Page Text
________________
सिरिरिसहसा मिदेसणा
तहापराजिया चेव रोहिणी नामनवमिया | जहा संखेण मायाओ केसवाण बलाण य या पावई बंभो रुद्दो सोमो सिवो महसिवो य । अग्गिसिहो य दसरहो नवमो वसुदेवनामो ति पिउणो बलकेसीणं होहिति एए जहक्कमं । सव्वेसि चेव केसीणं परियाओ न भविस्सइ मत्तममहीए पढमो तिविट्टु नामा गमिस्सए केसी । छट्ठीए आणुपुव्वि पंचेव दुविट्ठमाइया दत्तो य पंचमाए केसी नारायणो चउत्थीए । तच्चाए पुढवीए कण्हो नामेण महमहणो अयलाईया अट्ट वि बलदेवा सिद्धिगामिणो भणिया । नवमो बलो गमिस्सइ कप्पम्मि उ बंभलोगम्मि भोतुं पंचपयारे भोए सुरलोगसंभवे तत्थ । दससागरोवमाई पडिपुनाई तु तो चविरं उस्सप्पिणीए भरहे वासे एत्थेव कहतित्थम्मि । कम्मकलंकविमुक्को गमिस्साई निव्वुई पुरम्मि एवं सुणियनरिंदो देवासुर-मण्य - तिरियसंकिण्णं । दट्ठण सहं पहरिसवियसियनयणो जिणं भणड देवासुररुद्धन हंगणाए नर- तिरियमरियभुवणाए । एयाए तिजगुत्तमअलक्खसंखाए परिसाए अन्नवि कवि होही तुह सरिसो ताय ! तिहुयणाणंदो । पुन्नपवित्तिय तित्थो तित्थयरो भार हे वासे एत्यंतरे महप्पा रिसहेसरनत्तुओ भरहपुत्तो । परिवायग-वेसधरो मिरि त्ति नामेण विक्खाओ परिहरियअट्टरुद्दो विसुद्धसम्मत्तरयणरेहिल्लो । चिट्ठ एगंतगओ झायंतो धम्मसुक्काई तं दरिसेइ जिणिदो भरहनरिंदेण पुच्छिओ संतो। संपइ इमस्स जीवो रयणाहिव ! कम्ममलमइलो जच्चसुवण्णं वपुणो सुक्कज्झाणानलेण संजोगं । संपावियकयपुण्णो कमेण णणु निम्मली होही पढमो दसारसीहो तिविट्ठ नामेण पोयणाहिवई । पियमित्तचक्कवट्टी मूयविदेहाए होऊण होही मह सारिच्छो अपच्छिमो सयलजिणवरिदाणं । नामेण महावीरो तित्थयरो भारहे वासे तं सुणिय भरहनाहो हरिमवसुल्लसियबहलरोमंचो । आपुच्छिऊण पियरं मिरिईमभिवंदिओ जाइ गंतूण भणइ भरहो पुरओ होऊण नेव ते जम्मं । न विय कुलिंगं वंदे मणम्मि गव्वो न कायव्वो नववासुदेवपढमो मुयविदेहाए होसि चक्कहरो । जं होहिसि तित्थयरो अपच्छिमो तेण वंदामि तं वयणं सोऊणं तिवई अप्फोडिऊण तिक्खुत्तो । अब्भहियजायरिसो मिरिद्द इमं भणिउमाढत्तो तित्थयराणं पढमो पियामहो महपिया वि चक्कीणं । अहह्यं च दसाराणं अहो कुलं उत्तिमं मज्झ एगत्तो मज्झ कुलं अन्नत्तो तुलइ तिहूयणं सयलं । एगत्तो मह जाई अन्नत्तो मंदरो मेरू एरावणो गयाणं हरितुरओ जह य सेसतुरयाणं । जह चंदो ताराणं इंदो जह सेसदेवाणं तह मह कुलं पहाणं सव्वकुलाणं पि मज्झयारम्मि । इय भणिरेण निबद्धं नीया गोत्तं दुहविवागं भरओ वि वंदियतयं पुणो वि रिसहेसरं पणमिऊण । चउरंगबलसमेओ विणीयनयर अणुपविट्टो अह भइ भुवनाहो रिसहो संजणियतिहुयणाणंदो । परहियकरणेवकरई परमप्पा परमकारुणिओ वियसियपुंडरीयमुहं पुंडरीय विमलकमलदलनयणं । गुणहारि जणहारि भरहस्यं भुवणसुपसिद्धं पुंडरिय! वच्चसु तुमं सुरट्टाविसयम्मि निययगणसहिओ । महि-महिलभालतिलओ अत्थि गिरी तत्थ सेतुंजो तम्मि समारूढे दुज्जयघणघाइकम्ममुक्काणं । होही खेतुणुभावा केवलनाणुप्पया तुम्ह १. भुवण भरियाए जे० ।
Jain Education International
For Private & Personal Use Only
२६३
।। ३२२४ ।।
।।३२२५ ।।
।। ३२२६॥
॥३२२७॥
।। ३२२८ ।।
।। ३२२९।। ॥३२३० ॥
।। ३२३१॥
।। ३२३२ ।।
।।३२३३॥
।।३२३४।।
।।३२३५ ।।
॥ ३२३६॥
।। ३२३७ ।। ।।३२३८ ।। ।।३२३९ ।।
।। ३२४० ।।
।। ३२४१ ।।
।। ३२४२ ।। ।।३२४३ ।। || ३२४४।।
।। ३२४५ ।।
।। ३२४६ ।।
।। ३२४७ ।। ।। ३२४८ ।।
।। ३२४९ ।। ।। ३२५० ।।
।।३२५१ ।। ।। ३२५२ ॥
।।३२५३ ।।
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |