Page Text
________________
१३८
जुगाइजिणिंद-चरियं
मडयपूया पयट्टा। सामिस्स सरीरगं जीवविप्पजढं गोसीसचंदणकट्रहिं देवेहि दड्ढेल्लयं तप्पभिई लोगे वि मडयदाहो पवत्तो। थूभा वि भाउयस्स भरहेण कया तओ लोगे पयट्टा । भट्टारए कालगए देवेहि आणंदंसुवाओ कओतप्पभिइं लोगो वि इट्टविओगाइसु रोइउमारद्धो । इच्चेवमाइसव्वं सयलं जगपियामहेण उसहसामिणा पाएण उप्पाइयं पच्छा लोगे पयर्टे ।
नगु कहसावज्जमिणं सिपाइ पयट्टियं जिणिंदेण । सयलजगजीवसुहएण धम्मपुरिसेण रिसहेण। ॥११७६।।
भण्णइ न एत्थ दोसो, सुहपरिणामस्स लोगनाहस्स। दरदोससंभवे वि हु अणेगगुणकारणत्तणओ ।।११७७।। भणियं च
वरबोहि लाभओ सो सब्वुत्तमं पुण्णसंजुओ भयवं। एगंतपरहियरओ सुहाणुबंधो महासत्तो ॥११७८।। जं बहुगुणं पयाणं' तं नाऊणं तहेव दसइ। ते रक्खंतस्स तओ जहोइयं कह भवे दोसो ।।११७९।। तत्थ पहाणो अंसो बहुदोसनिवारणा उ जगगुरुणो। नागाइरक्खणे जह कड्ढणदोसे वि सुहजोगो ।।११८०।। गड़ातडम्मि विसमे इटुसूयं पेच्छिऊण कोलंतं । तप्पच्चवायभीया तयाणणदा गया जणणी ।।११८१।। दिवो य तीए नागो तं पइ इंतो दुओ य खड्डाओ। तो कढिओ तओ तह पीडाए विसुद्धभावाए ॥६१८२।। एवं च एत्थ जुत्तं इहराहियदोसभावओ नत्थो । तप्परिहारेणत्थो अत्थो च्चिय तत्तओ नेओ ।।११८३।। एवं बहदोसहरं सिप्पाइ विहा णमो जिणिदस्स । उचियं चिय विन्नेयं जियाण परिणामसुहहेऊ ॥११८४।। सिप्पाईण विहाणं पयाण गुणकारणं ति काऊण । इसीसि सदोसं पि हु भणियं तेलोक्कनाहेण ॥६१८५।।
उसहसामिस्स महानिक्रवमणं
से य उसहे कोसलिए पढमराया पढमभिक्खायरे पढ़मजिणे पढमतित्थयरे, दक्खे दढपइन्ने पडिरूवे अल्लीणे भहए विणीए वीसं पुव्वसयसहस्साई कुमारवासमझे वसित्ता, तेवढेि पुव्वसयसहस्साइं रज्ज वासमझे बसेऊण, लेहाइयाओ, गणियप्पहाणाओ, सउणस्यपज्जवसाणाओ बावत्तरि कलाओ अन्नं पि जं पयाणपरिणामसुहं तं सव्वं उवदंसित्ता पुत्तसयं रज्जसए अहिसिंचइ, अहिसिंचित्ता निक्खमणं पइ मणं संपहारेइ ।
तेणं कालेणं तेणं समएणं सारस्सयमाइया लोगंतियदेवा चलियासणा सिग्धं समागंतुण विणयविहियकरयलंजलीपूरओ होऊण एवं वयासी,--"बुज्झाहिणं लोगनाहो पढमतित्थसामी, पवत्तेहि णं पढमधम्मतित्थं" ति सयंबद्धमवि भगवंतं कप्पो त्ति काऊण बोहिंति । तओ संवच्छरियं महादाणं पयट्टइ सक्काणत्तधणयजक्खचोइयातिरियजंभगा देवा--नवाणि वा भट्टाणि वा पहीणसामियाणि वा, पण?सामियाणि वा पण?से उयाणि वा गिरिकंदरगयाणि वा मसाणटाणनिहियाणि घरंतरगोवियाणि हिरन्न-सुवन्न-मणिरयण-पमुहाणि निहाणाणि सव्वओ समंता समाहरिय समाहरित्ता विणीयाए नयरीए सिंघाडग-तिग-चउक्क-चच्चर-चउम्मुह-महापहपहेसु नगरनिग्गमठाणेसु पवेसठाणेसु अन्नेसु य बहुसु मग्गणठाणेसु पुंजीकरेंति । अन्नत्थ पुण महाणसिया जहिच्छिया अहासुंदरे सत्तायारे पयद॒ति । किं बहुणा जो जं मग्गइ तस्स तं "वियारिज्जइ भणियं च
संवच्छरेण होही अभिनिक्खमणं तु जिणवरिंदस्स । तो अत्थसंपयाणं पवत्तए पुख्वसूरम्मि ।।११८६।। एगा हिरनकोडी अट्टे व अणूणगा सयसहस्सा। सूरोदयमाईयं दिज्जइ जा पायरासाओ ।।११८७।। सिंघाडग-तिय-चउक्क-चच्चर-चउमुह-महापहपहेसु । दारेसु पुरवराणं रच्छामुहमज्झयारेसु ।।११८८।। वरवरिया घो सिज्जइ किमिच्छियं दिज्जए बहुविहीयं । सुर-असुर-देव-दाणव-नरिंदमहियाण निक्खमणे ।।६६८९।। तिन्नेव य कोडिसया अट्ठासीइं च होंति कोडिओ। असिइं च सयसहस्सा एवं संवच्छरे 'दिन्नं ।।६६९०।।
कालाणभावओ तित्थयराणभावओ य किमिच्छ्यिपयाणे वि न समहियगाहगा। एवं संवच्छरमछिण्णं कणगसलिलधाराहि महामेहो ब्व कयत्थी काऊण दुग्गयवप्पीहयकुडुंबाणि भरहं विणीयाए, बाहुबलि बहलीजणवए, तक्खसिलाएनयरीए अण्णे य नियनियनामंकिएसु जणवएसु ठवेऊण, चेत्तस्स बहुलट्टमीए दिवसस्स पच्छिमे भाए सुदंसणाए सीयाए सदेवमणुयासुराए परिसाए समणुगम्ममाणमग्गे विणीयंरायहाणि मज्झं मज्झेणं निग्गच्छइ निगच्छित्ता जेणेव सिद्धत्थ
पयाणय जे० । २ पेक्छा जे०। ३ पुव्व सह० पा०। ४ णि या अण्ण उयाणि वा पण जे० ।५ निग्गमपवेस पा० इंछियाहारसुंजे० । ७ तविणिघर तरंगो वि पा० । ८ वियरज्जइ
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |