Page Text
________________
२०५
पाणाइवायमाईवएसु निरयाण सुद्धदिट्ठीणं । सज्झायझाणतवसंजमेसु निच्चं सुलग्गाण ॥ १३४२ ॥ माऊसुपडिबद्धाण पंचसमिईसु तिसु य गुत्तीसु । समभावभावियाणं, संसारविरत्तचित्ताण ।। १३४३ । धम्मोवटुंभकए, आयाणुग्गहपराए बुद्धीए । साहूण निज्जरट्ठा, दायव्वं सव्वमेयं ति ।। १३४४ ।। कालोवयोगि संतं,सुविसुद्धं सावएण साहूण । आहारोवहिदाणं, जह देयं भत्तिसत्तीहिं ॥ १३४५ ।। तह साहू वि हु साहूण दिज्ज परओ य गिण्हिउं सुद्धं । धम्मत्थी आहाराइ निन्निया णेण चित्तेण ॥ १३४६ ।। एगारसियं पडिमं, पडिवन्नो जो गिही वि साहु व्व । परियडइ निरीहप्पा, भिक्खं अविसन्नसुहचित्तो ।। १३४७ ।। तस्स वि जो देइ घरागयस्स आहारमाइ गेहत्थो । सुविसुद्धं तेणावि हु, पयट्टियं होइ दाणमिणं || १३४८ ॥ एवं चउव्विहमिणं, दाणं संखेवओ समक्खायं । एयस्स फलं मोक्खो, पुप्फ पुण सुरनरवरत्ते ॥ १३४९ ॥ बुद्धिमत्वे कालाणुरूवकिरिया कीरंती किंतु बहुफला होइ । कालाविक्खा वि अओ कायव्वा बुद्धिमंतेहिं । २८९१ ॥ बुद्धिविपर्यासे अंगारओ वि भन्नइ जह लोए मंगलो त्ति नामेण । विट्ठी भद्दा विसमवि महुरं लोणं च मिट्ठति ॥ २३३८ ॥ तह चेव पावकरणं पावसरूवं पि एयमिह पयडं । भन्नइ जणम्मि पुन्न, बुद्धिविवज्जासभावेण ॥ २३३९ ॥ जे खलु विमूढचित्ता, रज्जं कप्पंति सुहसरूवं ति । ते रइहरं ति मण्णंति सप्पबिलसंकुलं पि गिहं ।। २३४० ।। जे उण तिहुयणपुज्जा हवंति रज्जम्मि वट्टमाणा वि । ते पुव्वविहियसुकयाणुभावसंभूयमाहप्पा ।। २३४१ ।। पडिकूलदेव्ववसगाण । जायइ गुणो वि दोसो, बुद्धिजुयाणं पि पुरिसाणं ।। ३२२५ ।। भवभ्रमणे जम्हा एसो जीवो, नडो व्व नियकम्मसुत्तहारेण । विविहावत्थाणुगओ, भामिज्जइ भवमहारंगे ॥ १७६२ ।। भावनाधर्मे एत्तो भावणधम्मं, भणामि ताओ दुवालस च्चेय । कम्मखयट्ठा जाओ, हवंति भाविज्जमाणाओ ॥ १३७० ।। पढमा अणिच्चरूवा, बीया अस्सरणभावणा तइया । संसारभावणा वि य, होइ चउत्थी उ एगत्तं ॥ १३७१ ।। अन्नत्तभावणा पंचमी उ छट्ठी उ होइ असुइत्तं । सत्तमियासवचिंता, संवरचिंता य अट्ठमिया ॥ १३७२ ॥ निस्सरणभावणा उण, नवमी लोगस्स भावचिंता य । दसमी एक्कारसमी, बोहीए दुल्लहत्तं तु ॥ १३७३ ॥ जिणवरभणियत्थाणं, जा पुण सुपरूविय त्ति चिंता य । एसा दुवालसी मुणिवरेहिं सुहभावणा भणिया ।। १३७४ सा आह जीवरक्खा, का सा ? ते बिंति भणइ गणिणी वि । मण-वयण-कायजोगेहिं वज्जणं जीवघायस्स ।। १५१० किं सोक्खं आरोग्गं, को नेहो जो मणस्स सब्भावो । किं भन्नइ पंडिच्चं, सव्वत्थ वि जं परिच्छेओ ॥ १५१२ भेदनीत्याम् अरिसामवाइया वि हु, तह भेइज्जंतु निउणबुद्धीए । अलिओवनिबंधपरेहिं, सासणेहि असारेहिं ॥ ३०३७ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |