Page Text
________________
भरत बाहुबलिवणणं
देविहिं तु चित्ते हिं
सोहाविउ धरणियलु, सुरहि सलिलु वासे' वि वासिउ । उत्तिन्न पहु गयवरहं, मर-डरिउ तिहुयण वि तासिउ ॥ आयवत्त-सोहिय-सिरहं, धवल-धूय - चमराहं । निद्दय-पय-पहरिय-धरहं, सोह कु पावइ ताहं ।। २५९७।। कुम्म घुम्मिउ सेसु सलवलिउ
सासंकु सक्कु विसयलु, धरणि- वीढ़ निय-मणि धसक्किउ । धर चलिय हेट्ठा-मुही, फण- कडप्पु वासुगिहि भंजिउ ॥ तेलोक्कु वि हल्लोहलिउ, वर- पुरिसह संगामि । बेवि बलई संसय चडिवि", जोयइं निय-निय - सामि ।। २५९८ ।। नहिं नीरु विलग्ग उम्मग्गि
गरुया वि भज्जंति गिरि, भूमि- कंपु भीसणु पयट्टइ । पडिसद्दा दिसिवहहि, भुवणु नाइ वे-खंडु फुट्टइ ।। सोहना-पय-दरिण, संखोहिय बंभंड । नियय-तेय ताविय भुवण, ' जिह जुगंति मत्तंड ॥२५९९ ॥ अमर -करि कर-दंड-भुय-दंड
इंदीवर दल - नयण, पिहुल-वच्छ सिरिवच्छ लंछिय । जय-पायड अतुल बल, पणय-जणहं संजणिय-वंछिय ॥ दो भाय यि संमुहा, तिहुयण लच्छि-सणाह । अणमिस नयण- पलोयणा, नं नज्जहिं सुर-नाह || २६००। भाल- विरइय-तिवलि-विगराल
२३३
दूरुणय-भमुह जुय, दढ्ड उड्ढ फुड - भिउडि-भीसण । रोसेण अरुणिय नयण, लद्ध-लक्ख पडिवक्ख-तासण ।। ईसि पयड-दाढा - किरण, संचरियाहर-राय । धरिय-दिट्ठि चिरु कालु ठिय, रवि पविसिउ निसि जाय ।। २६०१ ।। रुद्ध-लोयण-सयल - संचार
गुरु-माण-मच्छर-भरिय, थक्क दो वि निप्फंद-लोयण । निसि झीण रवि उग्गमिउ, ते तहेव ठिय रिसह-नंदण ।। एत्थंतरि भरहा हिवह, नयणइं बे-वि फुरंति । नं रज्जुद्दालण भएण, सलिल - पवाहु मुइति ।। २६०२।। संख-काहल-सद्द - वोमीसु
तो घोसिउ बाहुबलि-बलिण, हरिस-कय-सीहनाइण । जिउ अम्हह सामिएण, दिट्ठि-जुज्झि चक्कहरु वेगिण ॥ भट्टिण भरवइ, करि पहु मणु सुह-झाणु । दिट्ठि-जुज्झहं अंतरिण, वाया जुज्झ पहाणु ॥ २६०३।। ताव भरहहु गरुय-मच्छरिण
तज्जतह रुट्ठा, मुक्क घोर हुंकार हक्कहु । मुह-कुहरह नीसरिउ, सीहनाउ नं सीह - वयणहु ।।
मुक्क महाभय हत्थि थिय, तुरय वि तरलायंति । विन्नि वि कन्न विसन्न-मण, भड हत्थिहि ढक्कंति ।। २६०४ ।। भरहि थक्क तक्खसिल-नाहु
गुरु- सीहनाय मुयह, जेण सयलु तिहुयणु वि कंपइ । पायालि फणिवइ तसइ, सग्गि" सभउ सक्को वि संकइ ॥ परियण कय-हाहारवई, धरणिहिं घरइं पडंति । महिलउ माणु मुएवि लहु, पिय-कंठिहि लग्गंति ॥ २६०५ ।। अन्नमन्नण विहिय पडिवाय
गिर परिय11 सोमजस पियह पयड 12 दस-दिसिहिं गामिणि । चक्कह रह संकुडिय, वाय, गरुड जिव दिट्ठि नागिणि || हल देवेहि दाणवेहि, महियलि मणुर्याहं वुत्तु । वाया जुज्झि कणिट्ठएण, जेट्ठउ जित्तु निरुत्तु ।। २६०६ ।। भरह - मल्लह गरुय-पडिमल्लु
तो बोल बाहुबलि, मं असज्झि भुय जुज्झि ओयरु । जं भुयहि तरं अज्जियउ, भरह भुंजु तं रज्जु अज्जवि ।। मइलिङ बंधव धाडणिण, हुतउं निम्मल वन्नु । म अकित्ति गुलियाइ तुहुं, करि अप्परं मसि वन्नु ॥२६०७॥ १. णिउलु जे० । २. वरि० । ३. गय रहरहहंड जे० । ४. विनासि जे० । ५. लियमासंकु जे० । ६. चडिय जो० जे० । ७. भुयणु पा० । ८ वरवियड भुय जे० । ६. मुहहुयढ्ड १० सक्कि जे० । ११. पर्याडि जे० । १२. पयर दस पा० । १३. चल्ल जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |