________________
सिरिजिणेसरसूरिविरहओ अन्नाऽऽसत्ते हे पुत्ति ! पिययमे कुणसु आयरं अहियं । पिम्माइं मयीलंबच्छि ! होति अक्तसाराइं ॥४२७॥ दुल्लहजणाणुराओ लज्जा गरुई परव्वसो अप्पा । पियसहि ! विसमं पिम्मं मरणं सरणं नवरमेक्कं ॥४२८॥ आलाव-हास-परिरंभणाई पिम्मस्स परियरो एसो । पिम्मं पुण नयणतिहायभूरिपरिघोलिरा दिट्ठी ॥४२९॥ असणेण अइदंसणेण तह अन्नजुवइ नेहेण । माणेण पवासेण य पंचविहं झिज्झए पिम्मं ॥४३०॥ असणेण बालय ! सुट्ठ वि नेहाणुरायभरियाई । हत्थउडपाणियाई व काणेण गलंति पिम्माई ॥४३१॥ सहजग्गिराण सहसोविराण सहहरिस-सोयवंताणं । नयणाण व धन्नाणं आजम्ममकित्तिमं पिम्मं ॥४३२॥ ताण नमो पिम्माणं कलहविहाणेसु जाण संधाणं । रणरणयपेल्लणेहिं न नाममित्ताण भणिएहिं ॥४३३॥ कलहे मिहुणाणमहो ! परिरक्खंताण अणुणयकलंकं । पेम्मभरतम्मिराण वि गहिलाण गलंति दियहाई ॥४३४॥ अणुरायपरं पुरिसं महिलाओ विडंबयंति पाएणं । पेच्छंति पुणो पुरिसा महिलं पिम्मेण परमेण ॥४३५॥ सब्भावपिम्मरहिएस निप्फला होति भणिइभंगीओ। विहलो च्चिय कइरविणीसु गोसहस्सो वि तरणिस्स ॥४३६॥ दाहज्जरविहुराणं सिसिरेसु जलेसु जारिसी तन्हा । धन्नाणं पिम्माणं परोप्परं तारिसं पिम्मं ॥४३७॥ घडिउं पुणो न तीरई पणयपरूढं पि विहडियं कहवि । पेम्मं मुणालनालं व सुयणु ! बहुएहि वि गुणेहिं ॥४३८॥ सव्वंगनिव्वुइकरो अन्नो सो सत्तमो रसो कोइ । आसाइज्जइ जो पढमपिम्मे पियसंगमाहितो ॥४३९॥
Jain Education International
For Private & Personal Use Only
www.jainelibrary.org
