Page Text
________________
१७८
जुगाइजिणिदचरियं
ईय भणिऊण नारयभट्टो भरहेण विहियसक्कारो। पेच्छंताणं ताणं झड त्ति गयणेण उप्पइओ ।।१७५७।। अमय-समाण-सरीर मुद्ध बंभणु भणइ। मह पुणु देहु दवानलु जिह तिह सा दहइ ।।१७५८।। लद्धावसरु निरंतरु! मेल्लइ मयणु सर । बहु-विज्जा-बल-गब्बिय विसमट्ठिय खयर ॥१७५९॥ मग्गंतह पयडक्खरिहिं, वड्डुिम अड्डि थाइ। मणु पुणु वेयड्ढाभिमुहु वारिज्जंतु वि जाइ ।।१७६० ।। मरुहु मणिच्छिय वेल्लडी करहु सुर?इ वीडि। मेलावा हय-विहि-वसिण विरह' विसत्थउ पीडि ।।१७६१।। इय चितिऊण भरहो तम्मयमिव तिहुयणं मण्णंतो। चउविहबलपरियरिओ वेयड्ढाभिमुहच्चलिओ ।।१७६२।। कयवयपयाणएहिं वेयड्ढनियंबउत्तरे पासे। खंधावारनिवेसं करेइ गंतूण चक्कहरो ॥१७६३।। नमि-विनमी रायाणो मणसी काऊण भरहनरनाहो। पोसहसालाए गओ, अट्ठमभत्तं गहेऊण ।।१७६४।। अट्ठमभत्तम्मि पुणो परिणममाणंसि भरहरायस्स । विणमि-नमी रायाणो दिव्वमई चोइया संता ॥१७६५।। . मिलिऊण दो वि परिणइ सुहावहं मंतयंति नयनिउणं । उप्पण्णो खलु पढमो भरहवई भारहे वासे ।।१७६६॥ तं जीयं खलु एयं तिकालभावीण खेयरिंदाण। जं कीरइ उवयारो उत्तमपुरिसाण सव्वाण ।।१७६७।। तो अकयकालक्खेवं गम्मउ एयस्स पायमूलम्मि। इय जंपिऊण विणमी गहिऊण सुयं समुच्चलिओ।।१७६८।। तुडियाणि य रयणाणि य कडगाणि य विविहिभत्तिजुत्ताणि । गहिऊण नमी वि लहुं पत्तो भरहस्स पयमूले ।।१७६९।। बालदिवायरदित्तीमाणुम्माणप्पमाणपडिपुण्णं । वज्जरिसह-संघयणं समचउरंसं च संठाणं ।।१७७०।। निव्वावट्ठियजोव्वण-नहकेसं रोगहरण-पडहत्थं । मणइच्छियसीओसिणफासं अइफारसिंगारं ।।१७७१।। तिसु तणुयं तिसु तंबं तिवलीयं मझं ति उण्णयं तिकालं । तिसु से यति गंभीरं तियाययं तिसु य वित्थिण्णं ।।१७७२।। रमणीयणचउसट्ठी सहस्ससंभोगजणिय11 खेयस्स। नियसंगमामएणं खयंकरं कण्णया रयणं ।।१७७३।। काऊण पुरोपणमइ विणमी विणमंत कणय-मणिमउडो । नामियसत्तुसमूहो नमि वि नमी य देइ रयणाणि ।।१७७४॥ जय जीव नंद सुचिरं अम्हे तुह किंकरा कयंजलिणो। दूरट्ठिया वि पहुणा सरियव्वा भिच्च-कज्जेसु ।।१७७५।। पणयपगब्भं संभासिऊण पडिपूईऊण भरहवइ। नमि विनमि खेरिदे एवं भणिउं समाढत्तो ।।१७७६।। तडितरले तारुण्णे कुसग्ग-जल-बिंदु चंचले जीए। जं दीसइ सुयण सुहं भण तेणं कि न्न पज्जत्तं ॥१७७७।। पाया वि निप्फलच्चिय सूयणाण घरंगणे न जे जति । किं तेहिं लोयणेहिं दीसंति न सज्जणा जेहिं ।।१७७८।। परमत्थसुयणदंसणसलाइया नेह कज्जलालिद्धा। सुसिणिद्धबंधवाणं दिट्टिगया देइ आणंदं ।।१७७९।। सज्जण-ससि उदएणं सुयणमणो सागरो व्व वित्थरइ० । इयरस्स पुणो संकुयइ ससि करालिद्ध कमलं व ॥१७८०॥ वसणूसवेसु नज्जइ सुयणा सुयणाण दोण्ह वि विसेसो। संकोय-विकोएहिं व चंदुदए कमल-कुमुयाण ॥१७८१।। निरहंकारं नाणं खमासमत्थाण सज्जणे नेहो। रिद्धीए समं विणओ पियवयणपुरस्सरं दाणं ।।१७८२ ।। निरवेक्खं सुयणत्तं15 सुदीहदरिसित्तणं कयन्नुत्तं। परउवयारे चित्तं विरलाण जयम्मि जइ होइ ।।१७८३।। एक्को व दो व तिण्णि व कह वि तुलग्गेण जइ गुणा होति । रोहणधरो व्व धणियं गुणरयणविभूसिया तुब्भे ।।१७८४।।
चंदाओ वि सूराओ वि परंपयं अज्ज पाविओ अहयं । जं ससि-सूर व्व सयं समागया मह घरे तुब्भे ।।१७८५।। १. निरंतर पा०। २. सरु जे०। ३. पयडक्खरिहिं जे०। ४. करह पा०। ५. सुरहइ जे० । ६. विहि विसिण पा०। ७.तू विरहि पा०। ८. तो पा०। ४. तिवलियो पा०।१०. गंभीरिया पा०। ११. भोग खेय जणियस्स पा० । १२. सुयण सुहं पा०। १३ . व्व नित्थ० पा०। १४. सुयणतं पा०। १५. सुगणा पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |