________________
४१८
रुइला वण्णमंता गंधमंता फासमंता पासादिया दरिसणीया अभिरूवा पडिरूवा, तीसे णं पुक्खरिणीए बहुमज्झदेसभाए एगे महं पउमवरपोंडरीए बुइए, अणुपुव्वुट्ठिए उस्सिए रुइले वन्नमंते गंधमंते रसमंते पासादीए जाव पडिरूवे ।
सव्वावंति च णं तीसे पुक्खरिणीए तत्थ तत्थ देसे देसे तहिं तहिं बहवे पउमवरपोडरीया बुइया अणुपुव्वुट्टिया सिया रुइला जाव पडिरूवा, सव्वावति च णं तीसे गं पुक्खरिणीए बहुमज्झदेसभाए एगं महं पउमवरपोडरीए बुहए अणुपुव्वुट्टिए जाव पडिरूवे ॥१॥
सूत्रकृता द्वितीयश्रुतस्कन्धे
नमिपव्वज्जा (नमिप्रव्रज्या) चइऊण देवलोगाओ, उववन्नो माणुसम्मि लोगम्मि । उवसंतमोहणिज्जो, सरई पोराणियं जाइं ॥१॥ जाइं सरित्त भयवं, सयंबुद्धो अणुत्तरे धम्मे । पुत्तं ठवेत्तु रज्जे, अभिनिक्खमइ नमी राया ॥२॥ से देवलोगसरिसे, अन्तेउरवरगओ वरे भोए । भुंजित्तु नमी राया, बुद्धो भोगे परिच्चयइ ॥३॥ मिहिलं सपुरजणवयं, बलमोरोहं च परियणं सव्वं । चिच्चा अभिनिवस्वन्तों, एंगन्तमहि द्विषो भयवं ॥४॥ कोलाहलमभूयं, मासी मिहिलाए पव्वयन्तम्मि ।
Jain Education International
For Private & Personal Use Only
www.jainelibrary.org
