Page Text
________________
सिरिमुनिसुव्वयजिणिदचरियं
२५७
जह अच्छराण मज्झे तिलोत्तमा इयरतरुपरूढाण। जह मंजरीण मज्झम्मि मंजरीपारियायस्स ।।८२७९।। इयराण उउसिरीणं मझं जह रेहए वसंतसिरी। सव्वजुवतीण मज्झे विरायए तह इमा बाला ।।८२८०।। अंगोवंगपइट्ठियसुहलक्खणपुन्नसुंदरसरीरा । दोलावइ हिययाइं एसा दिट्ठा मुणीणं पि ॥८२८१।। सा वि अणवरयपेसियलोयणबाणेहिं सुमुहनरनाहं । विधंती नोवरमइ वियसियसयवत्तसमवयणा ।।८२८२।। सुमुहो वि तक्खणं चिय वम्महपरिमुक्कबाणपसरेण । सल्लियसव्वसरीरो । वणमालामयमणो जाओ। पुरओ गंतुमसक्को तत्थेव गयागयाइं कारेइ । करिणं अवसं व कुविदमंदिरासत्तमग्गम्मि। ।।८२८४।। मइसागरनामेणं सचिवेण तओ मणोगयं भावं । नाऊणं विन्नत्तो सुमुहमहामहिवती एवं ।। ८२८५।। जह देव ! सेवयजणो मिलिओ सब्बो वि चिट्ठए इन्हि । किमिह महाए विलंबो कीरह गम्मउ पुरो सिग्धं ।। सोऊण मंतिवयणं कि पि तओ जायचेयणो राया। चोएऊण गइंदं मंद मंदं गओ पुरओ ॥८२८७।। संपत्तो उज्जाणं फलकुसुमनमंतसाहिसिहरेहि । पणमंतं व निवइणो जमुणावत्तं ति नामेण ।।८२८८।। पवणपकंपिरसुमणसमूहपवियंभमाणमयरंदं । मयरंदमत्तमहुयरविरावकयकामिणिवियारं ॥८२८९।। कामिणिवियारदसणसंजणियजुवाणपरमपरिओसं । परिओसवसवियंभियकामुयकलगीयकयसोहं ।।८२९०।। इय तत्थ जणियसोहे उज्जाणवरम्मि नरवरो सुमहो । कीलागिहम्मि पविसइ निसुणंतो परहुयरुयाई ।।८२९१।। तत्थ वि तं वणमालं मणम्मि अणवरयमुव्वहंतस्स । तस्स न खणं पि सोक्खं संजायइ सुन्नहिययस्स ॥८२९२।। आयारिंगियकुसलो मंती मतिसागरो मुणेऊण। नरवइणो मणभावं चिंतइ एवं नियमणम्मि ।।८२९३।। जह एस ताव राया वणमालादेहदसणभवेण । वम्महमहाभुयंगेण उग्गगरलेण निड्डसिओ ।।८२९४।। केणावि उवाएणं पुच्छेऊणं इमं महीनाहं । पयडावेमि तओ हं मणोगयं सव्वसब्भावं ।।८२९५।। इय चितिऊण मंती पुच्छइ सुमुहं निवं जहा देव ! । जो दीसइ मणमोहो तुम्हाण इमो समुब्भूओ ॥८२९६।। तस्स किर कारणाई एयाइं फुरंति माणसे मज्झ । सत्तुसमुत्थं व भयं पयइपकोवो व अइगरुओ ।।८२९७।। अह वल्लहदेवीए हवेज्ज मन्नू कओ अतिमहंतो। तत्थ तुह ताव तिव्वप्पयावदलियारिवग्गस्स ।।८२९८।। सत्तुसमुत्थं न भयं संभाविज्जइ मणम्मि सुमिणे वि। सम्माणदाणमुइया पयई वि न कुप्पए तुम्ह ।।८२९९।। सव्वस्स वि अणुकूलं काउमणाणं सया वि तुम्हाण । परभावजाणयाणं देवी वि न तुम्ह रूसेइ ।।८३००।। एयाण कारणाणं वइरित्तं जमिह कारणं किं पि। देवेण चेव कहियं तमहमियाणि वियाणिस्सं ।।८३०१।। जइ कह वि गोवणिज्जं न होइ एयं कहेउ तो देवो । तो ईसि विहसिऊणं पभणइ मतिसागरं राया ।।८२०२। तं अम्ह बालमित्तं वीसंभट्ठाणमतिविणीओ य । सुवियक्खणो सहाओ हिएक्कनिरओ सि सयकालं ।।८३०३।। ता तुज्झ गोवणिज्जं कि पि रहस्सं कया वि मे नत्थि । पुच्छंतस्स विसेसेण संपयं वियण ठाणम्मि ॥८३०४।। सो को वि अम्ह कुविओ मतिरयणनिहाण ! चिट्ठए इन्हि । जस्स न पडिमल्लो एत्थ को वि अन्नो तिहुयणे वि।। सो कयरो ? इय पुढे सचिवेण नरेसरो तओ भणइ । खंदमहिं दाईया कुणंति दासत्तणं जस्स ।।८३०६।। सो देवो नामेणं अवराह के पि संपयं मज्झ । ठूणपकुविओ तो अकासि एय मम अवत्थं ।।८३०७।। सो अवराहो एसो गिहाओ वणलच्छिपेच्छणनिमित्तं । इह आगच्छंतेणं का वि मए बालिया दिट्ठा ॥८३०८।। सा सव्वंग पि तओ पलोइया साहिलासदिट्ठीए। जाव मए ता कुविओ देवो सहस त्ति मज्झुरि ।।८३०९।। उत्तमकुलप्पसूओ एस पयापालणे मए ठविओ। अन्नो वि अनीइपरो निवारियव्वो तओ इमिणा ।।८३१०।। सयमेव कहं एसो सुमुहो नीइं विलंघए तत्तो। इय चितिऊण नूणं विहिणा कुविएण पढमं पि ।।८३११।।
Jain Education International
For Private & Personat Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |