Page Text
________________
सिरिमुनिसुव्वयजिणंदचरियं
परमेयं न भविस्सइ वरमेसा चयइ सव्वहा जीयं । सिरिवम्माओ अन्नं तह वि न मन्नइ इमा दइयं ॥ ६१९४।। ती जीयच्चाए पुण जाए तुज्झ अवजसो होही । ता मोत्तुमसग्गहमेयमप्पणी जाहि ठाणम्मि ||६१९५ ।। मा इह परलोगाणं दोन्हं पि हु कुणह अप्पणो नासं । इच्चाइ वइयरे साहियम्मि सयलम्मि तस्स पुरो ।। ६१९६। कयभिउडीभंगेणं तेण तओ जंपियं जहा एयं । सिक्खं तस्से व नियस्स देउ सिरिवम्मकुमरस्स || ६१९७।। सो नरपुंगवराया अम्हं तु महाबलो महाराओ । चिट्ठइ सिक्खादाया तस्सेवगिरं करिस्साम ।।६१९८ ।। जइ रुच्चिस चित्तस्स मज्झ अन्नह न तं पि पकरिस्सं । अम्हेहि तओ भणियं जं रुच्चइ तं तुमं कुणसु ।। ६१९९ ।। किंतु सिरिवम्मवयणं एक्कं इन्हि तुमं निसामेहि । सो आह वयह अम्हेहिं जंपियं तेण संदिट्ठ ।। ६२००।। इय तुह जह नरपु ंगवराया अइ उज्जुओ सुयणपगई। अप्पं व पेच्छइ परं न उण वियाणइ खलसरूवं ।। ६२०१ ।। ता वयणमिस्स तर मणपि कन्नम्मि नेय करणिज्जं । एस वसंतसिरीए अहं करिस्सामि परिणयणं ।। ६२०२ ।। तत्थागंतणं तुह पेच्छं तस्स वि भणिज्ज मा एवं । जं न मए विन्नायं जइ सक्कहि तो निवारेहि ।। ६२०३ ।। एवं सो अम्हाणं वयणं सुणिउं सुदंसणो कुमरो । को वायंबिरवयणो बेइ जहा एउ सिरिवम्मो | ६२०४ | सिग्धं चिय पाहुन्नं करेमि जह तस्स जोग्गयं किं पि । इय भणिउं तेणम्हे विसज्जिया आगया एत्थ ।। ६२०५ ।।
विनविण ठिया दोन वि सिरिवम्मवरकुमारेण । उववूहिय सम्माणियविसज्जिउं जाव पारद्वा ।। ६२०६।। एत्थंतरम्मि पुरिसा पट्टविया दोनि वीरपालेण । पत्ता सिरिवम्मकुमारअंतिए विहियपडिवत्ती ||६२०७।। जंपंति जह भणावइ तुब्भेइय वीरपालवरकुमरो । निय देसाओ तुम्हे समागया अम्ह सम्मि || ७२०८।। अम्हेहिं दायव्वं पाहुन्नयभोयणं तओ तुम्ह । तुम्हेहिं वि दायव्वं विवाहविहिभोयणं अम्ह ।। ६२०९ । तो पढमं पि करिस्सह कि तुम्हे कि गिहम्मि अम्हाणं । भु' जिस्सह अह अम्हे भुजाविस्सह नियावासे ।। ६२१०।। तो जंपइ सिरिवम्मो दोन्हं एक्कं पि संपयं नेय । सक्का अम्हे काउं कज्जंतरमत्थि जं जायं ।। ६२११ ।।
वीरपालपुरिसा बेंति तओ कि तयं ति आह तओ । सिरिवम्मो जह पढमं सुदंसणो अम्ह पाहुनं ।। ६२१२ ।। काही चिट्ठति जओ निमंतया पेसिया इमे तेण । अम्हाणमियभणेउं ते पुरिसा दंसिया तेसि ।। ६२१३ ।। तो वीरपालपुरिसेहिं पुच्छिया ते कहेंति पुव्वृत्तं । तेहि तओ सिरिवम्मो पुट्ठो किं वीरपालस्स ।। ६२१४।। अम्हे गंतु हिमो सो आह जहासुयं इमेहिंतो । इय भणिउं तंबोलं दाउ ते तेण पट्टविया ।। ६२१५।। गंतू तेहि कहियं तं सव्वं वीरपालकुमरस्स । तेण वि ते सिक्खविडं पुणो वि संपेसिया तत्थ ।। ६२१६॥ सिरिवम्मकुमरपासे साहेंति जहा भणावए तुम्भे । इय वीरपाल कुमरो सुदंसणेणं समं अम्हे ।। ६२१७॥ सव्वं पि भणिस्सामो तुम्हेहि अज्ज अम्ह होयव्वं । पाहुणएहिं सिहं अम्हुवरि पकुव्वमाहिं ।। ६२१८ ।। एत्यंतरे वणसिरी वसंतसिरि पेसिया समागंतु । होऊण कन्नमूले विन्नवइ कुमारसिरिवम्मं ।। ६२१९॥ जह अम्ह सामिणीए संजाए एत्थ गमणविग्धम्मि । तुह दंसणदुलहत्तं चितंतीए नियमम्मि ।। ६२२०॥ वज्जाउहदेवीए पूयं काऊ इच्छियं एवं । ओयाइयं जहा मे कयम्मि सिरिवम्मकुमरेण ||६२२१।। पाणिग्गहणे न्हवणं विलेवणं पूयवत्थसक्कारं । काउणं तुह पुरओ पेच्छणयं कारइस्सामि ।। ६२२२।। सव्वं पि अहोरत्तं महसवं तुज्झ मंदिरे काहं । सो इन्हि देवीए मणोरहो पुरिओ मज्झ ।। ६२२३।। तो मज्झे होऊणं तुम्हे कारह सव्वमवि एयं । पडिवज्जिऊण एवं कुमरेण विसज्जिय । एसा ।। ६२२४ ।। तो वीरपालपेसियदूयाणं उत्तरं कुणइ एयं । जह ताव सुदंसणकुमरवइयरे का वि नो वत्ता ।। ६२२५ ।।
Jain Education International
१९३
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |