Page Text
________________
संतकम्मपंजिया
( ७३
संखेज्जगुणवड्ढिउदीरया संखेज्जगुणा। संखेज्जगुणहाणिउदीरया विसेसाहिया । असंखेज्जगुणवड्ढिउदीरया असंखेज्जगुणा । असंखेज्जगुणहाणिउदीरया विसेसाहिया इदि । पृ० २७४.
एत्थ कारणं जाणिय वत्तव्वं, सुगमत्तादो ।
पुणो केसु वि पुत्थएसु मदिआवरणस्स अवट्टिदउदीरया थोवा, असंखेज्जभागवड्ढि-असंखेज्जभागहाणिउदीरया विसेसाहिया, संखेज्जभागवड्ढि-संखेज्जभागहाणिउदीरया विसेसाहिया । संखेज्जगुणवड्ढि-संखेज्जगुणहाणिउदीरया विसेसाहिया। असंखेज्जगुणवड्ढि-असंखेज्जगुणहाणिउदीरया विसेसाहिया त्ति भणिदं ।
__ कथं एदस्सत्थो उच्चदे ? एवमुच्चदे- असंखेज्जभागवड्ढिसहस्संतोट्ठिद अदीयो विहंतादिस्स ट्ठिदा (?) तदो तम्मि आदि दुविय तेसु सूचिदक्खराणि एवं भ (भा) णिदव्वाणि 'उदी- . रगा अांखेज्जगुणा' इदि । एवं संखेज्जभागवढि-सांखेज्जगुणवड्ढि-असंखेज्जगुणव ड्ढिसद्दाणं अंतोआदिल्लच्छणं ढविय तेण सूचिदाणि उदीरणसद्दपुव्वाणि कमेण संखेज्जगुणं असंखेज्जगुणमिदि घेत्तव्यं । उवरिमपदाणि सुगमाणि । एवं भण्णमाणे अत्थो घडदे ।
एदस्स एसो चेव अत्थो होदि त्ति कुदो णबदे ? ण, जहासरूवेण अत्थे भण्णमाणे पुवावरविरोहो होदि त्ति । तं कथं ? उच्चदे--
जेसि कम्माणं अवत्तव्वया अणंता तेसिमप्पाबहुगं--
अवट्ठिदादो विसेसाहियं पुव्वं व भणिय णेयव्वं जाव खेज्जगुणहीण (हाणि ) उदीरया विसेसाहिया त्ति ताव ।
तत्तो अवत्तव्वं असंखेज्जगुणं । तत्तो असंखेज्जगुणवड्ढि-असंखेज्जगुणहाणिउदीरया विसेसाहिया त्ति भणिदं । पृ० २७४.
एत्थ संखेज्जगुणहाणिउदीरएहितो विसेसाहियाणं अवत्तव्वादो विसेसाहियाणं असंखेज्जगुणवड्ढि-हाणिउदीयाणं कथमसंखेज्जगुणत्तं जुज्जदे ? ण, जदि असंखेज्जगुणत्तमेत्थ जुज्जदि तो पुव्विल्लम्मि किमठें विसेसाहियत्तं भणिदं, दोण्हमप्पाबहुगपंतीणं समाणत्तं सदिस्स (-त्तस्स दिस्स) माणत्तादो। एवं पुवावरविरोधो अण्णेहि वि पयारेहि आणिज्जमाणे दोसा चेव पुब्वावरेण दिसदि।
पुणो एवं सव्वकम्माणं काथव्वमिदि ( पृ० २७४ ) उत्ते चउणाणावरणचउदसणावरण-तेजा-कम्मइय-तब्बंधण-संघाद-पंचवण्ण-दोगंध-पंचरस-अट्ठफास-अगुरुगलहुग-थिराथिर-सुभासुभ-णिमिण-पंचंतराइयाणं वत्तव्वं । एत्तो उवरिमपयडीणमप्पाबहुगाणि सुगमाणि । एवं पदेसुदीरणा गदा ।
(पृ. २७५ ) पुणो उवसामणोवक्कमो सगभेदगदो सुगमो । णवरि पयडिउवसामयअप्पाबहुगम्मि ( २७९ ) किंचियत्थं भणिस्सामो। तं जहा--
सव्वत्थोवा आहारसरीरणामाए उवसामया। पृ० २७९. कुदो? वासपुधत्तमंतरिय संखेज्जणमवसामयजीवाणं पमाणं लब्भदि तो पलिदोवमवच्छेदणयस्स असंखेज्जदिभागेणोवड्डि (ट्टि) दपलिदोवममेत्तुब्वेलणकालम्मि किं लभामो त्ति तेरासिएण
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |