Page Text
________________
१९८
वल्लि व चित्तसुद्धिं, कोहो अग्गि व्व दहइ जीवाण । माणो विसद्दुमो इव, विवागकडुयप्फलो बाढं ।। ११३८ अइकूरकम्मसि सुसंजणणी जणणि व्व होइ माया वि । लोहो सव्वगुणाणं, विणासओ दोसजणगो य ।। १९३९ ।। तो च्चिय को हाई भावमला चित्तसंकिलेसस्स । हेऊ हुंति जियाणं, अणंतसंसारसंजणगा ।। ११४० ।। उवसममद्दव अज्जवसंतोसपरायणा कसायरिऊ । जे निग्गिण्हंति पुणो, तेसिं विहडंति कम्मचया ।। ११४१ ।। कामे
I
सल्लं कामा विसं कामा, कामा आसी विसोवमा । कामे य पत्थेमाणा अकामा जंति दोग्गई । २०२७ ॥ केयारिसं च सोक्खं, कामेहिंतो हविज्ज जीवाण । चवलत्तणेण जे विज्जुविलसियाई विसेसंति ॥ २०२८ ॥ अन्नं च सद्दरसरूवगंधफासाण संगमे सोक्खं । जं जायइ जीवाणं, परव्वसं तं समग्गं पि ।। २०२९ ।। जइ य च्चिय संबंधो, तेसिं सव्वाण होज्ज अणुकूलो । तइया वि देहविहुरत्तणाइणा होज्ज दुहऊ || २०३० || दुक्खं चिय रज्जाओ, जं पत्ता पाणिणो न कस्सावि । निययस्स वि वीसासं, उवेंति जं भोयणाईसुं || २०३२ || न सुहं सुयंति न सुहं भमंति न सुहं रमंति कइया वि । न सुहं पिबंति न सुहं जेमंति परेसु कयसंका || २०३३ || कालानुरूपक्रियायाम्
कालम्मि कीरमाणं किसिकम्मं बहुफलं जहा होइ । इय सव्व च्चिय किरिया नियनियकालम्भि विन्नेया ।। २८९२ ।। कुनार्याम्
देव ! दुराराहाओ एत्थ दुट्ठासयाओ नारीओ । चवलसहावा खणरागिणीओ नीयाणुगाओ य ॥ ८५१ ॥ परपुरिसमणुसरंतीण को व एयाण रक्खणं काउं । सक्कइ सुबुद्धिमंतो वि सव्व सामत्थकलिओ वि ॥ ८५२ ॥ केवलज्ञाने
तीयाणागयसंपइ असेसपरिणामपरिणए दव्वे । लोयालोयगए वि हु, अणंतगुणपज्जवे जत्तो ॥ १२९६ ॥ सा मइमुवओगेणं, मुणंति सययं पि सम्मरूवेणं । तमणंतमपडिवायं, केवलनाणं अणन्नसमं ॥ १२९७ ॥ क्रोधे
तं किं पि एस जीवो, कोहाइकसायकलुसिओ कुणइ । कम्मं जमत्तणो वि हु भयावहं होइ इहई पि ।। ३३७४ ॥ निहणइ पियरं निहणइ य भायरं निहणई य बंधुयणं । अत्ताणं अत्ताणं पि निहाई कोहवसवत्ती ॥ ३३७५ || धिद्धी कोहविलसियं जत्तो जं हणइ एत्थ तेण इमो । परलोगम्मि हणिज्जइ बला वि परिणामि जं जीवो ॥ ३३७६ ।। कृपणे
सययं पराणुवत्तणपरस्स किविणस्स जीवियं धिद्धी । अणुणित्तु परं सुणहो व्व जियइ जोऽणुचियललणेहिं ॥ ३००२ खले
पररिद्धिबद्धमच्छरनिक्कज्जपरूसणे पियमरिम्मि । विहलं चिय होइ कयं विसमसहावो हु जेणखलो || २९९३ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |