Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 291

२५०
जुगाइजिणिदचरिय
वडवासिणीए भणियं जइ एवं ता इओ अदूरम्मि। पेच्छसि पुन्नागतरुं आमं ति दिएण संलत्तं ।।२८७५।। एयस्स तले निहया तुह जणय-पियामहेण दो लक्खा। सुरही साहिन्नाणा ते गिहिय वच्चसु सगेहं ॥२८७६।। एवं ति कयपणामो भुत्तो जलणप्पहो पहट्ठमणो। अत्थमिओ दिणनाहो समुग्गओ नह्यले चंदो ॥२८७७।। काऊण बलिविहाणं समुक्खया सुरहिया खयं ठाणं । दिट्ठो कवल्लिकंठो मणम्मि जलणप्पहो तुट्ठो ॥२८७८।। संतो संतो सुत्तो तत्थेव खणंतरेण पेच्छेइ । अत्ताणं अ-ताणं खुरगहियं दोहिं पुरिसेहिं ॥२८७९।। रे पाव! पूण्णवज्जिय! एसो अम्हाण संतिओ अत्थो। पच्छन्नो कीस तए खणिऊणं पायडो विहिउ ॥२८८०।। जलणप्पहो पयंपइ मरणभउब्भंतलोयणो दीणो। भो सुणह सुणह मा कुणह बंभवज्झं महापावं ।।२८८१।। महयपिया मह तणओ बीओ पुण देवयाए मह दिन्नो। तइयं आयाणमाणेण एस मे पायडो विहिओ ॥२८८२।। ता खमह खमह मा कुणह निग्घिणं एरिसं कुकम्म ति। नाहमवरस्साकस्सइ निहाणद्राणं कहिस्सामि ॥२८८३।। तहि वि तहेव मक्को पहाय समए पूणो वि संपत्तो। वडवासिणीए पूरओ सको भणिउमाढत्तो जइ देवि न देसि धर्णता नियहत्थेण किन्न मारेसि । मारा-वियाण तह मारियाण भण को किर विसेसो ॥२८८५।। इय भणिय पुणो पडिओ जलणप्पहो चत्तलज्जमज्जाओ। अण्णम्मि दिणे कुलदेवयाए संजायकरुणाए ॥२८८६।। उट्ठाडिओ न उट्ठइ भणइ य जइ देसि मह सहत्थेण। सिद्धसरूवं अत्थं तो भुंजे नन्नहा देवि ॥२८८७।। तो तीए अट्ठरयणा हसिऊण समप्पिया सहत्थेण । भणिओ वच्च सगेहं गहिऊण दिओ वि सो चलिओ ॥२८८८।। एगागी वच्चंतो दीहद्धाखेयखेइयसरीरो। सुन्नारण्णे वडपायवस्स मूले पसुत्तो सो ॥२८८९।। उत्तरिऊण वडाओ मक्कडरूवेण वडसिहो जक्खो। सणियं सणियं गेण्हइ तं गंठिपहसिरो संतो ॥२८९०॥ सहस ति सो विबुद्धो पेच्छइ तं मक्कडं गहियगंठिं। पच्छा मुहं नियंत वच्चंतं पडिपहेणेव ॥२८९१।। तेण वि पवंगमेणं नेऊण समप्पियाणि रयणाणि । वडवासिणी वि हसिऊण भणइ लहुं खिवसु भंडारो ॥२८९२।। वलिओ विलक्खवयणो कुद्धो कुलदेवयं अभिसवंतो। नाहं नय सा संपइ नियाणमेयं ति जपतो ॥२८९३।। एवं सा वेसमणो जलणप्पहो जाव तत्थ संपत्तो। ता सुण्णं वडविवरं नट्ठा वडवासिणी तत्तो ॥२८९४।। सविसाओ जलणपहो इओ तओ दिण्णसुण्णदिट्ठीओ। चलिओ खलंतचलणो मरणम्मि मणं करेऊण ॥२८९५।। संपत्तो गिरिसिहरं पेक्खइ झाणट्ठियं मुणि एक्कं । संरुद्धसयलचेट्टं धम्मज्झाणम्मि वÉतं ॥२८९६।। चउनाणमुणियपरमत्थवित्थरं परमरूवसंपन्नं। सयलजयजीवसुयं भवसायरउत्तारणतरंडं ॥२८९७।। परमपयवद्धलक्खं विजियक्खं सक्खमेव नं धम्म। नासग दिन्नदि४ि करुणामयसायरं धीरं ॥२८९८।। तं दटुं जलणप्पहो विम्हयरसभरियमाणसो धणियं । निज्झायंतो चिट्ठइ मुणिवयणं जाव परितुट्ठो ॥२८९९।। ता दिट्ठो सो मुणिणा वियसियनयणो पसन्नमुहकमलो। जोगो त्ति कलियकोमलगिराए मुणिणा संलत्तो ॥२९००।। भो भो दियवर! अंगरुहदीह-दुह-दाहदढसव्वंगो। उब्विग्गो लक्खीयसि कहेसु जइ होइ कहणीयं ॥२९०१।। अंसुजलभरियनयणो दीहरपसरंतसाससंदोहो। जलणप्पहो पसाहइ निय-चरियं मूलओ' सव्वं ॥२९०२।। ता जाव परा भग्गो पुरिसत्थविहीणजीवियव्वाओ। मरणट्ठा इह पत्तो दिट्ठो य तुम परमबंधू ॥२९०३।। भणइ मुणी न विसाओ कायन्वो वच्छ ! धीरपुरिसेण। भावेयव्वं च मणे सरूवमित्थीण चवलाण ॥२९०४।।
१. नाहमन्नस्स पा० । २. अभिरुवंतो पा० । ३. तह कहणं पा० । ४. सावो जे० ।