Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 46

सिवकेऊचरियं
१३
तेण भणियं करिस्सइ केत्तियमत्तं पि जइ पुरिसयारं । तो नूण एस राया होइ च्चिय अन्नहा नेय।।३७७।। अह तस्स देइ कुमरो आहरणं पवर-वत्थ-संजुत्तं । मइसागरं च पभणइ नियगेहासन्नमावासं ॥३७८।। दावेह इमस्स तुमं अन्नं पि जमेस मग्गए कि पि । तं दायव्वं तुमए मज्झ वि दाऊण कहियव्वं ।।३७९।। इय भणिऊणं कुमरो विसज्जए देवगुत्तकेवलियं । मइसागरो वि सह तेण वारुयं पेसए स-गिहे ।।३८०।। कुमरेण तओ पुट्ठो मंतिसुओ किं तए इमं पुट्ठो? । कुमरस्स होइ रज्जं न वत्ति सो केवलिय-पुरिसो।।३८१।। जं मज्झ चुल्ल-पिउणो अहिगारो एस विजयधम्मस्स । मइसागरेण भणियं पुव्वं पि मए कहियमेयं ।।३८२।। तुम्हाण मग्गओ जं दुत्थं जयधम्मसंभवं अत्थि । तस्स नयरस्स गरुयं निच्चं पि हु विजयखेडस्स ।।३८३।। कुमरेण तओ भणियं चुल्ल-पिया अम्ह लोय-सुहकारी । तो तम्मि विजयवंते को मह रज्जम्मि अहिगारो?।३८४। तो भणइ मंतिपुत्तो दो वि हु ते विजयधम्म-जयधम्मा। जोग्गा रज्जस्स न होंति कुमर! सम्म मए नाया ॥३८५।। जयधम्मो न हु जोग्गो रज्जस्स निएण चेव दोसेण । सुय-दोसेण अजोग्गो जुवराया विजयधम्मो य ।।३८६।। नियपुत्तं पि न सक्कइ सिक्खविउं जो कहं स अन्नस्स । सिक्खावणं करेही अवराह-पयं कुणंतस्स ।।३८७॥ तो जइ एसो राया होइ न देसो तया न तुम्हे वि । जेण जयधम्मकुमरो इन्हि पि न तुम्ह सावेक्खो ।।३८८।। जइ पुण एयस्स पिया रज्जम्मि कहिं पि होइ ता नूणं । देसे वा सो दूरे जीयस्स वि तुम्ह संदेहो ॥३८९।। जइ वोलेउं वंछसि नियवंसं रज्जरटुमइरेण । तो होहि रज्ज-विमुहो अन्नह रज्जं सयं गिन्ह ।।३९०।। तो कुमरेणं भणियं जइ वि हु एवं तहावि अम्ह पिया। संतम्मि विजयधम्मे रज्जम्मि न मं ठवेइ त्ति ॥३९१।। अह मंति-सुओ जंपइ रज्जग्गहणम्मि जइ मणं तुज्झ । होही बद्धपइन्नं तो सेसमहं करिस्सामि ।।३९२।। सव्वं पि सुदरयरं एत्थ उवायं जहा न कस्स वि य । पायम्मि कंटओ वि हु भज्जइ सव्वं हवइ सुत्थं ।।३९३।। चित्ते पडिवन्नं वि हु वयणेण न मन्नए पुरो तस्स । मंतिसुयस्त कुमारो सलज्ज-वित्ती भुवणपालो ।।३९४।। अह कुमराणुनाओ गंतु मइसागरो सगेहम्मि । कुमराएसं सव्वं अणुट्ठए देवगुत्तम्मि ॥३९५।। तो भणइ देवगुत्तो मंति-सुनिओ य पच्छिम-दिसाए । पन्नास-जोयणेहि पिप्पलउरमत्थि वर-नयरं ।।३९६॥ तम्मि मह गोत्त-देवी निवसइ वडजक्खिणि त्ति नामेण । तहसणकज्जेणं संचलिओ सुलसगामाओ ।।३९७।। वीसहियजोयण-सयं लंघेऊणं समागओ हमिहं । तो तत्थ जामि जह सिग्धमेव तह मं विसज्जेह ।।३९८।। अह भणइ देवगुत्तं मंति-सुओ तुममिओ गओ इन्हि । केत्तियदियहेहिं पुणो इह एहिसि कहसु मह एवं ॥३९९।। तो भणइ देवगुत्तो सुहं सुहेणं इओ वयंताणं । लग्गइ पक्खो एगो एंताण वि एत्तिओ कालो ।।४००॥ तत्थत्थि सयणवग्गो सो वि य धारेइ कइवय दिणाणि । मं तत्थ चिराओ गयं वि दूरदेसाओ तो एवं ॥४०१॥ लग्गंति तिनि मासा पुणो वि एंतस्स मज्झ इह नयरे। तो मंति-सुओ दाउं बहुसंबल-वाहण-सहाए ॥४०२।। तं पेसइ तम्मि गए तिन्नि वि पुवुत्तपच्चया मिलिया। गंतूण देवगुत्तो पुणागओ भणियदियहेहिं ॥४०३॥ रायसुय-मंति पुत्तेहिं तत्थ सो गोरवेण दीसंतो। चिट्ठः आणावेउं सकुडुबं सुलसगामाओ॥४०४॥ एवं ठियस्स कालो को वि गओ भुवणपालकुमरस्स । अन्नम्मि दिणे पुरिसो समागओ विजयखेडाओ॥४०५॥ केण वि नियकज्जेणं सो मिलिओ वारुयस्स चउहट्टे । वत्ता विज्जतेणं कहियं तेणेरिसं तस्स ॥४०६।। जह विजयखेडनयरस्म संतियं सव्वमेव संवहिउं । निग्गयमासि महायणमिन्हि अन्नत्थ गमणत्थं ॥४०७॥ गंतूण विजयधम्मेण वालियं तं सयं खमावेउं । तो वारुएण भणियं महायणं किं समुच्चलियं? ॥४०८।।