Page Text
________________
२०२
जुगाइजिणिदचरियं
वित्तलया-दंडेहिं च ओसारिज्जंति गुरुगुण समूहो। जयसद्दकलयलेणं व नासिज्जइ साहुसंवाओ॥२२४३।। दूरुत्तणफुसिज्जइ धयवडसूमारपल्लवेहि व। कुंदेंदुसंखधवलो जसपब्भारो मणूसाण ।।२२४४।। ईसरियतिमिरपडलं वियंभमाणं जणाण नयणेसु । नाणंजणेण जइ परं अवि गज्जइ पुनकलियाण ।।२२४५।।
तहा कुमार! लच्छी रज्जनिबंधणा रज्जं पुण पायालं पिव दुप्पूरं, जिण्णमंदिराजिरं व सुलहविवरनियरं, खलसंगयं पिव विरसावसाणं, वेसकामिणीहिययं व अत्थवल्लह, तरुणीपलोइयं व चंचलसहावं, विज्जुविलसियं व अचिरालोयं, भरहसुयचरियं पिव दावियविचित्तरसं, अबुहवयणं पिव परिणामदारुणं, संझब्भरायविलसियं पिव थोवरागं । सुरिंदकोदंडं पिव निग्गुणं, जलहिकल्लोलचिट्ठियं व अथिरं, वम्मियविवरं पिव बहुभुयंगाणुगयं, तिहूयणं पिव अणिट्ठियकज्ज, सप्पकरंडयं पिव अप्पमत्तपरिपालणिज्जं, वेसतरुणी जोव्वणं पिव बहुपुरिसपत्थणिज्ज ति सव्वा वि लच कारणं, विसेसओ रायलच्छी जं इमीए संगहियविग्गहा, सलोयणा वि अंध व्व न पेच्छंति पुरोगयं पि जणं, ससवणा वि बहिर व्व समासण्णजंपिराण वि न सुणंति वयणं, सवयणा वि मूय व्व न दिति पडिवयणं, सन्निवायगहिय व्व महोसहिसमसंनिहाण पुरिसप्पओगेण कह कह वि पेच्छंति, कहकह वि निसुणंति, कहकह वि पयंपंति, वायाविद्धखोरटारो ब्व कहकह वि विसंठलठवियचलणा, पीयमइर ब्व विहलंघलसरीरा, किकर-करकंठविलग्गा किलेसेण संचरति-अविय
अइकुडिलकवडमाया परवंचणलद्धगरुयपसरेहि। नरवइणो भद्दियविन्भमेहिं धुत्तेहि भन्नंति ॥२२४६।। जूयं परमविणोओ परधणहरणं च साहसमउव्वं । पररमणीरमणं पि हु सोहग्गगुणे पयासेइ ॥२२४७।। आहेडयम्मि खेओ नियदारविवज्जणं तु अव्वसणं । परिणामसुंदरं पि हु गुरुवयणं विसतरुसरिच्छं ।।२२४८।। गीयं न, वेसागमो य रसियाण एत्तियं रसियं । परपरिभवसहणं चिय महाणुभावत्तणं परमं ।।२२४९।। सच्छंदविलसियं जीवियं तियसावमाणणं सत्तं। बंदियणवयणवित्थरहलबोलो एस जसपवहो ।।२२५०।। आरोवितेहिं दढं दोसे वि गुणे मणे हसंतहि । तियसिंदसंभवाहिं धुत्तेहि थुईहिं थुव्वंति ।।२२५१।। रज्जमयमत्तचित्ता निरंकुसा गयवर व्व वियरंति । संतावियसयलजणा धम्मारामं पि भंजंति ॥२२५२।। अणुजीविया जणेणं असच्चवयणेहिं संथुया संता । देवेहितो वि फुडं अहियं मण्णंति अप्पाणं ॥२२५३।। नरवइणो निययं दंसणं पि मण्णंति गरुयमुवयारं। अवलोयणं पि मूढा गणंति उवयारपक्खम्मि ।।२२५४।। संभासणं पि दूरं ठवेंति अइगरुयदाणपक्खम्मि । पत्तट्ठपयाणं पि हु करिति गुरुसंविभागम्मि ॥२२५५॥ "नियकरफरिसं पुन्नं कलिति लोगाण राइणो दूरं। दुव्वयणं पि सूवयणं परस्स दिता वि चितंति ॥२२५६॥ एमेव गव्वकलिया नियसेन नमंति नेव पूयंति । सुहिसयणमणिवरिदे जणणी-जणए य नरवइणो ।।२२५७।। सुरगुरुसम पि विउस नियबुद्धीए हसंति दढमूढा । अह वावारेहि चिय महूसवो हयसियालाण ।।२२५८॥ अइमंगुलं पि ठावेंति सुंदरं कह वि अप्पणो भणियं । परवयणं सुंदरमवि न सुंदरं ताण पडिहाइ ।।२२५९।। वारिज्जंता अहिया उण्णंति रूसंति आउरनर व्व । धम्मम्मि निउज्जुत्ता न दिति मूय व्व पडिवयणा ।।२२६०।। तं चिय धरेंति पासे तस्सेव सुणेति तं तं चिय भणंति । तस्सेव दिति दाणं तं चिय मित्तत्तणं नेति ॥२२६१।। तं चिय बहुमन्नंते तं चिय बंधुत्तणम्मि ठाविति । ते णं चिय गोठ्ठीए समयं ठाविति नरवइणो ॥२२६२।।
१हि हु गणंति गु० पा० । २ फरिसं पि पावणं तिय कलिंति पा० । ३ परिवय जे० । परवयणं पुण अइसुंदरंपि विरुयंति मन्नति पा० । ४ उज्झंति पा० । ५ निउज्जता पा० । ६ पडिवयणं पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |