Page Text
________________
सिरिमुनिसुव्वयजिणिदचरियं
ओरिसाओ तइ (ए) संवच्छरम्मि अइकंते । आसि मए नेमित्ती पुट्ठो एक्को तया एवं ।। ६८४३ ।। जह किर सव्वगुणाणं कुलहरभूयाए अम्ह धूयाए । एईए को भत्ता होही भुवणम्मि अणुरूवो ? ।। ६६८४४।। तेण गहिऊण पन्हं सम्मं वीमंसिऊण इय भणियं । जइ तुब्भे नो रूसह कहेमि धूयावरं तो हं ॥। ६८४५ ।। तो आह महाबलमेइणीवई किमिह रूसियव्वं ? ति । जइ किर निमित्तदिट्ठं अदुट्टभावो तुमं कहसि ।। ६८४६ || कहs तओ नेमित्ती सुदंसणं तुज्झ नंदणं को वि । जो बंधिऊण खिविही नियगुत्ती नरिदसुओ ।। ६८४७ ।। तुह धूयाए भत्ता सो होही निच्छएण अणुरूवो । इय नेमित्तियवयणं मिलियं इन्हि सुणेऊण ।। ६८४८।। तुम्हाहवणकए इह पट्ठविओ हं महाबलनिवेण । धूयापाणिग्गहणं कारिस्सइ तत्थ तुह एसो || ६८४९।। जइ कारणेण केणइ तुम्हाणं तत्थ होति नागमणं । तो संवाहेऊणं पियदंसणनामयं धूयं । ६८५० ।। पेसइ महाबलनिवो चंदउरिपुरीए तुम्ह पासम्मि । तत्थेव य परिणयणं तीसे तुम्हेहिं कायव्वं ।। ६८५१ ।। तो भइ सिरिवम्मो वासवदत्तेण निवइणा पढमं । पट्ठवियं हक्कारयमणंतरं सूरपालेण ||६८५२।। तइयं महाबलेणं इन्हि तत्थऽम्ह निययतायस्स । आएसो आयाओ गमणत्थं वासवउरम्मि ।। ६८५३ ।। पढमं चिय तत्थ तओ भविस्सए ताव अम्ह गंतव्वं । तत्तो विणियत्ताणं नरवइणो सूरपालस्स ।। ६८५४ ।। नयरम्मि सारिवद्दे कमेण अम्हाण होइ गंतव्वं । तह वि हु न गमिस्सामो तत्थम्हे किंतु दंतउरे ।। ६८५५ ।। पासम्मि महाबलनरवइस्स नूणं समागमिस्सामो । जोडियहत्थो तत्तो सपणामं वयइ सिरिहरिसो ॥। ६८५६ ।। कइया कुमारमग्गं तुम्हागमणस्स महबलनरिंदो । अवलोयउ दंतउरे सो आह जया विसज्जेही ।। ६८५७।। वासवदत्तनरिदो नियनयराओ ममंतया नियउ । मग्गं महाबलो मे दंतउरे आवयंतस्स ।। ६८५८ ।। इय सिरिवम्मकुमारेण जंपिए जुत्तिजुत्तवयणम्मि । ता पभणइ सिरिहरिसो एयं चिय संगयं होइ ।। ६८५९।। भेत विसज्जह मं इन्हि सह मए नियं पुरिसं । पट्ठवह कं पि जह सो अम्ह पहू लहइ परिओस ।। ६८६० ।। तो जंपइ सिरिवम्मो जइ कह वि सुदंसणेण कुमरेण । सह दंसणं करिस्ससि तो तं काउं तुम होहि ।। ६८६१ ।। निव्वयमणो इयाणि जेण तए सह इओ नियं पुरिसं । कं पि निरूवेऊण तुमं विसज्जेमि सिग्घं पि ॥। ६८६२। तो पभणइ सिरिहरिसो आएसो नत्थि तस्स मिलणत्थं । दिन्नो महाबलेणं मज्झ तओ कह मिलेमि अहं ।। ६८६३।। तो सिरिवम्मो दाउ तंबोलं तं विसज्जए तस्स । दावेइ य आवासं दूसलपुरिसं भणेऊण ।।६८६४ ।। तो हक्कारेऊणं रणसीहं भणइ लहु तुमं गंतुं । अप्पट्टमं सुदंसणकुमरं नियलाओ मोएउ ||६८६५।। न्हविय विलित्तं कय कुसुमसेहरं पवरपरिहियदुगुल्लं । काउं मं जाणावह तह त्ति वोत्तुं तओ एसो ॥ ६८६६।। लोहाराहवणत्थं पेसेउं माणसं पयं पत्तो । कुमरसुदंसणपासे नियपहुभणियं कहइ तस्स ।। ६८६७ ।। सो कारणं पपुच्छइ रणसीहो भणइ मज्झ अक्खायं । किं पिन सिरिवम्मेणं किंतु मए अवरपुरिसाओ || ६८६८।। नायं जहा महाबलरन्ना पियदंसणं नियं धूयं । दाउं सिरिहरिसो नाम पेसिओ नियमहापुरिसो || ६८६९।। सिरिवम्मस्स समीवे तेण तओ एयमेवयमुल्लवियं । तं सोऊण सुदंसणकुमरो जंप घडइ एवं ॥ ६८७०।। नेमित्तियस्स वयणं मज्झ वि तत्थट्ठियस्स कन्नगयं । सिरिवम्मेण सयं चिय ता एस कओ पसाओ मे ।। ६८७१ ।। अह लोहारे पत्ते सुदंसणाईण नियलभंगाई । पहुभणियं कारेउं तओ सयं गंतु रणसीहो ।। ६८७२।। सिरिवम्मस्स सरूवं विन्नवइ इमो वि अवसरनिविट्ठो । सब्वेसुवविट्ठेसुं सपरेसु वि सेवयजणेसु ।। ६८७३ ।।
I
L
Jain Education International
For Private & Personal Use Only
२१३
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |