Page Text
________________
सिरिवम्मकुमारचरिय
तेण नियाभिप्पाओ वसंतसिरिकन्नयाए विसयम्मि । कहिओ दूसलदंडाहिवस्स पुरओ समग्गो वि ।।६०९६।। तण वि भणियं सरणागयस्स ढुक्किज्जए जमेयं पि । ताव न लट्ठ कि पुण नरवइणो सूरपालस्स ।।६०९७।। पुरओ अन्नं पडिवज्जिऊण एत्थागओ कुणसि अन्नं । एयं तु अइविरुद्धं तुम्हें अम्हं च परिणामे ।।६०९८।। इय दूसलेण एसो पडिसिद्धो सूरपालनिवतणओ। झत्ति वसंतसिरीए परिणयणमई नियत्तेइ ।। ६०९९।। तो वीरपालकुमरो दूसलदंडाहिवं भणइ एवं । एईए उवरि मए नियत्तिओ नियअभिप्पाओ ।।६१००।। परमेईए रूयं अइसयभूयं निसम्मइ जणाओ। ता कि केणइ गंतूण तुज्झ पुरिसेण तं दिळें ।।६१०१।। विनवइ दूसलो तं अम्ह नरो को वि अंतिए तीए । न गओ तीसे पुरिसा पओयणेणं मह समोवे ।।६१०२।। एंति असई कहेंति य पुट्टा ते तीए रूवमब्भहियं । तो भणइ वीरपालो पेसेऊणं निए पुरिसे ।।६१०३।। तीसे पासम्मि तओ पेक्खाविज्जइ जहाविहं रुवं । तो भणइ दुसलो कि निरत्ययं पेक्खिएणिमिणा ।।६१०४।।जम्मि न गंतव्वं चिय गामे मग्गो वि संतिओ तस्स । कि पुच्छिज्जइ एमेव निष्फलो विबहलोएण ।।६१०५।। तो भणइ वीरपालो तह वि हु सिरिसूरपालनरवइणा । अम्हे पट्टविया इह तीसे साहेज्ज करणत्थं ।।६१०६।। एवं जाणाविज्जइ पडिवन्नं दुसलेण वि तओ तं । दोहि वि पहाणपुरिसो एक्केको सिक्ववेऊणं ।।६१०७।। पट्टविओ तत्थ तओ गंतणं तेहि दोहिं वि जहि । कहियं तीसे पुरओ जह रन्ना सूरपालेण ।।६१०८।। नियकुमरवीरपालो साहेज्जे तुम्ह पेसिओ एत्थ । गुलखेडपुरे पत्तो सो चिट्ठइ भाणियंतेण ।।६१०९।। तम्हाण सम्महमिणं भणसि तम जत्थ कत्थई तत्थ । नेउं संपावेमो वासवदत्तस्स वा पासे ।।६११०|| सिरिवम्मकुमारस्स व तीए भणियं जहा सदेसस्स । सीमं लंघावेउं नरपुंगवदेसमज्झम्मि ।।६१११।। नेऊणं मं मुंचह दियहाणं दोन्ह-तिन्ह वा अंते । अम्हेच्चय लोओ को वि कत्थई संपयं पगओ ॥६११२।। जम्हा चिट्ठइ तत्तो जाव इमो मिलइ एगठाणम्मि । संवहइ य ताव अहं तुम्हाण कहावइस्सामि ।।६११३।। अह तुन्भे लहु एज्जह तो दूसलवीरपालपुरिसेहिं । दोहि वि तं पडिवन्नं अह तीए ताण संमाणं ।।६११४।। वरवत्थाईहि कयं विसज्जिया ते वि उदिऊण गया। साहति वीरपालस्स तारिसं दूसलजुयस्स ।।६११५।। तो वीरपालकुमरो वसंतसिरिअंगचंगिमगुणस्स । पन्हं करेइ नियपुरिसअंतिए कहइ सो तस्स ।।६११६।। एक्काए जीहाए वसंतसिरिनामियाए कन्नाए । रूवं न वन्निउमई सक्कमि कुमार थेवं पि ।।६११७।। जइ होइ पडिच्छंदो वसंतसिरिरूयसंतिओ दिट्ठो । कत्थइ मए तओ हं कुमार साहेमि तुह पुरओ ।।६११८।। वज्जाउहदेवीए पडिमा किर एत्थ अब्भहियरूवा । सा वि वसंतसिरीए पायंगुट्टेण वि न तुल्ला ।।६११९।। सो एवं जंपतो निवारिओ दूसलेण हा एयं । मा भणसु पुणो एसा जं सच्चो वाइया देवी ॥६१२०।। सो जंपइ तेणं चिय अहं पि सच्चं भणामि नो अलियं । अलियवयणेण जम्हा एसा वि पकुप्पए देवी ॥६१२१।। तो वयइ वीरपालो जइ एवं तो सयं पि अम्हाणं । सा दट्ठव्वा चिट्ठइ तो जंपइ दूसलो एवं ।।६१२२।। सा ताव वसंतसिरी हक्कारेउं न जुज्जए एत्थ। तुम्हे वि तत्थ गंतुं जहा तहा ने य सक्केह ।।६१२३।। कह दंसणं भविस्सइ तीए सह तुम्ह पत्थिवकुमार । सो वयइ मए लद्धो चिट्ठइ एक्को इह उवाओ ।।६१२४।। सो केरिसो त्ति पुच्छइ दंडाहिवदूसलो कहइ कुमरो। वज्जाउहदेवीए दंसणहेउं गमिस्सामि ।।६१२५।। तो देवि पूएउं पूयादसणकए वसंतसिरि । हक्कारिउं करिस्सं तीए सह दंसणं तत्थ ।।६१२६।। तो दूसलो पयंपइ जं किंचि वि संगयं कुमारस्स । पडिहासइ निय चित्ते तं कुणउ किमम्ह भणिएण ॥६१२७।। तो वीरपालकुमरो दंडाहिवदूसलं पि सह नेइ। देवी भवणम्मि तओ सो चितइ दूसलो एवं ।।६१२८।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |