Page Text
________________
जुगाइजिणिंद-चरियं
एगे कप्पूरागरु-चंदण-मयणाहि-परिमलग्घविया। अण्णे निय-देह-विणित-जल्ल-दुग्गंधिय-दिसोहा ॥४८६॥ दइयालिंगण-सुहिया सुरय-रसासाय-वडिढयाणंदा। एगे गमिति रयणि अण्णे उ पहम्मि धावंता. ॥४८७।। पणइयण-पूरियासा एगे दीसंति जणिय-जण-तोसा । अण्णे निय पोट्रपि ह कह-कह-वि भरिति रिट्र व्व ॥४८८।। इय धम्माधम्मफलं पच्चक्खं पेच्छिऊण नरनाह ! । मोत्तुं अहम्म-कम्मं धम्मम्मि समुज्जम ' कुणसु ॥४८९।। जायाण धुवो मच्चू मच्चू-परद्धाण दुक्करो धम्मो। धम्मेण विणा सयलं पि तिहुयणं अंधलं चेव
॥४९०॥ अइदुलहं मणुयत्तं विसमा कम्माण परिणई दूरंता। लहिऊण वर-विवेयं तं कीरउ जं असामन्नं ॥४९१॥ कि जंपिएण बहुणा संपइ संखेवओ निसामेहि। मोत्तूण जुवइ-संगं संग धम्मे सया कुणसू२ ॥४९२॥
राइणा भणियं-"सयंबुद्ध !" सोहणो धम्मोवएसो। परं समए साहिज्जंतो सोहणो हवइ । वटुंते नट्टरसे गिज्जंते सवण-सुंदरे गीए । अणवसरे कीस तए पसमरसो एत्थ पक्खित्तो ।।४९३॥ जओथक्के थक्कावडियं भणियं न हु कस्स होइ रमणीयं । अणवसरे पुण भणियं दूहववयणं व दूहवइ ॥४९४।।
संदिद्ध परलोए अवसरागयं पि संदिद्ध चेव भण्णइ। सयंबद्धेण भणियं--'कहं संदिद्धो परलोगो? किन सुमरह सामि बालकाले तुब्भे मया सह नंदणवणं गया। तम्मि य दिट्ठो कंतरूवधरो एगो देवो । तेण वि४ सविहमागंतूण पणय-गभिणं५ भणिओ तुमं-वच्छ महाबल! अहं तुह पिउणो सयबलस्स पिया अइबलो नाम विसमिव विसए अवगग्णिय समयभणिय-विहाणेण समासेविऊण समणधम्म, पज्जते काऊण अणसणं, पंच नमोक्कारपरायणो मरिऊण लंतयाहिवई सुरवरो जाओ। ता भद्द ! पडिवज्जसु अत्थि परलोओ। सुकड-दुक्कडाणं कम्माणं फल-विवागो य, कि बहुणा परिहरिय संसार-कज्जेण जिण-धम्म-परायणेण भवया भवियव्वं ति भणिऊण असणं गओ। ता सामि ! जइ तं सरह तो अत्थि परलोगो' राइणा भणियं-'भद्द ! सुमरामि पियामह-वयणं ।' तओ लद्धावसरेण जंपियं सयंबुद्धण-'देव ! 'जइ एवं ता तुम्ह वंसे अईयकाले कुरुचंदो नाम राया अहेसि । कुरुमई तस्स देवी, हरिचंदो, ताण कुमारो। सो य राया नाहियवाई । अहमिटठो महारंभपरिग्गहो मरणसमए संजायधाउ-विवज्जओ इहलोग विभरिउव्वरिय-महानरयपडिरूव सणिदियाणंद-हेऊणो वि सद्द-विसेसे वायसविरस-सर-सरिसे विय तक्केइं, नयण-मणहराणि वि रूवाणि विरूवाणि मन्नेइ, रसणा रसालुयाणि वि दव्वाणि विरसाणि पकप्पेइ, घाणिदियहारिणो वि कप्पूराइया गंधा वि विगंधा तस्स परिणमंति, हंसतूल-मउया वि फासा तिक्खकंटय व्व दुक्खं तस्स जणयंति । एवं पंचसु वि इंदियत्थेसु विवज्जत्थो सुहयर-विसय-संपाडणखणमेत्त-लद्धरई पच्छन्नमेव कुरुमईए देवीए पडिजागरिज्जंतो महया रोद्दज्झाणेण मरिऊण महानरए नेरइत्ताए उववण्णो । तं तहाविहं पिउ-मरणं दळूण हरिचंदो विसण्णमाणसो पुरिसत्थेसु धम्मो पहाणो त्ति विणिच्छियमई कुलक्कमागयं गंधसमिद्धं नयरं गंधारजणवयं च विहिणा पालिउमाढत्तो।
अण्णम्मि दिणे भणिओ तेण सुबुद्धि नाम खत्तिय-कुमारो-“एसा चेव तुह मज्झ सेवा जं बुहयण-सगासाओ सुणिय धम्मो मह कहेयब्बो। सो वि तहेव कहेइ। वच्चंति वासरा। अण्णया नयर बाहिरुज्जाणे समुप्पन्नं सीलंधरसाहुणो केवलणाणं । वुटु गंधोदगवासं८ अहासन्निहिय-देवेहि समागया वंदण-वडियाए नरामरा । मुणिय-मुणि-केवल-नाणो परमाणंद-भर-निब्भरो समागओ रणो समीवं सुबुद्धी (नाम) खत्तियकुमारो। साहिओ मुणि-केवल-नाण-वइयरो। राया वि भत्ति-कोऊहल-हय-हियओ पहाण परिवारपरिवारिओ तुरिय-तुरंगममारुहिय गओ केवलि समीवं । वंदिऊण केवलि निसन्नो समचियासणे । भगवया वि पारद्धा भविय-जण-संवेग-जणणी धम्मदेसणा। हरिचंद-नरिदेणावि लद्धावसरेण
१. म्मि य आयरं पा० । २. कुणह पा० । ३. अवसरगेयं पि जे. ४. ण वि स. पा. । ५. य पगम्भिणं पा. । ६. अवमण्णिय जे० ७. माढत्तो पा० । ८. य सुरेहिं पा० । ९. परिजण प० पा० । १०. केवली पा० । ११. नरिंदेणय पा.।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |