Page Text
________________
सिरिरिसहसामिवण्णणं
१५७
सम्म परिक्खिउणं गिण्हेयन्याणि अन्नहा दोसो। कणयमईए कित्तिमकणयं पिव गिण्हमाणस्स ॥१४३४।। गयरागदोसमोहो सञ्चन्नू सयलसत्तहियकारी । दस-अट्ठदोसरहिओ पसत्तमुत्ति जिणो भयवं ॥१४३५।। देवो पवज्जियव्वो गुरू वि गयगारवो निरासंसो। पंचमहव्वयकलिओ पिंडविसुद्धीए पडिबद्धो ॥१४३६॥ सपरोपयारजुत्तो घरघरिणिविवज्जिओ निरारंभो। निपरिग्गहो दयालू विजियक्खो खंतिसंपन्नो ॥१४३७।। दुन्नि वि विसयासत्ता दोन्नि वि घरघरिणि संगहसमेया। सीस-गुरूसमदोसा तारिज्जइ कहह को केण ॥१४३८॥ भवजलहिनिवडियाणं कम्ममहालहरि हीरमाणाणं। को केणं तारिज्जइ लोहतरंडाण दोण्हं पि॥१४३९।।
उक्तं च--
विषयी विषयासत्कं सधनी स धनं गृही गृहिणमेव । सारम्भः सारम्भं न तुल्यदोषः प्रतारयति ।।१४४०।। तम्हा परिक्खिऊणं गिण्हेयन्वो गुरुगुणत्थीहिं । सिंबलितरंडतुल्लो जो तरइ परं च तारेइ ।।१४४१।। धम्मो पुण जत्थ दया सच्चं सोयं अकिंचणं बंभं । आईमज्झवसाणे वियारकाले न विहडेइ ।।१४४२।। पासंडियधम्मेसु दयाइपडिवज्जिऊण इह पढम । मज्झे अन्नं भणियं अवसाणे तह पुणो अन्नं ।।१४४३।। ताधम्मोजिणधम्मो कस-ताव-च्छेयतिहिं परिक्खाहिं । निव्वडिओ जच्चसुवन्नयं च कुसलेण इह गेज्झो ॥१४४४।। सो पुण चउन्विहो दाण-सील-तव-भावणामओ भणिओ। दाणमओ इह पढमो भण्णइ संखेवओताव ॥१४४५।। दाणं तिविहं भणियं असारसंसारसारपुरिसेहिं । तत्थ वि नाणपयाणं पढमं सुविवेयतरुबीयं ।।१४४६।। बीयं तु अभयदाणं धम्मोवग्गहकर तहा तइयं । दाणं सुपत्तखेत्ते बीयं च बहुप्फलं होइ ।।१४४७।। नाणं तत्थ दुभेयं मिच्छानाणं च सम्मनाणं च । जं रागदोसजणगं मिच्छानाणं तयं सव्वं ॥१४४८।। वेज्जय-सत्थमसेसं जोइससत्थं विवाय सत्थं च। रसधाउवायसत्थं ईसत्थं अत्थसत्थं च ॥१४४९।। एमाइबहुपयारं सूयारा हेडगाइयं तह य । मिच्छानाणं नेयं रागाइविवड्ढणं जम्हा ।।१४५०॥ सवण्णुणा जिणेणं जो भणिओ अवितहागमो सव्वो । तं होइ सम्मनाणं परलोगपसाहगं जम्हा ।।१४५१॥ जीवाजीवा पुन्नं पावासव-संवरो य निज्जरणं । बंधो मोक्खो य तहा जाणिज्जइ सम्मनाणेण ।।१४५२।। एमाइणो अणंता विसया इह होंति सम्मनाणस्स। तं नाणं जस्सुदया पलयं वच्चंति रागाई ॥१४५३।। तं नाणं पिन भन्नइ रागाई जम्मि उक्कडा होति । सो कह भन्नइ सरो विहडावइ जो न तिमिरोहं ।।१४५ नाणपयाणेण विणा जीवाजीवे न याणई मूढो। अमुणियजीवाजीवो कह रक्खं कुणउ जीवाण ॥१४५५।। एयं च नाणदाणं संसारदुमस्स परसु सारिच्छं । तह दितगाहगाणं दोण्ह वि मोक्खं पसाहेइ॥१४५६।। सम्म नाणाणुगओ जीवाणं देइ अभयदाणं पि। जीवा य होंति दुविहा थावर तह जंगमा चेव ॥१४५७।। पुढवी-आउक्काए तेऊ-वाऊ-वणस्सई चेव । थिरजीवा बेंदियमाई पुण जंगमा नेया ॥१४५८।। थावर-तस-जीवाणं जो अभयं देइ सव्वसत्तीए। सो जीवाभयदाता वसइ सुहं सग्गमोक्खेसु ।। १४५९।। दीहाउओ सुरूवो नीरोगो भोगभायणं धणियं । सुहि-सयण-धणसमेओ अभयपयाणेण होइ नरो॥१४६०॥ जस्स दया तस्स तवो जस्स दया तस्स सीलसंपत्ती। जस्स दया तस्स गुणा जस्स गुणा सोग्गई तस्स ।।१४६१।। जो सयलसत्तवग्गं अत्थपयाणेण सुत्थियं कुणइ। न कुणइ जीवेसु दयं सव्वं पि निरत्थयं तस्स ॥१४६२।। नीसेस धम्ममूलं असेससुहसाहगं पवित्तं च। अभयमिह महादाणं सेसाणि भवंति दाणाणि ॥१४६३।।
१. मज्झो पा० । २. विवाहस० जे०। ३. जिणाणं पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |