Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 289

सिरिमुनिसुव्वजिनजम्मवण्णण
कुसुमासवपाणासत्तमत्तमहुयरगणा रुणरुणता । गायंति व महुलच्छीसोरज्जसमिद्धिमणुसमयं ।।८२४७।। जीसे साहिज्जं पाविऊण मयरद्धओ महासुहडो। पवियरइ जहिच्छाए वसीकुणंतो जयं सव्वं ।।८२४८।। तस्स सरनियरनिवडणविहुरियहियएहि भीरुवग्गेहि । माणं मोत्तूण गयं सरणम्मि अभीयवग्गस्स ।।८२४९।। सो वि मयणस्स वसणं नाऊणं हिययवेहविसयम्मि । तेसि हिययं नियहिययपंजरक्खित्तमुव्वहइ ।।८२५०।। वम्महभडस्स महुसिरिसाहेज्जसमुब्भडस्स आणाए। भीयमणो मिहुणगणो अतिघणनेहो वि अन्नोन्नं ।।८२५१। नाणाविहबंधेहिं दंतेहिं नहेहि केसगहणेहि । कुणइ परिमुक्कलज्जो सुरयमहासमरसंरंभं ।।८२५२।। के वि समाणवया वि हु परोप्परं निबिडनेहबद्धा वि । उट्ठति लउडघाएहि घम्ममाणा तयाणाए ।।८२५३।। ते पुण अन्नेहि सुवनसिगियामुहविमुक्कसलिलेहिं । सिचिजंति पुणो पुण चेयणसंपायणत्थं व ।।८२५४।। वज्जतअणेयपयारतूरनिग्घोसबहिरियदियंतो । नयरनरनारि नियरो नच्चतो तह य गायतो ।। ८२५५।। बाहि वच्चतो चच्चरीसु महुलच्छिरज्जलंभम्मि । कुणइ व वद्धावणयं पेच्छयजणकयमणाणंदं ॥८२५६।। इय विन्नविऊणं उवरयम्मि उज्जाणवालए तम्मि । विहियपसायम्मि विसज्जियम्मि राया सयं तत्तो ।। संचलइ सव्वनियपरियणेण परिवेढिओ समंतेण । पुरओ अप्फालियविविहतूररवजणियसवणसुहो ।।८२५८।। आरूढो मत्तमहागयम्मि सिरधरियधवलवरछत्तो । वारविलासिणिकरकमलचलियसियचामरुप्पीलो ।। कोसंबीनयरीए रायपहे मंदिरोवरिगयाणं । नरनारिसमूहाणं नयणसहस्सेहि दीसतो ॥८२६०।। वीइज्जतो तह उत्तरीयपेरंतपल्लवसएहि । नियउच्छंगगयाणं बालाणं पुच्छमाणाणं ॥८२६१॥ दंसिज्जंतो मायापियरेहि कहतएहि अहिनाणं । नियअंगुलीसिहाहि जा वच्चइ केत्तियं पि पहं ।।८२६३।। ता नियमंदिरसिहरारूढा घरिणी कुर्विदवीरस्स। नामेणं वणमाला दिट्ठिपहे तस्स ओइन्ना ।।८२६३।। रूवेण जोव्वणेण य सोहग्गेण य सुरंगणाणं पि । दप्पं निलयंती तओ सविम्हयरसो राया ।।८२६४।। तं सविसेसं लग्गो पलोइउं पायमूलओ पभिई। दीहरसिणिद्धपम्हललोयणनालेहिं व पियंतो ।।८२६५।। कुम्मुन्नएहि सोणियतलेहिं वियतनहमऊहेहिं । चलणेहि मणुन्नाहिं जंघाहि य पिंजरपहाहि ।।८२६६।। वरकयलिगब्भसुकुमारएण वट्टेण ऊरुजुयलेण । अमरतरंगिणिपुलिणोवमेण वित्थिण्णजहणेण ।। ८२६७।। सुरसरिआवत्तसमाणनाहिवलएण तिवलिकलिएण। खामेणं मझेणं डिभगमुट्ठीए गिज्झेणं ।।८२६८।। उतुंगथोरथणमंडलावरुद्धेण उरविभाएण । तिणिसलयकोमलेणं बाहुलयाजुयलएणं च ।।८२६९।। हत्थेहि असोयमहीरुहग्गपल्लवसमाणसाहेहि । रेहातियंकियाए गीवाए कंबुसरिसाए ॥८२७०।। संपुन्नसरयस सिमंडलस्स सोहं विडंबयंतेणं । वयणेणं नयणेहि य इंदीवरदलविसालेहि ।।८२७१।। ससिमंडलद्धसरिसेण भालवट्ठण चिहुरभारेण । अलिउलकज्जलसामलवन्नेण तरंगिएणं च ।।८२७२।। इय अंगोवयवेणं एक्केक्कण वि इमा मणं हरइ। किं पुण सव्वावयवाण समुदओ तीए दीसंतो॥८२७३।। अवि य--तम्मि समयम्मि एसा वामकरेणं नियंसणं ल्हसियं । इयरेण संठवंती पयडियथणमुत्तरीयं च ।। दिट्ठा सुमुहनिवेणं अह सो लग्गो वियप्पिउं एवं । कि एसा वणलच्छी ? कि व रई वम्महविउत्ता? ।।८२७५।। अच्चब्भुयरूवाणं जुवतीणं मच्चलोयसाराणं । निम्मवणत्थं विहिणा कि पडिछंदो कओ एसो ? ।।८२७६।। कि कत्थ वि अवराहे गरुयम्मि पुरंदरेण रु?ण। अच्छरसा का वि इमा पवासिया सग्गलोयाओ? ॥८२७७।। अवि य-कलहंसीणं जह रायहंसिया कुमुइणीण नलिणि व्व। कप्पलय व्व लयाणं ताराण व रोहिणी पवरा ।।