________________
१५२
[काव्यानुशासनम् अत्र गजेन्द्रचर्मैव दुकूलमस्येति युक्तम् ।
सस्नुः पयः पपुरनेनिजुरम्बराणि
जक्षुर्बिसं धृतविकासिबिसप्रसूनाः । 2 सैन्याः श्रियामनुपभोगनिरर्थकत्वदोषप्रवादममृजन् वननिम्नगानाम् ॥२६४॥
[शिशुपाल० ५.२८] अत्र त्यादेः । 'विकचमस्य दधुः प्रसूनम्' इति तु युक्तम् ।
यशोऽधिगन्तुं सुखलिप्सया वा मनुष्यसंख्यामतिवर्तितुं वा। 4. निरुत्सुकानामभियोगभाजां समुत्सुकेवाङ्कमुपैति सिद्धिः ॥२६५॥
। [किरातार्जुनीय ३.४०] अत्र कृतः । 'सुखमीहितुं वा' इति तु युक्तम् ।
उदन्वच्छिन्ना भूः स च निधिरपां योजनशतं सदा पान्थः पूषा गगनपरिमाणं कलयति । इति प्रायो भावाः स्फुरदवधिमुद्रामुकुलिताः सतां प्रज्ञोन्मेषः पुनरयमसीमा विजयते ॥२६६।।
[बालरामायण १.८] अत्र पर्यायस्य । 'मिता भू: पत्यापां स च पतिरपां योजनशतम्' इति तु युक्तम् ।
विपदोऽभिभवन्त्यविक्रमं रहयत्यापदुपेतमायतिः । / लघुता नियता निरायतेरगरीयान्न पदं नृपश्रियः ॥२६७।।
[किरातुर्जनीय २.१४] अत्रौपसर्गस्य पर्यायस्य च । 'तदभिभवः कुरुते निरायति, लघुतां भजते निरायतिः, लघुताभाग न पदम्' इति युक्तम् ।
उत्फुल्लकमलकेसरपरागगौरद्युति मम हि गौरि । - अभिवाञ्छितं प्रसिध्यतु भगवति युष्मत्प्रसादेन ॥२६८॥
[नागानन्द १.१३] अत्रैकवचनेन भगवतीं संबोध्य प्रसादसंबन्धेन यस्तस्यां बहुत्वनिर्देशः स वचनस्य ।
कृतवानसि विप्रियं न मे प्रतिकूलं न च ते मया कृतम् । 2 किमकारणमेव दर्शनं विलपन्त्यै रतये न दीयते ॥२६९॥
[कुमार० ४.७]
Jain Education International
For Private & Personal Use Only
www.jainelibrary.org
