________________
हंतूण रागदोसे छेतूण य अट्ठकम्म संखलियं । जम्मणमरणरहट्टं भेत्तूण भवाहि मुच्चिहसि ॥६०॥ जिणवयणमोसहमिणं विसयसुहविरेयणं अमिदभूदं । जरमरणवाहिवेयण खयकरणं सव्व दुक्खाणं ॥६५॥ णाणं सरण में दंसणं च सरणं चरियसरण च । तव संजमं च सरणं भगवं सरणो महावीरो॥६६॥ धीरेण वि मरिदव्वं णिद्धीरेण वि अवस्स मरिदव्वं । जदि दोहिं वि मरिदव्वं वरं हि धीरत्तणेण मरिदव्वं ॥१००। णिम्ममो णिरहंकारो णिक्कसाओ जिदिदिओ धीरो। अणिदाणो ठिदिसंपण्णो मरंतो आराहओ होइ ॥१०३।। जा गदी अरहंताणं णिट्ठिदट्ठाणं च जा गदी। जा गदी वीदमोहाणं सा मे भवदु सस्सदा ॥१०७।। एयम्हि य भवगहणे समाहिमरणं लहिज्ज जदि जीवो। सत्तटठभवग्गहणे णिव्वाणमणुत्तरं लहदि ॥११८॥ णत्थि भयं मरणसमं जम्मणसमयं ण विज्जदे दुक्खं । जम्मणमरणादक छिदि ममत्ति सरीरादो ॥११॥ तत्थ ण कप्पइ वासो जत्थ इमे णत्थि पंच आधारा। आइरियउवज्झाया पवत्तथेरा गणधरा य ॥१५५।। थेरं चिरपव्वइयं आयरियं बहुसुदं च तासि वा। ण गणेदि काममलिणो कुलमवि समणो विणासेइ ॥१८१॥ पियधम्मो दढधम्मो संविग्गोऽवज्जभीरु परिसुद्धो। संगहणुग्गहकुसलो सददं सारक्खणाजुत्तो॥१८३।। गंभीरो दुद्धरिसो मिदवादी अप्पकादु हल्लो य । चिरपव्वइदो गिहिदत्थो अज्जाणं गणधरो होदि ॥१८४॥ भूयत्थेणाभिगदा जीवाजीवा य पुण्णपावं च। आसवसंवरणिज्जर बंधोमोक्खो य सम्मत्तं ।।२०३।। सम्मत्तेण सुदेण य विरदीए कसायणिग्गहगुणेहिं। जो परिणदो स पुण्णो तव्विवरीदेण पावं तु ॥२३४॥ णेहो उप्पिदगत्तस्य रेणुओ लग्गदे जहा अंगे। तह रागदोस-सिणेहोल्लिदस्स कम्मं मुणेयव्वं ।।२३६॥ जह धाऊ धम्मतो सुज्झदि सो अग्गिणा दु संतत्तो। तवसा तधा विसुज्झदि जीवो कम्मेहिं कणयं व ।।२४३।।
मूलाचार : पुण्यपाठ / ४३
Jain Education International
For Private & Personal Use Only
www.jainelibrary.org
