________________
भरहराया
७९
एगम्मि पंतगामे, निवसइ इंगालदाहगो एगो । सो इंगाले दहिउं, विक्किणई जीवए एवं ।। २०३८ ।। अह अन्नया कयाई, दारुणरूवो समागओ गिम्हो । रविकरउम्हाभिहया जम्मि जणा दुक्खिया हुंति ॥ २०३९ ।। उन्हुन्हसूरकिरणेहिं उवरि हेट्ठा य तत्तरेणूहिं । पयइ व्व जोयभुवणं कोट्ठपुडे पक्खिवेऊण । २०४० ।। जम्मि य मुत्ताहारो, मलयजपंको सुसीयलं सलिलं । जलसित्ततालियंटयपवणो धारागिहजलाई ।। २०४१ ।। कप्परधलिसंवलियबहलचंदणरसोहसंसित्ता । कयलीहरेस कंकेल्लिपल्लवाणं च सत्थरया ॥ २०४२ ।। वत्थाई सुहुमनिप्पंकधोयपडवासवासियसियाई । जायाइं वल्लहाई जणस्स गिम्हुम्हतवियस्स ।। २०४३ ।। (विसेसयं) पप्फुल्लमल्लियामोयमत्तरुणरुणियचंचरीयाण । सुहिमिहुणयाई न मुयंति, जत्थ सेवं उववणाणं ॥ २०४४ ।। एयारिसम्मि गिम्हे. अन्नदिणे पाणियस्स करवतिं । भरिऊण इमो इंगालदाहगो निग्गओ बाहिं ।। २०४५ ॥ गंतूणेक्कम्मि वणे, तरुणो ओलंबिऊण साहाए । करवत्तियं सयं सो, लग्गो कट्ठाई कुट्टेउं ।। २०४६ ।। जालइ य तओ जलणं, दहिऊणं ताई कुणइ इंगाले । एत्थंतरम्मि एगो, समागमो मक्कडो तत्थ ॥ २०४७ ।। सो चवलयाइ चडिऊण तम्मि रुक्खम्मि फोडिऊणं च । करवत्तियं तयं रेडिऊण सव्वं जलं तत्तो ।। २०४८ ।। झंपं दाऊण गओ, अन्नम्मि तरुम्मि सो वि किर पुरिसो। अच्चंततण्हाभिहओ, जलंतजलणप्पभावेण ॥ २०४९ ॥ उवरिं च दुसहरविकरपयावउद्दीविओरुतिसपसरो । तट्ठाणाओ अह उठ्ठिऊण जा जाइ तं रुक्खं ।। २०५० ।। ता फालियं नियच्छइ, तं खलु करवत्तियं जलविहीणं । भुल्लो तिसाइ पडिओ, तस्सेव तरुस्स छायाए । २०५१ ।। करवत्तियनिवडियसलिलसित्तउल्लोल्लमट्टियपएसे । अन्नत्थ अचायतो, गंतुं अच्चंतदाहेण ।। २०५२ ।। अइगाढसमकिलंतो, नीसह देहो ठिओ स तत्थेव । जलसित्तसिसिरभूमीसंफासासासियसरीरो । २०५३ ।। आगंतूण पियासि व, झड त्ति निद्दाए नोल्लियदुहोहो । सुमिणम्मि नियइ नाणाजलासए विमलजलभरिए ।। २०५४ ।। तो पाउं संलग्गो, ताव जलं जाव निट्ठियं ताण । अन्नत्थ वि तो भमिओ तिसावणयणाविहियचित्तो ।। २०५५ ॥ कत्थ वि नईण कत्थ वि सराण कत्थ वि य वाविकूवाण । कत्थ वि निज्झरणाणं सोसंतो सलिलसंघाए । २०५६ ॥ न य तन्हावोच्छेयं पत्तो पत्तो य कूवमेगं सो । जिन्नं रन्ने अइथोवपाणियं दुप्पवेसं च ॥ २०५७ ।। तणमूलियं गहेऊण तयणु उवरिल्लवत्थपेरंते । तं बंधिऊण पक्खिवइ (.........) सलिलबिंदूहि || २०५८ ॥
.........॥ २०५९ ॥
...........।। २०६० ॥ ............................................ तस्स ता कहणु ।। २०६१ ।।
.................... अवणेयव्वा एत्थं च उवणयं तुम्ह साहेमो । २०६२ ।। इंगालदाहगसमा नायव्वा एत्थ भवगया जीवा। जा तस्स सलिलतन्हा विसयपिवासा उ सा तेसिं ।। २०६३ ॥ अच्चंतुम्हाभिभवो, जो सो संसारदुक्खसंबंधो । सीयलपुहईफासो, जो सो सुहलेससंजोगो । २०६४ ।। जा निद्दा सा उण मोहपरिणई सुमिणयं अईयभवा । जे गुरुजलासया ते, उ दिव्वदेविड्ढिसंसग्गा ॥ २०६५ ।।
Jain Education International
For Private & Personal Use Only
www.jainelibrary.org