Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 241

सिरिवम्मकुमारचरियं
चरिमे जामे उ सयं पितुम्ह पासे हमागमिस्सामि । इन्हि तु इह ठियस्स वि कज्जं मे कहह जइ अस्थि ||६६७८।। तो सिरिवम्मकुमारो तं जंपइ संपयं इमं कज्जं । अम्हे गुलखेडपुरे सव्वेसु वि चेइयहरेसु ।।६६७९ ।। न्हवण-विलेवण-पूयण-परिहावण - पेच्छणाइयं सव्वं । कारिस्सामो तह जह समप्पए अट्ठहिं दिणेहिं ।। ६६८०।। तम्हा मालायारा कुसुमाणं विक्कयं कुणेमाणा । अन्नत्थ वारियव्वा इच्छिय जिणमंदिरेसु जहा ।।६६८१।। पज्जत्ता संपज्जइ पूया तह सावया समग्गा वि । मेलेडं भाणियव्वा न्हवणाइकए जहा सव्वं ।। ६६८२ ।। पणं कुणति अम्हे इन्हि चिय तत्थ आगमिस्सामो । इय भणिउमप्पिऊणं दव्वं कुसुमाइमुल्लकए ।।६६८३।। नियपुरिसं साहारणनामं सह तेण दूसलनरेण । पेसइ हक्कारेउं इय भणइ तओ वसंतसिरिं ।।६६८४ ।। जह अम्हाणं देवो अरिहंतो चेव इयरदेवाण । दंसणमेत्तं पि न होइ संगयं कुव्वमाणाणं ।। ६६८५।। पूयापेच्छणयाईकारवणं पुण समग्गमवि गरे । चिट्ठउ किंतु परं तुह उवरोहेणं मए विहियं ।। ६६८६ ।। इह तु किंचि विभणियव्वं नेय सम्मुहं मज्झ । एरिसमियरसुराणं पूयाईकरणविसयम्मि ||६६८७।। तुज्झ वि जुत्तं एवं करणिज्जं संपयं जहा मोत्तुं । अने सव्वे देवे पडिवज्जिज्जइ जिणो देवो ।। ६६८८ ।। जइ पाविज्जइ राया मित्तं तो तस्स सेवयजणेण । बहुएण वि किं कीरउ इय लब्भंते जिणे देवे ।।६६८९ ।। किं सेसदेवयाहिं तस्सेव य किंकराहिं कायव्वं । जाणसि तुमं पि एयं सव्वं पि मणे वियारंती ।।६६९० ।। हिजणपडिमा मज्झ तिकालं पकुव्वमाणस्स । सन्निहिया होऊणं तुमं पि निच्चं पलोएज्जा ।। ६६९१।। झत्ति वसंतसिरीए वयणे पडिवज्जियम्मि एयम्मि । तो सिरिवम्मकुमारो तीए सह संवहेऊण ।। ६६९२ ।। नियसामग्गीसहिओ चलिओ गुलखेडनयरमग्गम्मि । दूसलसेणाहिवई नियपुरिसाओ निसामेउं ।। ६६९३।। सिरिवम्मस्साएसं तहेव कारेइ सावएहिंतो । चेइयहराण संखा जावइया तम्मि नयरम्मि ।।६६९४ ।। काऊ विभाएहिं अट्ठहिं सव्वा वि सा तओ तेहि । एक्केक्कम्मि विभाए एक्केक्कदिणम्मि परिठवियं ।। ६६९५ ।। न्हवणाई कायव्वं जावइयं तेहिं मग्गियं दविणं । साहारणस्स पासे तावइयं अप्पियं तेण ।।६६९६।। तम्मि दियहे चिरंतणचेइयभवणम्मि भुवणविक्खाए । एक्कम्मि सयलसंघ मेलेऊणं तओ तेहि ।। ६६९७।। दूसलसेणावइणो कहावियं तेण पेसिउं पुरिसो । सिरिवम्मस्स कहेउं सो मिलिओ तस्स अद्धपहे ।।६६९८।। एतस्स सम्मुहो च्चिय दूसलवयणं कहेइ सव्वं पि । सो वि परितुट्ठहियओ दयावए तस्स तंबोलं ।। ६६९९। पुब्वकहियम्मि पत्तो चेइयभवणम्मि कुमरसिरिवम्मो । पंचविहाभिगमेणं पविसेउं तत्थ भत्तीए || ६७००।। विहिपुव्वं पूएडं जिणिदबिंबाई तत्थ सव्वाई | वंदेऊण य हरिसुल्ल संतसव्वंगरोमंचो ।। ६७०१ ।। जहजोग्गं काऊणं पडिवत्त तयणु सयलसंघस्स । उचियप से उचियासणम्मि तत्तो निसीएइ ||६७०२।। कुमराणुमग्गलग्गा सव्वं पि करेइ तह वसंतसिरी । दूसलसेणाहिवई वि तत्थ पत्तो कुमरपासे ।। ६७०३ ।। ण्हवणसमयम्मि पढमं सिरिवम्मो गिन्हए सयं कलसं । सेसा गहिया सेसेहि सावएहि पहाणेहिं ॥ ६७०४ || तत्थ न्हवणम्मि वित्ते तत्तो इच्छियजिणिदभवणेसु । गंतूण केइ सड्ढा कुणंति न्हवणाई सव्वम्मि ।।६७०५ ।। तणु विलेवण - पूयण-परिहावणमाइयम्मि सव्वम्मि | सिद्धम्मि पढमचेइयहराउ निग्गंतुकामेण || ६७०६।। सिरिवम्मकुमारेणं दूसलसेणावई इमं भणिओ । कइवयचिइभवणेसुं अन्नेसु वि जाव गंतव्वं ।। ६७०७ ।। ताव भविस्सइ दूरं उस्सूरं ता इहेव धवलहरे । तुम्हच्चयनरवइणो भोयणमम्हे करिस्सामा || ६७०८।। तो चरमे दिणजामे आणावेऊण कडयमज्झाओ । नियमावासमिहेव य गुलखेडे दावइस्साम ।। ६७०९।। तत्तो इयरदिणेसुं निच्चं निययम्मि चेव आवासे । भुंजिस्सामो पूया जाव समप्पइ जिणहरेसु ।।६७१०।।
२०८