Page Text
________________
चंदप्पहजिणदिक्खावण्णणं
एएसिं च विमाणाई किण्हराईण अंतरालेसु । ईसाणाइदिसासुं अट्ठसु वि इमेहिं नामेहिं ।। ५००१ || अच्ची य अच्चिमाली वइरोयणए पभंकरे चेव । चंदाभसूरियाभा सुरियाभो सुप्पइट्ठाभो ।। ५००२ ।। नवमं तु जं विमाणं रिट्ठाभं तं तु किण्हमाईण । सव्वाण वि बहु मज्झे अक्खाडगसंठिया ताओ || ५००३ || भणियं च -
पुव्वावरा छलंसा तसा उण दाहिणुत्तरा बज्झा । अब्भंतरचउरंसा सव्वा वि य किण्हराईओ || ५००४ ॥ अट्ठेव य एयाओ रिट्ठविमाणस्स चउदिसिं दो दो । आगारो य इमासिं दंसिज्जइ ठावणा एउ || ५००५ ।। याओ विक्खंभेण हुंति संखेज्जजोयणसहस्सा। आयामपरिक्खेवेहिं ते उ तासिं असंखेज्जा ।। ५००६ || एए नवविमाणे जे य सारस्सयाइया देवा । पुव्विं इह उद्दिट्ठा तेसिं नामाइं एयाई || ५००७ || सारस्सयमाइच्चा वण्ही वरुणा य गद्दतोया य । तुसिया अव्वाबाहा अग्गिच्चा चेव रिट्ठा य ।। ५००८ || एएसि देवाणं ठिईओ अट्ठेव सागरुवमाई । संखा य सुत्तभणिया इमाण दंसिज्जई एवं ।। ५००९ ।। पढमजुयलम्मि सत्तठ सयाइं बीयम्मि चोद्दस सहस्सा । तइए सत्त सहस्सा नव चेव सयाइं सेसेसु ॥ ५०१० ।। आसणकंपो जाओ इमाण तइया तओ पउत्तोही । दिक्खासमयं अट्ठमजिणस्स नाऊण इह पत्ता ।। ५०११ ।। आलोए च्चिय तेहिं मुक्का पणवन्नकुसुमवरवुट्ठी। गंधार्याड्ढयरणरणिरमहुयरुग्घायरमणीया ।। ५०१२ ।। विविहसुररुक्खकुसुमच्छलेण पडिहाइ जा य गंग व्व । गयणाओ ओयरंती कुमुउप्पलपंकयाउलिया || ५०१३ || तयणंतरं च पाएसु पणमिऊणं तिलोयनाहस्स । पणमंति सुठु सामिय हिययम्मि निवेसियं तुमए ॥ ५०१४ || विवहासु आवयासु व दुस्संचारासु पंकबहुलासु । खिप्पंति आवयासुं जइ वि जिया पावकम्मेहिं ॥ ५०१५ ।। उच्छेयणत्थमेयाण तह वि चिंतं न को वि हु करेइ । विसयासुइपंकपसत्तमाणसो गड्डुकोलो व्व ॥ ५०१६ ||
१५७
अन्नं च -
सप्पुरिसा तं किंचि वि चिंतंति करेंति वा सुहेक्ककरं । जं अत्तणो च्चिय परं न किं तु सयलस्स वि जणस्स ॥ ५०१७ कम्मुच्छे जत्तो ता कीरउ नाह ! सपरसुहहेऊ । एयारिसकज्जे वा आलस्सं अत्तवेरीण | ५०१८ || अवरं च नाह ! तं चिय असरणसरणो जयस्स सव्वस्स । निक्कारिमकरुणाए होसि निवासो तुमं चेव ।। ५०९९ ॥ तं चि परपीडाए घेप्पसि दक्खिन्नसायरसयावि । तं चिय निक्कारणवच्छलत्तपरिमंडिओ निच्चं । ५०२० ।। तातिहुक्कबंधव ! कसायदवदहणतवियदेहाण । रागद्दोसमहासीहवग्घपेल्लिज्जमाणाण || ५०२१ ।। वसणसयसावएहिं विलुत्तगत्ताण भयवसत्ताण । वियडभवाडइपडियाण कुणसु सत्ताण सत्ताणं ।। ५०२२ ।। (कलापकं ) खुत्ताण पावपंके विसयपिवासाइ सोसियतणूण । कोहाइदाहतरलियमणाण जीवाण संसारे ॥। ५०२३ ॥ जं हरइ पावपंकं विसयपिवासं पणोल्लए दूरं । नासइ कसायदाहं तं तित्थं नाह ! पयडेसु || ५०२४ || तेणं चेव तरिज्जइ जम्हा संसारसागरो गहिरो । ता तं चिय सत्तित्थं तित्थं सद्धम्मजणगं ति ।। ५०२५ ॥ एवं चिय जीवाणं हियमेगंतेण तेण जयसामि ! सव्वजगज्जीवहियं सिग्धं तित्थं पवत्तेहि ॥ ५०२६ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |