________________
४६३ जैनधर्म और तान्त्रिक साधना अर्द्धन्दु-मण्डितजटा-ललित-स्वरूपे! शास्त्र-प्रकाशिनि-समस्त-कलाधिनाथे! चिन्मुद्रिका-जपसराभय-पुस्तकाङ्के! वागीश्वरि! प्रतिदिनं मम रक्ष देवि! 11६ ।। डिंडीरपिंड-हिमशंखसिता-भ्रहारे! पूर्णेन्दु-बिम्बरुचि-शोभित-दिव्यगात्रे! चांचल्यमान-मृगशावललाट-नेत्रे! वागीश्वरि! प्रतिदिनं मम रक्ष देवि! ।।७।। पूज्ये पवित्रकरणोन्नत-कामरूपे! नित्यं फणीन्द्र-गरुडाधिपकिन्नरेन्द्रैः । विद्याधरेन्द्र-सुरयक्ष-समस्त-वृन्दैः, वागीश्वरि प्रतिदिनं मम रक्ष देवि! ।।८।। सरस्वत्याः प्रसादेन, काव्यं कुर्वन्ति मानवाः । तस्मान्निश्चल-भावेन, पूजनीया सरस्वती ।।६।। श्रीसर्वज्ञ--मुखोत्पन्ना, भारती बहुभाषिणी। अज्ञानतिमिरं हन्ति, विद्या-बहुविकासिनी ।।१०।। सरस्वती मया दृष्टा, दिव्या कमललोचना। हंसस्कन्ध-समारूढा, वीणा-पुस्तक-धारिणी।।११।। प्रथमं भारती नाम, द्वितीयं च सरस्वती। तृतीयं शारदादेवी, चतुर्थं हंसगामिनी ।।१२।। पंचमं विदुषां माता, षष्ठं वागीश्वरी तथा। कुमारी सप्तमं प्रोक्ता, अष्टमं ब्रह्मचारिणी।।१३।। नवम च जगन्माता, दशमं ब्राह्मिणी तथा। एकादशं तु ब्रह्माणी द्वादशं वरदा भवेत् ।।१४।। वाणी त्रयोदशं नाम, भाषा चैव चतुर्दशं। पंचदशं श्रुतदेवी च, षोडशं गौर्निगद्यते।।१५।। एतानि श्रुतनामानि, प्रातरुत्थाय यः पठेत् । तस्य संतुष्यति माता, शारदा वरदा भवेत् । ।१६ ।। सरस्वति! नमस्तुभ्यं, वरदे! कामरूपिणि! | विद्यारंभं करिष्यामि, सिद्धिर्भवतु मे सदा।।१७ ।।
Jain Education International
For Private & Personal Use Only
www.jainelibrary.org
