Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 209

१६८
जुगाइजिणिदचरिय जे देवा सावहाणा सुणंतु मुहमूले सरस्स जे देवा सपाडिहेरा भवंतु पुखप्पएस समस्सिया जे देवा सव्वे ते विसयवासी ममं ति कट्ट, उसु निसिरइ
परिगरनिगडियमझे वाउद्ध्यसोहमाणकोसेज्जे। चित्तेण सोहए धणुवरेण इंदो व्व पच्चक्खं ॥१६७०।। तं अइचंचलजीवं पंचमि चंदोवमं महाचावं । छज्जइ वामे हत्थे, सक्कस्स व भरनाहस्स ।।१६७१।।
तए---णं से सरे दुवालसजोयणाई गंतूण महया महया सद्देणं पूरियंबरंतले मागहतित्थकुमारस्स भवणम्मि निवडिए। से वि तं दठ्ठण आसुरुत्ते कुविए चंडिक्किए मिसिमिसीमाणे तिवलियं भिडिं निडाले साहट्ट. एवं वयासी--केस णं भो! एस अपत्थियपत्थिए सिरि-हिरि-धी-कित्तिवज्जिए हीण-पुन्न-चाउद्दसे दुरंतपंतलक्खणे जेणं मम इमाए एयाणुरूवाए दिव्वाए देविड्ढीए देवजईए दिव्वेणं देवाणुभावेणं लद्धेणं पत्तेणं अभिसमन्नागए णं भवणंसि सरं निसिरई" ति कट्ट सीहासणाओ उऐइ उद्वित्ता तं सरं गिण्हइ, गिण्हित्ता नामयं वाएइ। तए णं तस्स संकप्पे समुप्पज्जित्था--"उप्पन्ने खलु भो! जंबुद्दीवे दीवे भारहे वासे भरहे नाम चाउरंतचक्कवट्टी, तं जीयमेयं तीय-पडुप्पन्नमणागयाणं मागह-तित्थकुमाराणं चक्कवट्टीणं उवत्थाणियं करित्तए त्ति कट्ट, हारं मउडं कुंडलाइं कडगाणि य तुडियाणि य वत्थाणि महारिहाणि आभरणाणि य सरं च मागहतित्थोदगं च गिण्हइ, गिण्हित्ता जेणेव भरहे राया तेणेव उवागच्छइ, उवागच्छित्ता अंतलिक्खपडिवन्ने सखिखिणीयाई पंचवन्नाइं पवरवत्थाई परिहिए कयकरयलसंपुडे जएणं विजएणं वद्धावेइ, वद्धावेत्ता एवं वयासी"--अभिजिए णं देवाणुप्पिएहिं केवलकप्पे भारहे वासे पुरथिमेणं मागहतित्थमेराए, तं अहं णं देवाणुप्पियाणं विसयवासी , अहं णं देवाणुप्पियाणं आणानिद्देसकरे किंकरे, अहं णं देवाणुप्पियाणं पुरथिमिल्ले अंते पाले, तं पडिच्छंतु णं देवाणुप्पिया मम इमेयारुवं पीइदाणं" ति कट्ट, हाराइयं तित्थोदगपज्जंतं उवणेइ। से वि यणं पडिच्छइ पडिच्छित्ता तं देवं सक्कारेइ सम्माणेइ पडिविसज्जेइ।
तए णं से भरहे राया रहं परावत्तेइ, परावत्तेइत्ता लवणसमुद्दाओ मागहतित्थे णं पच्चुत्तरइ, पच्चुत्तरित्ता विजयखंधावारदेसे समागच्छइ रहाओ पच्चोरुहइ, मज्जणघरमणुपविसइ कयमज्जणो तत्तो पडिनिक्खमइ। भोयणमंडबंसि सुहासणवरगए अणेगभडभोइएहिं सद्धिं अट्ठमभत्ताओ पारेइ, पारित्ता जेणेव बाहिरिया उवट्ठाणसाला तेणेव उवागच्छइ उवागच्छित्ता पवरसिंहासणे निसीयइ, निसीइत्ता अट्ठारससेणिप्पसेणीओ सद्दावेइ, सहावेत्ता एवं वयासी-"खिप्पामेव भो देवाणुप्पिया ! मागहतित्थाहिवस्स महया महया विच्छड्डेणं अट्टाहिया महिमं करेह, करित्ता एयमाणत्तियं खिप्पामेव पच्चप्पिणह" ते वि तहेव काऊण पच्चप्पिणंति ।
तए णं से दिब्वे चक्करयणे वइरामयतुंबे लोहियक्खमयारए जंबूणयनेमीए मणिमुत्ताजालविभूसिए सनंदिघोसे सखिखिणीए दिब्वे तरुण-रवि-मंडल-निभे, नाणा-मणि-रयणघंटियाजाल-परिखित्ते, आसत्तसव्वोउयसुरभि-कुसुम-मल्लदामे अंतलिक्खपडिवन्ने जक्खसहस्ससंपरिवुडे दिव्व-तुडिय-सद्दसण्णिनाएणं पूरेते चेव अंबरतलं नामेण सुदंसणे नरवइस्स पढमे चक्करयणे तस्स देवस्स ताए महिमाए निव्वत्ताए समाणीए आउह-घरसालाओ पडिनिक्खमइ, पडिनिक्खमित्ता दाहिणपच्चत्थिमेणं दिसीभाएणं वरदामतित्थाभिमुहे पयाए यावि होत्था । भरहे वि य णं हत्थिखंधवरगए सयलसामग्गीए तस्स चक्करयणस्स मग्गाणुलग्गे जोयणपमाणेहिं सुहावासेहिं जेणेव वरदामतित्थे तेणेव उवागच्छइ उवागच्छित्ता विजयखंधावारे निवेसं करेइ करित्ता वड्ढइरयणं सद्दावेइ सद्दावेत्ता एवं वयासी--"खिप्पामेव भो देवाणुप्पिया! ममावासं पोसहसालं च करेइ करित्ता एयमाणत्तियं पच्चप्पिणाहि।" से वि तहेव काऊणं पच्चप्पिणइ।
____तए णं से भरहे पोसहसालं पविसइ दब्भसंथारयं दुरुहइ वरदामदेवकुमार मणसीकाऊण अट्ठमभत्तं पगिण्हइ । पोसहं पडिजागरमाणे पडिजागरमाणे विहरइ। तए णं से भरहे अट्ठमभत्तंसि परिणममाणंसि पोसहसालाओ पडिनिक्खमइ जेणेव चाउघंटे आसरहे तेणेव उवागच्छइ उवागच्छित्ता हिमवंतकंदरंतरनिवायसंवढियचित्ततिणिसद्दलियं जंबूणयसुकयकप्परं कणय-दंडियारं, सुजायजायरूवजायघंटियाजालारवजणियजणविम्हयं तत्ततवणिज्जचक्कतारतुंबविणिविट्ठअट्ठासीवरारयं विसिट्र-लनवलोहबद्धसंधिबंध, पसत्थवित्थिपण्णलक्खणधरं वावल्लसेल्लकुंतखेडयासिसन्निसियसरभरियबत्तीसतोणसंपरिखित्तं अओज्झं सुसारहिसंपग्गहियं बलागगयदंत-चंद-मोत्तिय-कुंद-कुडय-वरसिंदुवारफेण-निगर-हारकासप्पगासधवलेहि मणपवण-जइगवंचलसिग्धगामीहिं चउहिं चामरा-कणग-विभूसियंगेहिं वरतुरंगमेहिं जुत्तं पंचवन्नरयणपरिमंडियं सोयामणि१. विविह वण्णं जे.।