________________
४१६
द्वार २७१
एक्कार तेर बारस चउदस तेरस य पनर चउदसगं। . सोलस पनरस सोला होइ विवरीयमेक्कंतं ॥१५२० ॥ एए उ अभतट्ठा इगसट्ठी पारणाणमिह होइ। एसा एगा लइया चउग्गुणाए पुण इमाए ॥१५२१ ॥ वरिसछगं मासदुगं दिवसाइं तहेव बारस हवंति । एत्थ महासीहनिकीलियंमि तिब्वे तवच्चरणे ॥१५२२ ॥ एक्को दुगाइ एक्कग अंतरिया जाव सोलस हवंति। पुण सोलस एगंता एक्कंतरिया अभत्तट्ठा ॥१५२३ ॥ पारणयाणं सट्ठी परिवाडिचउक्कगंमि चत्तारि । वरिसाणि हुंति मुत्तावलीतवे दिवससंखाए ॥१५२४ ॥ इग दु ति काहलियासुं दाडिमपुप्फेसु हुंति अट्ठ तिगा। एगाइसोलसंता सरियाजुयलंमि उववासा ॥१५२५ ॥ अंतमि तस्स पयगं तत्थंकट्ठाणमेक्कमह पंच।। सत्त य सत्त य पण पण तिन्निक्कंतेसु तिगरयणा ॥१५२६ ॥ पारणयदिणट्ठासी परिवाडिचउक्कगे वरिसपणगं । नव मासा अट्ठारस दिणाणि रयणावलितवंमि ॥१५२७ ॥ रयणावलीकमेणं कीरइ कणगावली तवो नवरं । कज्जा दुगा तिगपए दाडिमपुप्फेसु पयगे य ॥१५२८ ॥ परिवाडिचउक्के वरिसपंचगं दिणदुगूणमासतिगं । पढमतवुत्तो कज्जो पारणयविही तवप्पणगे ॥१५२९ ॥ भद्दाइतवेसु तहाऽऽइया लया इग दु तिन्नि चउ पंच। तह दु ति चउ पंच इग दु तह पणग इग दोन्नि ति चउक्कं ॥१५३० ॥ तह दुति चउ पणगेगं तह चउ पणगेग दोन्नि तिन्नेव। पणहत्तरि उववासा पारणयाणं तु पणवीसा ॥१५३१ ॥
Jain Education International
For Private & Personal Use Only
www.jainelibrary.org
