Page Text
________________
सिरिमुनिसुव्वयजिणिदचरियं
२३५
पडिबिबिय व दोसइ तत्थ तओ अम्ह विम्हओ गरओ। वट्ट इ मणम्मि तेणेव दंसणं तस्स इच्छामि ।।७५६१।। अह देवहरावसराओ सूरपालेण मेइणीवइणा । आणाविऊण मरगयरयणं तं दंसियं तस्स ।।७५६२।। भणियं च तुम्ह एवं दंसिज्जइ कारणेण एएण । जं तुम्भे रयणाणं सव्वेसि मुणह परमत्थं ।।७५६३।। जं दंतउरम्मि महाबलस्स वइरं पलोइउं तुमए । कहियं लोहमयं ति य जणिओ तह पच्चओ तत्थ ।।७५६४।। तं तत्तो एत्थ समागएहिं बहुएहि साहियं अम्ह। एवं निवेण भणिए सिरिवम्मोतं निरिक्खेउ ।।७५६५।। भणइ जहा एयं पिह तहेव जइ होइ कारिमं तो कि? । रन्ना भणियं हासो उयाह सच्चं इमं वयणं ।। जंपइ तओ कुमारो तुम्हेहिं वि जणयनिव्विसेसेंहिं । सह को इह परिहासो तो राया भणइ जइ एवं ।।७५६७।। तो साहह परमत्थं अह कुमरो भणइ मरगयं एयं । जच्चं न होइ किं पुण कायं परिकम्मणगुणणं ।।७५६८।। मरगयमणि व्व नज्जइ पेक्खिज्जतं वियक्खणेहि पि । जं पुण अंतो दीसइ पडिमापडिबिंबमेयं तु ।।७५६९।। पडिम च्चिय फलिहमती अंतो एयरस चिट्ठइ निहित्ता । रन्ना भणियं संधी इह कत्थइ दंसए नेय ।।७५७०।। तो कह अंतो पडिमा खित्ता एयस्स तो कहइ कुमरो। तेल्लम्मि बोलिऊणं कढ्डे मुंचए ताव ।।७५७१।। एगं मुहत्तमेत्तं पयडो संज्जायए तओ संधी । रन्ना भणियं एवं पि कुमर ! काऊण दंसेहि ।।७५७२।। तो विनत्तं कुमरेण देव ! एमेव संदरं एयं । दीसंतं पडिहासइ विणासिएणं किएण ? ||७५७३।। तो भणइ पुणो राया इमस्स कि कारिमाए सोहाए ? । तह कुणसु जह विणस्सइ एयं मह कोउयं एत्थ ।। तत्तो सिरिवम्मेणं कयम्मि पुवोववनियविहिम्मि । पयडीहूए संधिम्मि कढ्डिया मज्झभायाओ ।।७५७४। जह भणिया सिरिपडिमा दिट्ठा रायाइसव्वोलोएण। सीसाइं धुणंतेण य पसंसिओ कुमरमतिविहवो ।।७५७६ तो भणइ निवो कुमरं सिरिवम्मं जह तए कए एवं । हरिसेण विसाएण य अम्हे दोहि पि परिगहिया ।।७५७७।। रयणपरिक्खा कुसलत्तणेण तुह अम्ह वढिडओ हरिसो। अन्नेसु वि नियरयणेसु जायसंकस्स उ विसाओ ।।७५७८।। ता कुमर ! रयणभंडायारं सव्वं पि मे निरिक्खेहि । नाऊण कारिमं जह रयणं अन्नं पि छड्डेमि ।।७५७९।। कुमरेण तओ भणियं मा देवो कुणउ एत्तियं संकं । एगम्मि कहवि रयणे जइ जाया एरिसा जत्ती ।।७५८०।। ता किं सव्वत्थ वि ते परिक्खगा मुढमाणसा जाया ! एत्तियमेत्तेणं चि अहं पुणो जाणओ जाओ ।।७५८१।।। एस घुणक्खरनाओ होति च्चिय देव ! कस्सइ कयावि । ता गयसंको होउं इह देवो मुंचउ विसायं ।।७५८२। राया भणइ धुणक्खरनाओ एसो न तीरए वोत्तुं । जं वइरपरिक्खाए वि तुह मती कुमर ! निव्वडिया।।७५८३।। एवं पि होउ अहवा तह विधीई मज्झ जायए तइया । देइ जया नियदिद्धि कुमरो मह रयणकोसम्मि ।।७५८४।। सिरिवम्मो भणइ तओ विउलो तह देव ! रयणभंडारो।नो वरिसेण वि तीरइ निरक्खिउंथेवमेत्तो वि।।७५८।। तो जाई अहिणवाइं बहुणा मुल्लेण संति गहियाई । ताई चिय थेवाई देवो दसउ किमन्नेहिं ।।७५८७।।। तो रन्ना कयमेवं कुमरेण वि पेखिऊण रयणाई। कहियाइं ताई रन्नो सव्वाइं वि विगयदोसाई ।।७५८७।। तो राया सब्वसहासमक्खमेवं पसंसए कुमरं । जह नरपुंगवराया एक्को च्चिय महियले धन्नो ।।७५८८।। जस्स सिरिवम्मकुमरो पुत्तो नीसेसगणगणावासो । एगे चिट्ठति सुया जाया अन्नेहिं निवईहि ।।७५८९।। न मुणंति बोरबिट जे तह वि भमंति उद्धरक्खंधा । सिरिवम्मो इव अन्ने सव्वं पि मुणतया निहुया ।७५९०। रे वीरपाल ! वंछसि तुमं पि जइ अत्तणो गुणे होते । तो कम्मयरो सिरिवम्मसंतिओ होसु कइ वि दिणे । अह वीरपालकुमरो रन्ना जणएण जंपिओ एवं । ईसि हसिऊण पभणइ मउलियपाणी पणयसीसो ।।७५९२।। जणएण जस्स पाया हवंति पक्खालिया सहत्थेहिं । पुत्तो कह तस्स न होइ किंकरो देव ! सयकालं ।।७५९३।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |