Page Text
________________
२००
जीवअवस्थायाम् एवं च जहेव रवी, उदयावत्थाए दीसए बालो । मज्झण्हे मज्झत्थो, वि चंडरस्सी दुरालोओ ।। १९० ॥ तह परिगलियपयावो, वियालवेलाए अत्थमणुपत्तो । विविहावत्थो दीसइ, पुणो वि बीयाइदिवसेसु ॥ १९१ ॥ तह चेव इमो जीवो, चउगइगमणस्सरूवसंसारे । कइया वि होइ देवो, कया वि मणुयत्तणं लहइ ॥ १९२ ।। कइया वि होइ तिरिओ, कइया वि पुणो वि नारओ होइ । सुहिओ दुहिओ उत्तिममज्झिमहीणत्तमणुपत्तो ॥ १९३ अह व जह रंगमज्झे, नडो परावत्तए विविहरूवे । दव्वाकंखाणुगओ, अवगणियसदुक्खसंताणो ॥ १९४ ।। संसाररंगवत्ती, तहेव जीवो वि कम्मसंबद्धो । चुलसीइजोणिलक्खेसु कुणइ नाणापरावत्ते ॥ १९५ ॥ जीवपरिणामे एत्तो च्चिय परिणामी, जीवो दिट्ठो जिणिंदचंदेहिं । जुज्जति जओ वत्थाउ नेगरूवम्मि वत्थुम्मि ॥ १७६९ ।। जो किरपहुत्तगत्तेण कढिणभणिईहिं परियणं भणिउं । करावइ निययआणं, आणाईसरियमयमत्तो ।। १७७० ।। सो आभिओगियत्तं, मलिणप्पा चिक्कणं चिणेऊण । सव्वस्स पेसभावेण हीणयं लहइ परजम्मे ॥ १७७१ ॥ समसीलयाइ जम्हा, पाएण जणस्स नायइ जणम्मि । बहुमाणो न हु विउसाण मुक्खलोयम्मि पडिबंधो । १७७५ ॥ जीवरक्षायाम् जीवा दुविहा वि पुणो रक्खेयव्वा जिणिंदधम्मम्मि । ताणं चिय, रक्खट्ठा जं सेसवयाई भणियाई ।। ३१६८ ।। संसारे जीवाण य दुक्खनिविन्नाण सोक्खतिसियाण । सासयसोक्खो मोक्खो, अक्खेवेणं इओ चेव ॥ ३१६९ ।।
तत्वे
जह इह जीवाजीवा, भणिया बंधो य पुन्नपावं च । आसवसंवरनिज्जरमोक्खा तह नत्थि अन्नत्थ ॥ ११५६ ॥ तपधर्मे बज्झब्भंतरभेयं, तवं च दुविहं जिणेहिं पन्नत्तं । एक्केक्कं छब्भेयं, वियाणियव्वं कमेणेवं ॥ १३६७ ॥ अणसणमूणोयरिया, वित्तिसंखेवणं रसच्चाओ । कायकिलसो संलीणया व बज्झो तवो होइ ॥ १३६८ ।। पायच्छित्तं विणओ, वेयावच्चं तहेव सज्झाओ । झाणं उस्सग्गो वि य, अभितरओ तवो नेयो ॥ १३६९ ॥ जस्स उ वढुति वसे, नियकरणाई न उप्पहे जंति । तस्स तणुरागदोसस्स होज्ज कज्जं किमु तवेण ? ।। १७८१ ।। रागद्वेषौ यदि स्यातां, तपसा किं प्रयोजनम् । तावेव यदि न स्यातां, तपसा किं प्रयोजनम् ॥ १७८२ ॥ तारुण्ये जणलोयणूसवकरं, धम्माइनरत्थसाहणसमत्थं । जं तारुण्णं तं पि हु, पहिपहियसमागमसमाणं ॥ ७९ ॥ तीर्थकरत्वप्राप्तिस्थाने अरहंतसिद्धपवयणगुरुथेरबहुस्सुए तवस्सीसु । वच्छल्लयाइ एसिं अभिक्खनाणोवओगे य ॥ ३४३९ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |