Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 159

जसहरचरिउ
[३. १९. १
१९
दुवई-भणियं तलवरेण धणु धम्मु भणिजइ जोहसासणे ॥
गुणु तहो कोडिलग्गु मोक्खु वि रणे बाणहो रिउविणासणे ॥१॥ अण्णु धम्मु गुणु मोक्खु ण याणमि हउँ पंचिंदियसोक्खइँ माणमि । तुहुँ पुणु काइँ मि दीसहि दुव्बलु णत्थि चीरु पंगुरुणु ण कंवलु। अट्ठ वि अंगई रीण, झीणइँ ण यणइँ गंपि केवोलि णिलीणई। गत्तु मलावलित्तु कि ण धोअहि रत्तिदिवसु णिमिसु वि कि ण सोवहि । मउलियणेत्तवत्त किं झायहि अम्हारिसह भंति उप्पायहि । ता मुणि भणइ सझाणु णिजिवि जीउ वि कम्मु वि दो वि विहंजिवि । जाहु सेमीहगि सासयठाणहो अजरामरहो परमणिव्वाणहो। पुरिसु महेली संदु बि हूबउ सोमु चंडु पुणु णं जमदूअउ । राउ पुणु वि पाइक्कु सुदीणउ रूववंतु पुणु रूवविहीण। मइलगोत्तु पुणु गोत्तसमुज्जा बलविहीणु पुणु अतुलमहाबलु । घत्ता-हुउ अज्जु मेच्छु णरभवभवणे दालिदिउ पुणु दविणवइ ।।
सोत्तिउ होइवि चंडालु हुउ विसमी भर्वसंसारगइ ॥१९॥
२०
दुवई-मासाहारु कुरु मिगु काणणि पुणु तणयरु वि जायउ॥
- पुणु रयणप्पहाइणरएसु वि विसाहयगरुयघायउ ।।१।। णारउ पुणु हुउ जलयरु थलयरु णहयरु पुगु तिरिक्खु बहुअहयरु । पुणु कुच्छियसुर जम्मावत्तइ .णिवडिउ परिचत्तइ रयणत्तइ । अण्णण्णइँ अंगाई धरंतहो अण्णण्णाई ताई मेल्लंतहो। एम बप्प जीवंतमरंतहो
गयउ कालु दुक्खाइँ सहतहो। दुक्खु पावफलु हउँ मणि मण्णमि तेणिंदियसुहाई अवगणमि । भिक्ख चरमि अप्पउ आयासमि थोवउ मुंजमि णिज्जणि णिवसमि । धम्मु पयंपमि मोणिं अच्छमि मोहु ण इच्छमि शिंदे ण गच्छमि । कोहु ण संचमि कवडु विलुचमि माणु वि खंचमि लोहु विवंचमि । जायइ देहदुक्खि उव्वेवउ कहिँ मि करमि उ म यणुम्मायउ। ण भयाउरु णउ सोएं भिजमि हिंसारभु डंभु णावजमि । घत्ता-हउँ अंधउ णारिणिहालण बहिरउ गेयायण्णणइ ।।
पंगुलउ कुतित्थपंथगमणि मूअउ वि कहावण्णणइ ॥२०॥
दुवई-जो आहारदेहु सो अण्णु जि मइँ गहिओ अचेयणो॥
सो सच्चेयणु व्व परिधावइ धवलणियढिओ अणो ॥१॥
१९. १. कवालि । २. ST समीहपि । ३. A भड। २०. १. ST मग । २. ST णि ण गच्छमि। ३.ST read this line : कोहण संचमि माण विवंचमि
कवडु विलुंचमि ( T विलंघमि ) लोहु वि खंचमि । ४. ST ण हसमि ण रममि णउ उव्वेयउ । ५. A विकहाकण्णणइ.