Page Text
________________
सिरिधम्मनिवो
१९
(तइओ पव्वो -) जो इह दळूण कसायतावसंतावियं जयं सयलं । वयणामयवुट्ठीए, दइयाइ निवावणत्थं च ॥ ४६० ॥ अमयमयपुनमुत्ती, अवयरिओ वेजयंतमुज्झित्ता । सो दोसुदयं हणिऊण कुणइ सुदिणे अउव्वससी ॥ ४६१ ।। धायइसंडे दीवे, पुश्विल्लमहाविदेहखेत्तम्मि । बहुमज्झदेसभाए, जो मेरुमहागिरी रम्मो ॥ ४६२ ।। तयविक्खाए विजयाई जाइं सोलस हवंति पुव्वाए । सोलस अवरदिसाए, वरपुरिनइ-सेलकलियाई ॥ ४६३ ।। सीयासीओयाणं, अठ्ठट्ठ उ ताई उत्तरदिसाए । अट्ठट्ठ दाहिणाए, जम्माए जाइं अट्ठट्ठ ॥ ४६४ ॥ ताणं पुव्विल्ले अट्ठयम्मि रमणिज्जनाम विजयम्मि । अत्थि पुरी वित्थिन्ना, सुभाभिहाणेण वित्थिण्णा ॥ ४६५ ता कुसुमअन्नपवरंसुयाइवत्थूहि लोयचित्ताई । आणंदइ तह य सुरूवनारिवरवेसभासाहिं ।। ४६६ ।। अजियजयाभिहाणो, राया तत्थासि जेण गरुययरे । अवराजिए वि जिणिऊण वेरिणो नाम सच्चरियं ॥ ४६७ ।। सव्वंतेउरवज्जा, गुरुयणकयचारुचरणपरिवज्जा । बंधुयणकज्जसज्जा, अजिया नामेण से भज्जा ॥ ४६८ ।। लायन्नरूवजोव्वणसोहग्गकलाकलावमाईहिं । सुरनारीहिं वि अजियाए जीए गुणसंगयं नाम ॥ १० ॥ ४६९ ॥ तीए सह तस्स पीई, निरंतरं सोक्खमणुहवंतस्स । नरवइणो लीलाए, कोई कालो वइक्कतो ॥ ४७० ॥
अन्नम्मि दिने रयणीए चरिमजामम्मि सुहपसुत्ता सा । गयवसहमाइसुमिणे, चोद्दस दतॄण पडिबुद्धा ॥ ४७१ ।। उठेऊण पहट्ठा, गंतूणं भत्तुणो सयासम्मि । साहेइ जहादिठे, सुमिणे सव्वे वि सुविसिढे ॥ ४७२ ।। तो सो वि हट्ठतुट्ठो, विमरिसिउं भणइ देवि ! तुह पुत्तो । चक्की जिणेसरो वा, होही बहु पुन्नपन्भारो ॥ ४७३ सोऊण इमं वयणं, पहरिसवसउल्लसंतरोमंचा । देवी वि भणइ मह नाह ! तुह पभावेण होउ इमं ॥ ४७४ ॥ एवं पडिच्छियं में, जं तुज्झ मुहाओ निग्गयं सामि ! । इय तब्भणियं बहुमन्निऊण सट्ठाणमणुपत्ता ।। ४७५ ।। सोहम्मकप्पवासी, इओ य सिरिहरसुरो सुरिंदसमो । अणुहविऊणं तब्भवसुहाई सुरसुंदरीहिं समं ॥ ४७६ ॥ नियआउयक्खयम्मी, तत्तो चविऊण तीए रयणीए । अजियादेवी उयरे, उदिण्णपुण्णो समुप्पण्णो ।। ४७७ (जुयल) जाओ नियसमएणं, कयं च से नाममजियसेणो त्ति । महईए विभूईए, वद्धावणयाइ कारविउं ॥ ४७८ ॥ जाएण तेण अहियप्पयावजुत्तेण दिव्वरूवेण । तह सोहिओ नरिंदो, जह दिवसो दिवसनाहेण ॥ ४७९ ॥ जणणीजणाणुरायं, पयडंती जगनमंसणिज्जा य । जाया पभायसंझ व्व तेण पुत्तेण रविण व्व ॥ ४८० ।। अच्चब्भुयगुणरिद्धीए कंतिमत्ताए देहलच्छीए । अणुवमकलाकलावेण तह य सियपक्खचंदो व्व ॥ ४८१ ।। वुड्ढि गओ कुमारो, उज्जलजसकिरणभरियदिसविवरो। अरिरायपक्खपंकयवणलच्छिविणासपरिहत्थो॥ ४८२ (जुयल) सव्वगुणसमुदयं पासिऊण पिउणा अईवतुट्टेण । अण्णदिणम्मि कुमारो, जुवरायपयम्मि अहिसित्तो ॥ ४८३ ।। सो तं पयमारूढो, सोहइ अहियप्पयावसोहाए । सरए निरब्भदेसे, समुग्गओ अंसुमालि व्व || ४८४ ॥ अह कइया वि नरिंदो, नमंतसामंतमउडकोडीहिं । मसिणीकयपयवीढो, अत्थाणसहाइ उवविट्ठो ॥ ४८५ ॥ जावच्छइ ताव तहिं, समागओ अजियसेण जुवराओ । पिउणो पणामपुव्वं, उवविट्ठो उचियठाणम्मि ॥ ४८६ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |