Page Text
________________
१९४
सिरिवम्मकुमारचरियं
तुम्हेहिं कायव्वा अन्नह एसो भणिस्सए पच्छा । जीवंतो तिरिवम्मो मज्ज्ञ न छटुंतओ आसि ।।६२२६।। जइ वीरपालकुमरो कुणंतओ तस्स नेय साहेज्ज । भोयण विसयम्मि पुणो असंगयं किं पि नो अस्थि ।।६२२७।। किंतु परं अज्ज अहं अक्खणिओ केणई सकज्जेण । तो जायम्मि पभाए जंपिस्सइ कि पि जं कुमरो॥६२२८।। तं तव्वं पि करिस्सं अज्जपुणो कि पि नोभणेयव्वं । इय भणिऊणं दोन्नि वि ते सिरिवम्मो विसज्जेउं ।। ६२२९।। वज्जाउहदेवीए गंतु कारेइ ण्हवणमाईयं । अइ वित्थरेण तत्तो तइए जामम्मि आगंतुं ।।६२३०।। तत्थेक्कण नरेणं कन्ने होऊण वणसिरी भणिया । गंतूणवसंतसिरीए निहुयमेयं निवेएहिं ।।६२३१।। जो तुम्हेहिं निउत्तो कडयम्मि सुदंसणस्स आसि पुरा । सो गंतूणं तत्तो समसुओ सुद्धिकहणत्थं ॥६२३२।। इह संपत्तो चिट्टइ अह सा गंतु इमं कहइ तीसे। एसा वि वणसिरि पेसिऊण सिरिवम्मकुमरस्स ॥६२३३॥ जाणावइ इमम सो वि हु हक्कारिऊण तं पुरिसं । कयपणिवायं पुच्छइ सो वि सवत्थं नियं हत्थं ॥६२३४॥ दाउं नियमहदारे होइ कुमारस्स कन्नमूलम्मि । कुमरो वि तस्स वयणायन्नणविणिहित्तनियचित्तो ॥६२३५।। पेच्छणय जणे चक्टुं सव्वत्तो निक्खिवेइ सुपसन्नो । इयरो वि पणिहिपुरिसो विन्नवद इमस्स वीसत्थो ।।६२३६।। सामि वसंतसिरीए आणाए सुदंसणस्स कडयम्मि। एत्तो गओम्हि भइणीवइवणदुयसन्निहाणम्मि ।।६२३७।। सो दविणवयनिउत्तो निच्चं पि सुदंसणस्स सन्निहिओ । गढाण वि पुरिसाणं संबलयपसायदायारो ।।६२३८।। सो मज्झ वि पासाओ तेसि दावेद संबलाईयं । पाएण तेण जाणेमि गुढकज्ज पि तस्साहं । ६२३९।। तुम्ह च्चय दूहि गंतूण सुदंसणस्स पासम्मि । जम्मि खणे पढमं चिय नरपुगवरायसंदिळें ॥६२४०।। महुरक्खरमक्खेउं तुह वयणं निठुरं तओ कहियं । तम्मि खणे तेसु विसज्जिएसु कोवारुणमुहेण ।।६२४१।। माहवराओ हक्कारिऊण निब्भच्छिओ इमेणेवं । जह तुज्झ पमाएणं वसंतसिरिपेसियनरेहिं ।।६२४२।। जाणावियं सरूवं एयं नरपुंगवस्स नरवइणो । एवमुवालभेउं तेणेस विसज्जिओ झत्ति ।।६२४३।। अह पासवत्तिपुरिसेहिं जंपियं जह कुमार एत्ताहे । चिट्ठताण न जत्तं इह गम्मउ सठाणे ।।६२४४।। सो आह इमं चित्ते मज्झ वि संवसइ संपयं किंतु । सिरिवम्मदूयवयणेहिं दूमिओहं मणे बाढं ।।६२४५।। तत्तो मए वि तेसिं पुरओ उद्रुतगस्यकोवेण । साहंकारं वयणं भणियं उवहासगब्भं च ।।६२४६।। तेणिन्हि तस्स समागयस्स कडयम्मि के पि काऊण । सच्चवणं तो पच्छा सठाणमेत्तो गमिस्सामि ।।६२४७।। इय भणिऊण सुदंसणकुमरे विरयम्मि पासवत्तीहि । विन्नत्तं जं जुत्तं पडिहासइ तुम्ह तं कुणह ।। ६२४८।। एयमईयअणंतरदिणपच्छिमअद्धजामसमयम्मि । संजायं अज्ज पुणो पढमे दिणसड्ढपहरम्मि ॥६२४९।। माहवराएण वियाणिऊण नियपणिहिपुरिसपासाओ। गंतूण सुदंसणकुमरअग्गओ एवमक्खायं ।।६२५०।। जह सिरिवम्मकुमारो वज्जाउहदेवि मंदिरे अज्ज । पूयं कारावेतो संचिट्ठइ तत्थ उवविट्ठो ।।६२५१।। पेच्छंतो पेच्छणयं अच्छिस्सइ तत्थ चेव सयलदिणं । भोयणकए खणं जइ जाइ तओ तं न याणामि ।।६२५२।। रयणीए पहरतिगं पढमं कारिस्स एय जागरयं । एयं कुमार चिट्ठइ सिरिवम्मसरूवमज्जदिणे ।।६२५३।। इय कहिए एस सुदंसणेण उववूहिऊण पुण भणिओ। अन्नं पि निय निरूवियनराण पासाउ नाऊण ।।६२५४।। मज्झ विसेससरूवं तए कहेयव्वमिह समागंतुं । इय भणिउं तेणेसो विसज्जिओ विहियसम्माणो ।।६२५५।। अह नियसेणाहिवई नरसीहो नामतेण आहूओ । तुम्ह च्चयं सरूवं पुव्वुत्तं तस्स कहिऊण ।।६२५६।। इय सो आइट्ठो जह वज्जाउहदेविमंदिराउ जया । नीहरिउं सिरिवम्मो गंतूणं सुयइ नियठाणे ।।६२५७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |