________________
॥ स्मरण
॥ कल्याणकलिका. खं० २॥
स्तोत्राणि ॥
॥ ५०८
इय सत्तरिसयं जंतं, सम्मं मंतं दुवारिपडिलिहिअं । दुरिआरिविजयवंतं, निमंतं निच्चमच्चेह ॥१४॥
४-भयहरस्तवः (नमिऊण) नमिऊण पणयसुरगण-चूडामणिकिरणरंजिअं मुणिणो । चलणजुअलं महाभय - पणासणं संथवं वुच्छं ॥१॥ सडियकरचरणनहमुह-निबुड्डनासा विवन्नलायन्ना । कुट्टमहारोगानल-फुलिंगनिदड्ढसव्वंगा ॥२॥ ते तुह चलणाराहण-सलिलंजलिसेयबुढियच्छाया । वणदवदड्ढागिरिपायव ब्व पत्ता पुणो लच्छिं ॥३॥ दुब्वायखुभियजलनिहि-उब्भडकल्लोलभीसणारावे संभंतभयविसंतुल-निज्जामयमुक वावारे ॥४॥ अविदलिअजाणवत्ता, खणेण पावंति इच्छिअं कूलं पासजिणचलणजुअलं, निच्चं चिअ जे नमंति नरा ॥५॥ खरपवणुद्धअ वणदव जालावलिमिलियसयल दुमगहणे । डझंत मुद्धमयवहु - भीसणरवभीसणम्मि वणे ॥६॥ जगगुरुणो कमजुअलं, निन्वाविअसयलतिहुअणाभो । जे संभरंति मणुआ, न कुणइ जलणो भयं तेसिं ॥७॥ विलसंतभोगभीसण-फुरिआरुणनयणतरलजीहालं । उग्गभुअंगं नवजलय-सत्थहं भीसणायारं ॥८॥ मन्नति कीडसरिसं दूरपरिच्छूढविसमविसवेगा । तुह नामक्खरफुडसिद्ध-मंतगुरुआ नरा लोए ॥९॥ । अडवीसु भिल्लतकर-पुलिंदसदूलसद्दभीमासु । भयविहुरखुन्नकायर- उल्लुरिअपहिअसत्थासु ॥१०॥ अविलुत्तविहवसारा, तुह नाह! पणाममत्तवावारा । ववगयविग्घा सिग्धं, पत्ताहियइच्छिअं ठाणं ॥१२॥ पज्जलिआनलनयणं, दूरवियारियमुहं महाकायं । नहकुलिसघायविअलिअ - गइंदकुंभत्थलाभो ॥१२॥
|| ५०८ ॥
Jain Education International
For Private & Personal Use Only
www.jainelibrary.org
