Page Text
________________
१८४
जुगाईजिणिंदचरिय
भासइ अवण्णवायं विग्धं च करेइ नाणनाणीणं । सो बंधइ अन्नाणी नाणावरणं असुहकम्मं ॥१८५१।। मओ बुद्धिविहूणो अन्नाणी मेहधारणा रहिओ। जम्मंतरे वि न लहइ सो मइनाणाइयं नाणं ॥१८५२।। पंचविहं पि हु नाणं जणमझे जो पसंसए पुरिसो। वढ्डइ उवगारम्मि य सो मइमं होइ अन्नभवे ।।१८५३।। एसो नाणावरणे सुहासुहो बंधहेउअक्खाओ। दसणवरणे एत्तो कम्मे हेऊ निसामेह ।।१८५४॥ धम्मं जिणपण्णत्तं निदइ निसुणेइ भासइ अवन्नं । निसुणतं पि य निदइ दंसणविग्धं विणइकम्मं ।।१८५५।। जम्मंधो बहिरो वा सो जायइ तेण कम्मदोसेणं। न लहइ अण्णम्मि भवे सुविसुद्धं दसणं जीवो ॥१८५६।। जिणजिणधम्मस्स तहा जो अवन्नं वयइ साहुवग्गस्स। सद्दहइ कहिज्जतं सो बंधइ दंसणं सुद्धं ॥ १८५७।। सम्मइंसणरयणं लहइ य दळूण जिणवरे साहू । लहइ पुणो सम्मत्तं कमेण दुक्खक्खयं कुणइ ।।१८५८।। दसणमोहे कम्मे सुहो य असुहो हेउअक्खाओ। एत्तो य वेयणिज्जे हेऊकम्मे निसामेह ।।१८५९।। बंधण-मारण-छेयण-कसघायण-नियल-रुज्जुबंधेहिं । कर-चरण-सीस-छेयण-उल्लंबण-सूलपमुहेहि ॥१८६०।। निक्किव-निरणुकंपो चंडो रुद्दो य कूरकम्मो य। पावो पयंडदंडो बंधइ दुहवेयणं कम्मं ।।१८६१। अइभार-दमण-वाहण-कन्न वि गंतूण तहट्ठिभंगेसु। नित्तिसो पावरुई। पाणान्ननिवारणेहिं वा ॥१८६२।। उप्पायंतो दुक्खं तिव्वं सारीरमाणसं चेव । बंधइ असायवेयं जीवो तिविहेण जोगेण ।।१८६३॥ तो बंधिऊण कम्मं अस्सायं नरय-तिरिय-मणुएसु। सयगुणसहस्सगुणियं पावइ तं चेव सो दुक्खं ॥१८६४।। जो पुण सकरुणहियओ' जीवो जीवाण. नेच्छए दुक्खं । दीणाणुकंपणपरो परदुक्खे दुक्खिओ होइ ।।१८६५।। दीणंधविगलपंगुलबंदिग्गहबज्झनिज्जमाणेसु । उवगारं च करितो संतप्पंतो य हियएणं ।।१८६६।। बालेसु य वुड्डेसु य खयखीण-सरीररोगघत्थेसु । दितो य भत्तपाणं बंधइ सायं सया जीवो ॥१८६७।। साहूणं सुविहियाण वियरेंतो भत्तपाणभेसज्ज। सायं बंधइ जीवो देवासुर-मणुयतिरिएसु ।।१८६८।। एसो य वेयणिज्जे सुहासुहो वण्णिओ मए हेऊ। एत्तो य मोहणिज्जे बंधणहेउं पवखामि ॥१८६९॥ दुविहं च मोहणिज्जं दंसणमोहं चरित्तमोहं च। दसणमोहं तिविहं मोहिज्जइ दंसणं जेण ।।१८७०।। मिच्छत्तं च पसंसइ निंदइ सम्मं च रागदोसेहि। मुज्झइ मढो बहुसो मिच्छद्दिट्ठीण रिद्धीसु ॥१८७१।। एसो वि अत्थि' धम्मो लोए वेए य जो समक्खाओ। एव भणंतो जीवो दंसणमोहं चिणइ कम्मं ।।१८७२।। जं पुण चरितमोहं पणुवीसं तस्स हुंति भेयाओ। सोलसकसायहासाइछक्कयं वेयतिन्नेव ॥१८७३।। अइतिव्वज्झवसाओ कोहे माणे य माय-लोभे य । बंधइ चरित्तमोहं सिवसुहसंपत्तिविग्धकरं ॥१८७४। हसइ य हरिसियचित्तो परं हसावेइ अणुमयं देइ। रइरागरंजियमणो बंधइ चारित्तमोहणियं ।।१८७५।। धी-बलरहिओ अरई पसंगओ निच्चदुक्खिओ संतो। सव्वत्तो च्चिय संकइ भयभीओ भमइ संभंतो ॥१८७६।। सोयइ विलवइ बहुसो अंतो हियएण पियजणविहीणो। हियन?' पि य झायइ चरित्तमोहं कुणइ कम्मं ।।१८७७।
१ साहुधम्मस्स पर० । २ सणवरणे क० पा० । ३ नियलेहिं पा० । ४ पावरइ पा० । ५ निच्चं जे० । ६ सकसण जे० । सकरण पा० । रं पगरेंतो पा० । ८ विय पा० । ६ हियमट्ठ पा० ।
७ वि एत्थ ध० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |