________________
॥ कल्याणकलिका. खं० २॥
|| स्मरणस्तोत्राणि ।।
॥ ५०९ ॥
पणयससंभमपत्थिवनहमणिमाणिकपडिअ पडिमस्स । तुह वयण पहरणधरा, सीहं कुद्धपि न गणंति ॥१३॥ ससिधवलदंतमुसलं, दीहकरुल्लालवुड्ढउच्छाहं । महुपिंगनयणजुअलं, ससलिलनवजलहराऽऽरावं ॥१॥ भीमं महागइंदं अच्चासन्नपि ते न वि गणंति । जे तुम्हचलणजुअलं मुणिवइ तुंगंसमलीणा ॥१५॥ समरम्मि तिखखग्गा भिघाय पविद्ध उद्ध्यकबंधे । कुंत विणिभिन्न करिकलहमुक्कसिकारपउरंमि ॥१६॥ निज्जियदप्पुद्धररिउनरिंदनिवहा भडा जसं धवलं । पावंति पावपसमिण पासजिण तुहप्पभावेण ॥१७॥ रोगजलजलणविसहरचोरारिमइंदगयरणभयाई । पासजिणनामसंकित्तणेण पसमंति सव्वाई ॥१८॥ एवं महाभयहरं पासजिणिंदस्स संथवमुआरं । भवियजणाणंदयरं कल्लाणपरंपरनिहाणं ॥१९॥ रायभयजक्खरक्खसकुसुमिणदुस्सउणरिक्खपीडासु । संझासु दोसु पंथे उवसग्गे तह य रयणीसु ॥२०॥ जो पढइ जो अनिसुणइ ताणं कइणो य माणतुंगस्स । पासो पावं पसमेउ सयलभुवणच्चिअचलणो ॥२॥ उवसग्गंते कमठासुरम्मि झाणा उ जो न संचलिओ। सुरनरकिन्नर जुवईहिं संथुओ जयउ पासजिणो ॥२२॥ एअस्स मज्झयारे अट्ठारसअक्खरेहिं जो मंतो। जो जाणइ सो झायइ परमपयत्थं फुडं पासं ॥२३॥
५-अजितशान्तिस्तवः अजिअं जिअसव्वभयं, संतिं च पसंतसव्वगयपावं । जयगुरु संतिगुणकरे, दो वि जिणवरे पणिवयामि ॥११॥ गाहा
Jain Education International
For Private & Personal use only
www.jainelibrary.org
