Page Text
________________
चंदप्पहजिणदिक्खावण्णणं
I
न य सव्वा वि दाणाभावो एवं भणिज्जमाणम्मि । तम्हा विचित्तचित्तत्तणेण सव्वे न तुल्ल त्ति ॥ ५०५४ ॥ एत्तो च्चिय पाएणं भणियं केसि पि जेण वरवरियं । सोऊण होज्ज इच्छा गहणे कस्स वि पयत्थस्स ।। ५०५५ ।। सेसा मत्तं केइ विगिण्हंति परे य किं पि नो लिंति । निययं पिछड्डिउमणा दट्ठूण जिणस्स सुपवित्तिं ॥ ५०५६ ॥ संखेज्जदाणमेवं न विहडए जमिह वच्छरे भणियं । तिन्नेव य कोडिसया इच्चाई जिणवरिंदाण || ५०५७ || देवसियदाणमाणं संवच्छरियं च जं इह पमाणं । तं खलुहिरन्नदाणं पडुच्च नेयं सुरकयं ति || ५०५८ । अन्नं पि खेत्तधणधन्नवत्थमाई वि को वि जं इच्छे। तं पि हु संभाविज्जइ वरवरिउग्घोसणाए फुडं || ५०५९ ।। एवं दिते परमेसरम्मि हियइच्छियं महादाणं । कप्पतरुमाइयाणं माहप्पं दूरमुप्फुसियं ॥ ५०६० || मणसंकप्पियमाई जम्हा ते देंति किं पि लोयाण । भयवं अकप्पियं पि हु पयच्छइ पगामभावेण ॥ ५०६१ || एत्तो च्चिय असरिसतप्पभावदंसणपयट्टलज्ज व्व । चइऊण भरहखेत्तं कप्पतरू कत्थइ पउत्था ।। ५०६२ ।। दुव्वायया गज्जि करतया मइलिऊण अत्ताण । जलहिजलं वियरंता तप्फुरओ कह सहति घणा ।। ५०६३ ।। तह कह विकयत्थीकय असेसमुवयणो जयप्पहू देइ । धणकणयरयणरुप्पयपवालसिलमोत्तियाईणि ॥ ५०६४ || जह अइपरिचयलहुईकयाण दिट्ठि पि ताण रासीसु । न खिवंति जणा अच्छउ दूरे च्चिय ताव तग्गहणं ।। ५०६५ ।। संवच्छरम्मि पुन्ने एवं जा नत्थि को वि से अत्थी । ता दाणं संवरिडं ठावइ तणयं निए रज्जे || ५०६६ ।। कमलप्पहाए देवीए कुच्छिकुहरम्मि जो समुप्पन्नो । मइनिज्जियदेवगुरू गुरुयणसुस्सूसणा सत्तो ॥ ५०६७ || सत्तोवयारनिरओ रओहपरिवज्जिओ जियारिगणो । नामेण चंदनामो आनंदियसयलजियलोओ || ५०६८ || रज्जनिविट्ठे तम्मिय सयं तिलोयप्पहू निययबुद्धिं । संजमरज्जे सज्जं करेइ जा चत्तरज्जभरो ॥ ५०६९ ।। चविहदेवनिकाए नायगाणं झड त्ति चलियाई । ता आसणाई सुरसुंदरीसु आसत्तचित्ताण ॥ ५०७० ॥ एत्थंतरम्मि सोहम्मदेवराओ फुडोहिनाणेण । दिक्खागहणावसरं नाउं चंदप्पहपहुस्स || ५०७१ || सीहासणाउ उट्ठिय सत्तट्ठपयाइं अणुसरेऊण । होऊण जिणाभिमुहो पणमित्ता गरुयभत्तीए ॥ ५०७२ ।। हरिणगवेसं देवं आणावर सुघोसनामघंटाए । सद्देणं जाणावसु झत्ति समग्गे वि सुरनाहो || ५०७३ || दिक्खावसरं चंदप्पहस्स अट्ठमजिणस्स भरहम्मि । तो तेण तहेव कयं पहुआणं को व खंडेइ || ५०७४ || ताहे पढमं चलिया रयणमयविमाणदिव्वकंतीओ। गयणं वि भूसयंतीओ सक्कधणुहावलीओ व्व ॥ ५०७५ ।। अहवा नहलच्छीए विभूसणाणं वरस्सिरासीओ । पच्छा विमाणमज्झट्ठिया य देवा सदेविंदा || ५०७६ || कसि पि नहं बहुविहविमाणदित्तीहिं भासुरं जायं । मलिणस्स वि विमलत्तं हविज्ज तेयस्सिसंगम्मि || ५०७७ || सोहम्मसूराहिवई स च्चिय मइरावणं समारूढो । सारयघणं व उवकंठलक्खनक्खत्तवरमालं ॥ ५०७८ ।। चलिओ रएण लीलाढलंतचलचारुचमरचिंचइओ । सहिओ सुरासुरेहिं कोउगभत्तारपत्तेहिं ॥ ५०७९ ।। गरुडेण वाहणेणं को वि सुरो नहयलम्मि संचलिओ । बहुविहविमाणकोडीहिं संकडे जाव कइवि पए ॥ ५०८० ॥ ता भुयंगमकडण को वि तत्थेव आगओ अमरो । गरुलभुयगाण अयंडविड्डरंतो सुरा दट्ठं ।। ५०८१ ।।
Jain Education International
१५९
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |