Page Text
________________
३१२
सिरिमुनिसुव्वयसा मिदेसणा
मोत्तियपवालवेरुलियवज्जमरगयसुवन्नरुप्पाई । तह सिप्पिसंखदंतप्पमुहं बहुवत्थुसंदोहं ॥१००५०।। गोहूमसालिसट्ठियतिलतुयरिमउट्ठमुग्गमासाई । सणपज्जुवसाणमणेयभेयभिन्नं तहा धन्नं ।।१००५१।। नाणादेससमुब्भवचीणंसुयमाइविविहवत्थाई । कुंकुमकप्पूरागुरुचंदणकत्थूरियाईणि ॥१००५२।। केऊरकडयकंकणकडिसुत्तयकुंडलंगुलीयाई । हारड्ढहारमउडप्पमुहे विविहे अलंकारे ॥१००५३।। पूगीफलजाईफलकक्कोलतमालपत्ततयएला । अन्नं पि एवमाई साइमगमणेगभेएहि ॥१००५४।। एवमणियत्तचित्ता परिग्गहं पिंडिऊण अइबहुयं । चउरन्तचक्कवट्टी तहद्धचक्की य मंडलिया ।।१००५५।। ईसरसेणावइसत्थवाहतलवरअमच्चसेट्टिसुया । एमाइणो मणुस्सा अन्ने वि परिग्गहे गिद्धा ॥१००५६।। गामागरनगरमडंबखेडसंवाहदोणमुहनिवहं । कब्बडनिगमाईयं अहवा कि भूरिभणिएण ? ॥१००५७।। एगायवत्तवसुहामंडलसामित्तणं पि संपत्ता । पावंति न संतोसं लोभमहासागरनिमग्गा ॥१००५८।। इय तित्तिमपावंता परिग्गहुप्पायणे पसत्तमणा। मरिऊण जंति निरए भमंति तत्तो भवमणंतं ॥१००५९॥ देवा वि लोहनडिया रयणमएसुं महाविमाणेसु । भवणेसु य नगरेसु य चिट्ठता दिप्पमाणेसु ॥१००६०।। नाणाविहरयणाणं अणेगरासीहिं गिरिसमाणेहिं । तेएण जलंतेहिं संतेहिं वि जंति नो तित्ति ।।१००६१।। अन्नेसि तियसाणं हरंति रयणाइं लोहमूढमई । तह तिरियलोयमझे दीवसमुद्दे दिसाओ य ।।१००६२।। चेइयवणसंडाणि य गिरिणो नगरागराणि गामाणि। पासायमंदिराणि य मणुयाण तहा निहाणाइं॥१००६३। मेइणिविणिहित्ताई लोभग्वत्था सुरा ममायति । इय चउविहा देवा न लहंति परिग्गहे तित्ति ॥१००६४।। इय नगरभवणवणसंडवाविरयणेसु अच्छरगणेसु । कयमुच्छा मरिऊणं देवा एगिदिया होंति ॥१००६५।। तत्तो अपारसंसारसागरे गरुयकम्मलहरीहि । पालिज्जता एत्तो तत्तो विसहति दुक्खाइं ॥१००६६।। तिरिया वि भुयगमूसगपमुहा कुव्वंति परधणे मुच्छं । मरिऊण पुणो वि तओ भमंति भवसायरं घोरं ।।१००६७।। एसो उ महाणत्थो परिग्गहो होइ सव्वजीवाणं । न ह एरिसओ पासो अन्नो इह अत्थि भवियाणं ॥१००६८।। ता भो देवाणुपिया ! एवं नाऊण दारुणविवागं । मा होह परिग्गहसंगहे रया विरमह इमाओ ।।१००६९।। इय भगवओवइ8 धम्मं सोऊण गंगदत्तो उ । हिट्ठमणो नमिऊणं मुणिसुव्वयसामिणं तत्तो ॥१००७०।। विनवइ जोडियकरो नीसेसं सहहामि णं भन्ते ! । निग्गथं पावयणं रोएमि य णं इमं भंते ! ॥१००७१।। जह चेव वयह तुब्भे तह चेव इमं न अन्नहा कि पि । ता जाव जेटुपुत्तं ठावेमि अहं नियट्ठाणे ॥१००७२॥ तावागंतूण तिलोयनाह ! तुह पायपंकयसमीवे । दिक्खं गिन्हामि अहं भवदुक्खविमोक्खसंजणणि ।।१००७३।। तो आह भुवणनाहो एवं लह कुणह मा हु पडिबंधं । इय भगवया पभणिओ एसो गुरुहरिसपडिहत्थो ।।१००७४।। उठेउं नमिऊण य जिणेसरं जाइ अप्पणो भवणे । ठविऊण जेट्टपुत्तं सामि सकुडुबमज्झम्मि । । १००७५ ।। आरुहिऊण सयं पुण सिबियं माणुससहस्सवहणिज्जं । सव्वनियनाइसुहिसयणपरिवुडो गुरु विभूईए ।।१००७६।
अणुगम्ममाणमग्गो जे?ण सुएण सपरिवारेण । मज्झं मझेणं हत्थिणागनयरस्स नीहरिउं ।।१००७७।। जेणेव जिणो भयवं तेणेव उवेइ तयणुनाओ सो । कयपंचमुट्टिलोओ सयं पि पव्वाइओ पहुणा ॥१००७८।। अन्ने वि तत्थ इसरसेणावइसेट्ठिसत्थवाहाइ । सिढिलियगिहपडिबंधा पुव्वं पि जिणिदवयणेण ।।१००७९।। दळूणं गंगदत्तं पव्वयमाणं विसेसओ एए । तुट्टगिहपेमपासा पव्वइया तयणुमग्गेण ।।१००८०।। ते सिक्खियजइकिरिया पढंति थेराण सन्निहाणम्मि। आयाराईणंगाई विहरमाणा सह जिणेण ॥१००८१।। भयवं पि विहरमाणो कमेण गामाणुगामनगरेसु । सावत्थीए पत्तो नयरीए बाहिरुज्जाणे ॥१००८२।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |