Page Text
________________
सिरिरिसहंसामिदेसणा
१९९
चडइ नमंताण गुणो आरूढगुणाण होइ टंकारो। जह चावाण नराण वि गुणटंकारो न थढ्डाण ।।
कुडंगो पुण मायामोसेहि मुद्धजणं मसंतो न कस्स वि सम्मओ। नियडी वि नियडिबहुलयाए अन्नमन्नं पयंपमाणी अन्नमन्नं च करेमाणी दो जीहा सप्पिणि व्व सव्वस्स भयंकरी, सायरो वि सह संचयाए जंज परस्स पेच्छइ तं तं अत्तणो अहिलसंतो सया दुक्खिओ कालमइवाहेइ। अण्णया भणिया रुद्ददेवेण अग्गिसिहा-"पिए ! वियारबहुलं जोव्वणं
अपरिणया ते सूया न नज्जइ कज्जपरिणए ता एसो दीणारसहस्सो आसाबंधो तह मए दिन्नो संगोवियव्वो। सुयमेयं नियडिए। अण्णम्मि दिणे पुणो भणिया--"पिए! इमे पूण दोन्नि दीणारसहस्सा जइ कहवि अजाणियं मे मरणं होज्जा ता तुम मम उद्दिसियधम्मे दिज्जा, एहि तुह पेच्छंतीए निहाणी करेमि । तहेव कयं । सुयमेयं तमंतरियसरीरेण कुडंगेण । साहिओ नियडीए एस वइयरो सव्वो वि संचयाए। ताहिं भणियं--"सहिरण्णा सासुया ता अणुकूलेऊण केण वि उवाएण हिरण्णं गेण्हामो। अण्णम्मि दिणे नियडिबहुलयाए बाहुल्ललोयणाए भणिया सासुया नियडीए--"अम्मो। दुब्बलं तुह सरीरं ता वारएण ण्हाण-भोयण-संवाहणाइयं तह सरीरस्स संपाडेमो जेण सुहिया हवइ अम्बा।" पडिवण्णमेयाए, कओ पढमदिणे पहाण-भोयणाइओ सव्वो वि नियडिए उवयारो। बीयदिणे महरवयण पायवडण पुरस्सरो सविसेसो संचयाए कओ। वच्चइ कालो। आवज्जियं नियडिसंचयाहिं सासूयाए माणसं। अण्णम्मि दिणे समागयचित्ताए भणिया अग्गिसिहाए--"हला एहि रहस्सं किपि दरिसेमि तहेव समागयाओ दंसियं निहाणदाणं भणियं च-"हला! जइ कहवि अलक्खियं मे मरणं होज्जा ता तत्थ दीणारसहस्सो अद्धमद्धेण तुब्भे गेण्हेज्जह । अविणीय त्ति
हरिया सिलाभागएसु । कइवयदिणेसु लोहमोहियमाणसाहिं ताहिं ताहिं पच्छन्नमेव उवखणिऊण अण्णत्थनिक्खयं । खंडिओ विणयउवयारो। कयाइ निरूवियं अग्गिसिहाए निहाणट्ठाणं। न दिट्ठनिहाणयं संकियहिययाए पुच्छियाओ. वहूओ। वाहविललोयणाए सदुक्खमेव भणियं नियडीए-"अंब! तह पाया अंतरे जइ कि पि जाणामो। संचया वि एवं चेव भणिय द्रिया। कूडंगेण वि साहिओ सायररस्स (--डंगरसायराण) जणयदविणवइयरोते वि वारएण पियरमाराहिउमारद्धा। विणयविवज्जिओ डुंगरो विणयउवयारजुत्ता कुडंगसायरा । अण्णया समागयचित्तेण कुडंगसायराण साहियं रहस्सं रुद्ददेवेण। अविणीओ त्ति उवेक्खिओ डुंगरो। लद्धावसरेहिं पियरं वंचिऊण गहियं निहाणं कुडंगसायरेहिं । अण्णत्थ नेऊण गोवियं । पयणइं कओ विणयउवयारो। तओ संकियहियएण निरूवियं निहाणयं रुद्ददेवेण न दिट्ठ । संजायसंकेण पुच्छिया पुत्ता। तओ उव्विग्गमाणसेण वि जंपियं कूडंगेण-"ताय ! संकियाणायाराण मरणमेव सरणमम्हारिसाण सायरेणावि एवं चेव भणिओ। ठिओ आयारसंवरं काऊण रुहृदेवो। अन्ननोवरि कलसियमाणसाण वच्चइ कालो। अण्णम्मि दिणे अग्गिसिहाए साहिओ रुद्ददेवरस निहाणहरणवइयरो । तेण भणियं-"आ पावे ! कीस तए बहुयाण साहियं?" तीए भणियं--"तुमए कीस पुत्ताण साहियं ?" रुदृदेवेण जंपियं-"भणिया पडिभणिसि ! अकुलपुत्तिया तुमं ।" तीए भणियं-"जइ य च्चिय तुह करे लग्गा तइय च्चिय गयं मे कुलं । तओ कोवावेसवणिट्ठ विवेएण निद्दयं ताडिया रुद्ददेवेण । मम्माया मुक्का जीविएण। अट्ठज्झाणोवगया मरिऊण समुप्पन्ना नियघरे चेव भूयंगिणी। अहिट्रियं नियनिहाणयं, संचयं वंचिऊण गिण्हामि त्ति खणंती डक्का भयंगिणीए । निवडिया निहाण नियडिया मरिऊण जाया नउलिया। निहाणनिबंधणं पइदिणं जुझंति भयंगिणि नउलियाओ। अन्नया निहाणट्ठाणमागया डक्का संचया वि भूयंगिणीए । अइलोहमोहिया मरिऊण समुपण्णा नियघरे चेव सुणिया। सायरेणा वि महालोहलद्धमणेण विसपओगेण मारिओ कुडंगो। मरिऊण समुप्पण्णो नियधरे भुयंगमो। अहिट्ठियं नियनिहाणयं सायरो वि निस्संक गिण्हामो त्ति खणंतो डक्को तेण भयंगमेण । मरिऊण नियनिहाणसमीवे जाओ नउलओ। नउल-सप्पाण वि निहाणकारणा पइदियहं कलहताण वच्चंति वासरा ।
१. वेण संजाय जे० । २ . वि जे० । २ अणायरण जे० । ३. भणियं जे० । ४. निहाण वइ ० जे० ।५. भणियं जे पा० ६.नियडा जे० । सायरेण वि० जे०। ७. अहिडियं जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |