Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 249

२०८
जुगाइ दिि
भरहेण वि सो पुट्ठो--" कत्तोसि समागओ तुमं विप्प ?” संखेवेणं साहसु, काल विलंबो जह न होइ ।। २३१८।। तक्खसिलाओ संपइ बाहुबलिनरिदचंदपासाओ । जस्स भुयदंडभीया ससंभमा पत्थिवा सव्वे ।। २३१९ ।। सक्काओ वि न सक्कइ धरणिदस्सा वि नायरं कुणइ । बाहुबली बाहुबली सेसनिवे तिणसमे गणइ ।। २३२० । सोऊण इमं वयणं सुसेणसेणावई भणइ एवं । अच्चग्गलं पयंपसि नारय ! भण केण कज्जेण ? ।। २३२१ । । ts for रम्म गरु गरुय च्चिय तत्थ हवुउ बाहुबली । किं नियघरिणीहिं कया घरे घरे सेट्ठिणो नत्थि ।। २३२२|| पुहएक्कवीरपुरओ देवासुरमणुयसंकडसहाए । गरुय त्ति किं पयंपसि नारय ! दीहाए जीहाए ।। २३२३ ।। गामागर-पुर-पट्टण-खेड-मडंबेसु हिंडमाणेणं । निबुद्धिय किं न सुयं गरुयाण वि अत्थि गरुयगरा ।। २३२४ ।। मा कुणइ कोइ गव्वं सूरो चाई वियक्खणो अहह्यं । जं गुरु गुरुतरगुरुतमगुणेहिं गरुया नरा अस्थि ।। २३२५ ।। सावेससेस सुहडेहिं पुलईओ कोवकुडिलदिट्ठीहि । जक्खेहि सहा खंभा पहया दढकढिणमुट्ठीहिं ।। २३२६ ।। दट्ठूण सहाखोहं गरुयभउब्भंतलोयणो विप्पो । आपुच्छिऊण भरहं उप्पइओ गयणमग्गेण ।। २३२७।। अह भणइ भरहनाहो भरहे वासम्मि अत्थि कि कोवि । जो खंडइ मह आणं कहेह जइ मुणह परमत्थं ।। २३२८ ।। भणियं च कजलिणा सुवेगदूएण देव ! तुह आणा । सेस व्व सिरे धरिया सुरासुरेहिं पि सव्वेहिं ।। २३२९ ।। तुम्ह कणिट्ठो भाया बाहुबली तम्मि खलइ तुह आणा । जं सोन नमइ कस्स वि पयंडभुयदंडबलकलिओ ।। २३३० ।। तं सुणिय भरहराया पभणइ सेणाहिवं पसंतमुहो । दीसंतो दप्पुद्धुरकंधर-धरेहिं सुहडेहिं ॥ २३३१ ॥
कह विलहु य भाया अयाणुओ न वि करेइ मह आणं । ता किं जुज्झइ तस्सुवरि मज्झ काउं बलाकारो ? ।।२३३२ ।। अह भरहाहिववयणं सोउं सेणावई पयंपेइ । पहु ! खमियव्वं अम्हं जं जाणामो तयं भणिमो ।।२३३३ । पुहइवई रायाणो एगोच्चिय होइ तीए भत्तारो । जणगरहणिज्जमेयं दुन्निपई एगमहिलाए ।। २३३४ ।। ज पहु ! कणिट्ठभाया तुज्झ पिओ ता तयं वसे काउं । छक्खंडा विहु वसुहा वियरिज्जउ को निवारेइ ।।२३३५ ।। सावेसमिमं भणिउं सुसेणसेणावई ससंरंभो । मइसायरमंतिमुहं निव्वइन्नियमोणमावण्णो ॥ २३३६ ।। एत्थंतरम्मि जंपइ नयनिउणं दिट्ठदीहपरिणामं । गंभीरथिरं वयणं मइमं मइसायरो मंती ॥ २३३७ ॥ देव ! सुसेणो सव्वं सच्चं संलवइ सामि पइभत्तो । नियपहुकज्जुज्जुत्ताण होइ वीराण वीररसो ।। २३३८ ।। ता पेसिज्ज दूओ जाणिज्जउ तस्स चित्तसब्भावो । पच्छा जं जुत्तिखमं तं काहामो कि मन्त्रेण ? ।। २३३९ ।। पहु आएसेण तओ सुवेगदूओ समागओ तुरियं । चलणेसु निवडिऊणं एवं भणिउं समाढत्तो ।।२३४० ।। किं कायव्वमणेणं जणेण साहेह सामिकरणिज्जं । मइसायरेण भणियं सुवेगवेगेण गच्छ तुमं ।। २३४१ ।। arat बाहुबली तक्खसिला पुरवरीए गंतूण । मउएणं व खरेणं व नएण' जह कुणइ सो सेवं २३४२ ।। एवं करेमि कइवयपुरिससहाओ रह समारूहियः । चलियो सुवेगदूओ वारिज्जंतो वि सउणेहिं परिमियदिणेहि लंघियगामागर - नगरसंकुलं वसुहं । संपत्तो तक्खसिलं दूओ रायाहिरायस्स ||२३४४ | पsिहारसूइयो पविसिऊण काऊण विणयपडिवत्ति । उचियासणे निसण्णो भणिओ सो बाहुबलिणेवं ||२३४५ ।। सव्वत्थ दूय ! कुसलं रज्जे रट्ठे य कोसभंडारे । अंतेउरे पुरे वा देहे वा जेट्टभायस्स ।।२३४६ ।। वसम्म ऊसम्मिय कहिं पि सो सरइ दूय ! अम्हाण । जम्हा स तायतुल्लो नहुभुल्लो रिद्धिअंतरिओ ||२३४७।। १. धीरे पा० । २ वण्णएण पा० । ३. समासहिओ जे० ।
।।
।।२३४३ ।