Page Text
________________
भरहराया
तस्सेवऽणुमग्गेणं संचलिओ सबलवाहणो तं च । गंतूण जोयणं ठियमिय जायं जोयणपमाणं ।। १९३४ || वच्चतोय कमेणं, पुव्वदिसा नरवरे असेसे वि । निय आणं गाहिंतो, ताव गओ जाव पुव्वुदही ॥। १९३५ ॥ तत्थ रहेणं पविस, ताव जलं जाव चक्कनाहिसमं । तो तत्थ रहं धरिडं, अट्ठमभत्तोसिओ होउं ॥ १९३६ ॥ आरोविऊण कोदंडदंडमायड्ढिऊण कन्नंतं । नियनामंकं बाणं विसज्जई तह जहा पडइ ॥ १९३७ ॥
तूण दुवालसजोयणाई सिरिमागहाहिवसुरस्स । तित्थम्मि सुप्पसत्थे, वित्थिन्नत्थाणभूमी || १९३८ || (जुयलं ) तं दठ्ठे सो कुविओ अप्पत्थियपत्थए क एस त्ति । जंपतो जा पेच्छइ, नामं तो झ त्ति उवसंतो ॥। १९३९ ।। जाणइ य जहुपन्नो, पढमो इह भरहचक्कवट्टि त्ति । हार-सर-मउड- - कुंडल - कडगे - चूडामणि च तहा || १९४० ॥ घेत्तूण समावाओ भइ य तुह संतिओ अहं एत्थ । पुव्विल्लदिसावालो, आएसं दिज्ज कज्जम्मि || १९४१ || ता तस्स करेई, भरहो अट्ठाहियामहामहिमं । एवं एएण कमेण दाहिणाए वि हु दिसाए || १९४२ ।। वरदामनामतित्थं तत्थ वि वत्थव्वगो सुरो देइ । दिव्वे उरत्थगेवेज्जगे पवरसोणिसुत्तं च ।। १९४३ ।। अवराए वि पहासं, वणमालं देइ तत्थ तस्स पहू । मुत्ताजालं व तहा, पच्छा तो वयइ सिंधुनई || १९४४ ।। ओयवइ सिंधुदेवि कुंभट्ठसहस्समहरयणचित्तं । सा वि पयच्छइ तुट्ठा तो चक्की जाई वेयड्ढं ।। १९४५ ।। वेयड्ढगिरिकुमारं देवं तत्थ वि वसीकरेऊण । तत्तो तिमिसगुहाए, कयमालं साहई जक्खं ।। १९४६ ।। सो विहु संतुट्ठमणो आभरणं देइ तिलगचोद्दसगं । इत्थीरयणस्सुचियं, नाणाविहरयणचिंचइयं । १९४७ ।। तो ओयवे गंतूण दाहिणं सिंधुनिक्खुडंतस्स । सेणावई सुसेणो, तिमिसगुहाए य जाइ सयं । १९४८ ।। उघाडावेऊणं मणिरयणेणं करित्तु उज्जोयं । पविसइ उभओ पासं कागिणिरयणेण लिहमाणो ।। १९४९ ।।
गुणपन्नास मंडलाणि, उज्जोयकारणे चेव । विक्खंभायामेहिं, पंचधणुस्सयपमाणाई || १९५० ।। उम्मग्गनिमुग्गाओ, नईओ तह संकमेण उत्तरिडं । तिमिसगुहाओ तओ सो, उत्तरदारेण नीहरिओ ।। १९५१ ।। सह बलवाहणसमुदाएणं तयणंतरं च संलग्गं । जुद्धं समं चिलाएहिं जाइ रणरहसपुलएहिं ।। १९५२ ॥ संगमे ते विजिया, मेघकुमारे सरंति कुलदेवे । ते वरिसिउं पवत्ता, निरंतरं ताण वयणेहिं ।। १९५३ ॥ भरहो वि चम्मरयणे, खंधावारं निवेसिऊणुवरिं । छत्तरयणेण छायइ जलस्स संरक्खणट्ठाए ।। १९५४ ।। उज्जोक मज्झे, छत्तस्स वरत्थदेसभागम्मि | मणिरयणं च ठवेई, सुहेण एवं ठिए लोए ।। १९५५ ।। जो पुव्वन्हे वुप्पर, साली सो भुंजए वरण्हम्मि । एवं भोयणसुत्थं, पि तत्थ जायं सुहेणेव ।। १९५६ ॥ सत्त अहोरत्ताइं, निरंतरं वरिसिऊण देवा वि । अचयंता अवयरिउं, मणयं पि हु चक्कवट्टिस्स || १९५७ ॥ तह चक्किआभिओगियसुरेहिं निद्धाडिया चिलायाण । पभणंति सम्मुहमिणं, आणं एयस्स भो कुह ॥ १९५८ ।। एसो हु चक्कवट्टी अच्चग्गलपुन्नपयरिसपहाणो । भरहेसराभिहाणो जाओ इह भरहखेत्तम्मि ।। १९५९ ।। ते तव्वयणेण तओ, आणानिद्देसवत्तिणो जाया । भरहस्स तेण य पुणो, संवरिया छत्तचम्ममणी ॥। १९६० ॥ पडीहूओ लोओ, तप्पभिई अंडसंभवं भुवणं । बंभंडपुराणम्मी, पइट्ठियं लोयसत्थम्मि || १९६१ ।।
Jain Education International
७५
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |