________________
सिरिजिणेसरसूरिविरइओ करिणो हरिनहरविदारियस्स दीसंति मुत्तिया कुंभे । अहव किवणाण मरणे पयड च्चिय होंति भंडारा ॥१५५।।
१८. अथ दारिद्रयप्रक्रमः दीसंति जोयसिद्धा, अंजणसिद्धा तहेव दीसंति । दालिद्द जोयसिद्धा पासे वि ठिया न दीसंति ॥१५६॥ महुरोल्लावसलूणो ललियपओ रूवजाइपरिसुद्धो । अ(त)ह वि न अग्घइ अधणो पच्चक्खकईण कव्वं व ॥१५७॥ उप्पज्जति तर्हि चिय, वियसंति तहि, तहिं विलिज्जति । पुण्णसरे कमलाइं व मणोरहा रोरहिययम्मि ॥१५८॥ संता वि गुणविसेसा नराण पयडा हवंति ता कत्तो । जाताण दप्पणाण व कओ ण भूईए सक्कारो ? ॥१५९॥ जे जे गुणिणो जे जे य माणिणो जे विद्वत्तविन्नाणा । दालिद्द ! रे वियक्खण ! ताण तुमं साणुराओ सि ॥१६॥ संतवइ गसइ सव्वं जइ वि [?] धूमेण पढममंधेइ । उअरभरणस्थिणो तह वि निच्चमगणि अणुसरंति ॥१६॥ संता वि गुणा गुणवंतयाण दालिद्दतमभरक्कंता । अत्थोज्जोएण विणा पयडा वि न पायडा होति ॥१६२॥ अप्पाणं चिय दुभरं जाण जए किं व तेहिं जाएहिं ? । मुसमत्था वि [१य] न परोवयारिणी ते वि न कि पि ॥१६३।। लच्छीकरकमलवियासरेणुपूरिज्जमाणनयणेहिं । दीसंति नेय रोरा पुरओ वि ठिया धणड्ढेहिं ॥१६४॥ हरइ परिहीणविहवस्स नूण नियपणइणो वि अप्पाणं । सव्वंगमसंपुण्णस्स घडइ न हु जामिणी ससिणो ॥१६५॥
१९. अथ स्थैर्य-धैर्यादिगुणाः धोराण रमह घुसिणारुणम्मि न तहा पियाथणुच्छंगे । दिट्ठी रिउगयकुंभत्थलम्मि जह बहलसिंदूरे ॥१६६॥
Jain Education International
For Private & Personal Use Only
www.jainelibrary.org
