंतइ चित्ति लाहु । हो पंडियठक्कुर कण्हपुत्त
उवयारिय वल्लह परममित्त । कइ पुप्फयंति जसहरचरित्तु किउ सुट्ठु सहलक्खणविचित्तु । पेसहि तहिँ राउल कउलु सज्जु जसहरविवाहु तह जणियचोज्जु । सयलहँ भवभमणभवंतराई महु वंछिउ करहि गिरंतराई । ता साहुसमीहिउ किय उ सव्वु राउलु विवाहु भवभमणु भव्वु । वक्खाणिउ पुरउ हवेइ.जाम संतुट्ठउ वीसलु साहु ताम । जोइणिपुरवरि णिवसंत सिट छु साहुहि घरे सुत्थिययणहु घुट छु । पणसट्ठिसहियतेरहसयाई णिव विकमसंवच्छर गया। वइसाहपहिल्लइ पक्खि बीय। रविवारि समत्थिउ मिस्सतीय । चिरु वत्थुबंधि कइकियउ जं जि पद्धडियबंधि मई रइउ तं जि । गंधव्वें कण्हडणंदणेण
आयह भवाई किय थिरमणेण । महु दोसु ण दिजइ पुग्वि कहिउ कइवच्छराई तं सुत्तु लहिउ । घत्ता-जो जीवदयावर णिप्पहरणकरु बंभयारि हयजरमरणु ।
सो माणणिसुंभणु धम्मु णिरंजणु पुप्फयंतु जिणु महु सरणु ॥३०॥
२९.१. A विउ। २. ST give णिव जसवइ सो कल्लाणमित्तु सो अभयणाउ सो मारिदत्तु as part
of कडवक 28, after कवडक 28, line 21 of the present edition. ३. ST omit वणिकूल........विसेसु । ४. ST सा कुसुमावलि पालियतिगत्ति सा अभयमइ त्ति नरिंदपुत्ति । ५. ST भव्बई। ६. ST कालि जंति सव्वई मयाई जिणधम्म सग्गग्गहो गयाइं। ७. Portion beginning with this line and ending with कडवक 30. line 13 is omitted in
PST and also not rendered in Hindi. ८. A एउ। ३०. १. A अज्जु । २. B. अद्दिय ।