Page Text
________________
२०४
पुरुषार्थे विजिगीसुणा नरेणं निच्चं नयविक्कमा न मोत्तव्वा । फलसिद्धीए न हेऊ अन्नो जमिमे परिच्चज्ज ॥ २९८१ ।। नयविक्कमाण वलिओ नओ य अमओ परक्कमो विहलो । सपरेण वि जं हम्मइ सीहो हयमत्तगयनिवहो ॥ २९८२ प्रतिबन्धे पुन्नं वा पावं वा, हवेउ रज्ज तहा वि जइ होज्ज । निरुवद्दवं सरीरं, ता जुत्तो तम्मि पडिबंधो ॥ २३४४ ॥ प्रत्यक्ष-परोक्षयोः तत्थोहिन्नाणाई, तियगं पच्चक्खमेव परिकहियं । मइ-सुयनाणे य पुणो, परोक्खमिह जीववेक्खाए ॥ १२९९ ॥
ओहिन्नाणेण जओ, अइंदियाई पि रूविदव्वाइं । जाणंति ओहिनाणी, पच्चक्खं तेसु उवउत्ता ॥ १३०० ॥ मणपरिणामपरिणए, दव्वे मणपज्जवं पि एमेव । घाइचउक्कखउत्थं, केवलनाणं पि नियविसए ॥ १३०१ ।। प्रमादे सद्धम्मकम्मसिढिलो, जीवो सो उण भणिज्जइ पमाओ । एयस्स वि आयत्तो, बंधइ घणचिक्कणं कम्मं ।। ११३१ निहणइ मई पसन्नं, अकुसलमुद्दीवए मणपवित्तिं । उल्लासइ मोहतमं, अहह पमाओ महापावो ॥ ११३२ ।। जो उण पमायपसरं, भंजित्ता विरियजोगओ जीवो । सद्दिट्ठिनाण-चरणो, न तस्स तक्कारणो बंधो ।। ११३३ ।। प्रश्नोत्तर्याम् किं विसमं कज्जगई, किं लटुं जं जणो गुणग्गाही । किं सुहगेझं सुयणो, किं दुग्गेज्झं खलो लोओ ॥ १५१३ किं दुक्खं परतंतत्तमेव, किं पीइछेयणं कोहो । किं विणयहाणिजणणं, थड्ढत्तं सेलथंभो व्व ॥ १५१४ ।। को मित्तयाइ सत्तू, माया किं सव्वनासणं लोभो । किं मरणं सोक्खंतं किं दारिदं असंतोसो ॥ १५१५ ॥ तो कोवाओ नरो सत्तू पेमाओ बंधणं न परं । न विसं विसएहितो, अन्नं न दुहं च जम्माओ ॥ ३३८० ।। प्रीयजीवने न हु को वि जीवियत्थी, कवलइ हालाहलं अहवा ।। ३१९६ ॥ प्रीयवचने दोससयं फुसिउमलं नरस्स एक्कं पि होइ पियवयणं । अवि जलियविज्जुपुंजोजलेण जं वल्लहोजणे जलओ॥ २९८९ (गीतिका) फ्रासुकआहारदाने आगंतुजंतुरहिओ, तज्जोणियसत्तविप्पमुक्को य । सयमेव उ निज्जीवो, आहारो फासुओ एस ॥ १३३७ ।। उग्गमउप्पायणएसणाण दोसेहिं वज्जिओ जो य । सो एसनियाहारो, उवही चेवंविहो नेओ ॥ १३३८ ।। अकओ अकारिओ अणणुमोइओ एस उग्गमे सुद्धो । आहाकम्माईहिं, सोलसदोसेहिं परिचत्तो ॥ १३३९ ॥ मंत-निमित्त-तिगिच्छा दूयत्तणवयणपेसणाईहिं । जो होइ विणा लद्धो, एसो उप्पायणासुद्धो ॥ १३४० ॥ संकिय-मक्खियमाई दोसेहिं दसहिं वज्जिओ जो य । सो एसणाविसुद्धो, निद्दिट्ठो मुणिवरिंदेहिं ।। १३४१ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |