Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 168

चंदप्पहजिणजम्मवण्णणं
जो गुरुपयावपरितवियवइरिचक्को वि पसमगुणकलिओ । रमणीयचारुवेसो, वि न उण वेसो वि गयमुत्ती ||३५५८|| कल्ल|णपयइयाए न केवलं जो सुरायलिंदस्स । अणुहरइ थिरत्तेण वि लोयपसिद्धेण गुणगुरुणो ॥ ३५५९ ।। किंच
सत्ती विणा न खमा, दाणं न पियंवयत्तपरिहीणं । नाणं न गव्वकलियं नो चायविवज्जियं वित्तं ॥ ३५६० ॥ विणयविहीणा विज्जा न जस्स रूवं विणा न सोहग्गं । न पहुत्तणं पि नीईए वज्जियं सयलगुणनिहिणो ||३५६१|| (जुयलं) जस्स महीवलयविसेसयस्स रन्नो गुणोहवन्नणयं । पज्जत्तमेत्तिएण वि जं होही जयगुरुगुरुत्तं ।। ३५६२ ।। सयलंतेउरसारा, सलक्खणा लक्खण त्ति से जाया । सच्छाया विउलमहातरुस्स घणपल्लवलय व्व ।। ३५६३ ।। सुललियपओवसोहियजणमणहरविहियभूरिसंबंधा । सुकइकह व्व विराय वरवन्नगुणालया जाया ॥ ३५६४ ॥ वरवंसलद्धजम्मा विसालपव्वा चडंतविमलगुणा । सुहमुट्ठिगेज्झमज्झा जा सोहइ चावलट्ठि व्व ॥ ३५६५ ।। अवि य
-
नयणजुए च्चिय जीसे, लोलत्तं न उण चित्तवित्तीए । मंदत्तं च गईए नो विहिलियजणुवयारम्मि || ३५६६ || कक्कसया थणजुयले आणा निद्देसए वि णो वयणे । भंगो अलएसु परं, न सीलसच्चाइसु गुणेसु || ३५६७ || Satara गुणगणगणम्मि खमो हवेज्ज सुमईवि । अट्ठमजिणस्स जणणी जा होज्ज जयम्मि सुहजणणी ||३५६८|| चउजलहिमेहलंतं महिं व संपत्तमित्थिरूवेण । लहिऊण धरानाहो, मन्नइ संस व्व भोमं व ॥ ३५६९ ॥ विसयहमणुहवंतस्स तस्स तीए समं मणभिरामं । दोगुंदुगदेवस्स व सुरलोए जाइ बहुकालो || ३५७० ।। इओ य -
जो पउमनाहसाहू, उप्पन्नो वेजयंतदेवेसु । सो जावज्ज वि न चलइ, तत्तो छम्माससेसाऊ ।। ३५७१ ।। सोहम्मसुराहिवई, नाउं गब्भावतारमह तस्स । महसेणनरिंदगिहे लक्खणदेवीए कुच्छिसि || ३५७२ || छम्मासेहिं अणागयमेव तहिं ताव धणयपासाओ । कारविडं आरद्धो पइदियहं रयणपक्खेवं ।। ३५७३ ।। तहा हि
-
इंदाएसा धणओ, पइदिणमाहुट्ठरयणकोडीओ । पक्खिवइ पहट्ठमणो, महसेणनरिंदगेहम्मि ॥ ३५७४ ।।
तहा
इंदा सेणं चिय दिसाकुमारीओ अट्ठ आगम्म । देवीए लक्खणाए काऊण पणाममभिउत्ता || ३५७५ ।। अप्पाणं च निवेश्य, विणयनया गब्भसोहणाईयं । कुव्वंति से सरीरं च अहियतेयस्सिरीरुइरं ॥ ३५७६ || ताहे सा नियदेहं नीरोयं निम्मलं निराबाहं । नियकंतिविजियउदयंतचंदबिंबं पलोइत्ता ॥ ३५७७ ।। अच्चतविम्हियमणा चिंतइ किं मज्झ मणुयजम्मे वि । देवभवस्सावयारो जाओ समुइन्नपुण्णाओ ।। ३५७८ ।। भूवं अच्चब्भुयं सदेहे वि ! । पासेमि किंच देवीओ मज्झ किर किंकरीओ व ॥ ३५७९ || सव्वं सरीरकज्जं, करिंति विणएण पज्जुवासंति । पुरओ ठियाओ रमयंति तह य बहुविहविणोएहिं ॥ ३५८० ॥
१३७