Page Text
________________
'सरिमुनिसुव्वय जिणिदचरियं
१८९
पंचन्हं दियहृाणं पज्जत्तं संबलं गऊण । मज्झ समप्पह इन्हि जह तेहि समं अहं एत्तो ।। ६०६३ ।। संझाए नोहरिजं वहिउं राओ दिया य परमदिणे । पन्नासजोयणं ते वज्जाउ देवि पुरवाहि ।। ६०६४।। आवासं गहिऊणं करेमि तो भोयणं व सयणं वा । तुम्हे पुण सिबिरजुया पच्छा सणियं पि एज्जाह ।। ६०६५।। सिरिवम्मकुमारे पिऊण एवं ठियम्मि मोणेणं । मंडलियाईहिं तओ वित्तो सविनयं एसो ।। ६०६६ ।। जो तुम्ह समासो सो कीरइ इन्हिमेव अविलंबो। किंतु परं तुब्भेहि सह अम्हे आगमिस्सामा || ६०६७।। सयमेव सिविरमज्झे मोत्तणं कं पि अप्पणो पुरिसं । पडिवन्नं कुमरेणं वि तहेव तेहिं वि कयं झत्ति ।।६०६८ ।। अह सिरिम्कुमारो पंचहि सह मत्तकारिवरसएहिं । तह जच्चतुरंगाणं पन्नासाए सहस्सेहिं ।। ६०६९।। पंचहि रहसहसेहिं तीस सहस्सेहिं पवरकरहाण । संखित्तेण बलेणं एत्तियमेत्तेण संचलिओ ।। ६०७० ।। तिहि नक्खत्तमुत्तं गणात्रियं किं पि नेय गणयाओ । न य सउणो न निमित्तं अवेक्खियं किं पि तेण तया । । ६०७१ ।। न य परबलबहुवत्तं न य वत्तं नियस्स सेन्नस्स । एमेव सीहपोओ व्व पट्टिओ मयकुलस्सुवरिं ।। ६०७२।। एत्तो य सामलं मारिऊण अल्ला वि देविभवणाओ । पुरिसेसुं आगएसुंमाहवराओ तओ चलिओ ।। ६०७३ ।। वज्जाउहदेवीए पुराउ कडए सुदंसणस्स गओ । साहइ तस्स पुरो जह तुब्भेहिं कुमारअहमेत्तो ।।६०७४ ।। आसि वसंतसिरी सवपरियाणणट्टमाइट्ठो । जा तत्थ गओ ता तक्खणे वि देवीपुराहितो || ६०७५।। एक्को विगविणिग्गओ पवरपोरिसा पुरिसो । सतहिंसाउहपुरिसेहि संजुओ पायचारीहि ।। ६०७६।। इच्चेवमाइसव्वं वित्थरओ साहियं पुरो तस्स । ता जाव तेण पेसियपुरिसेहि सामलो निहओ ।। ६०७७।। अप्पच्छट्टो पच्छा तेसि गहियं जमासि हयपमुहं । लेहेण संजयं तं सव्वं पिहू दंसियं तस्स ।। ६०७८ ।। सो वि सुदंसणकुमरो वाएउं लेहमवगयतयत्थो । तुट्ठो माहवरायं पसंसए जंपए य तहा ।। ६०७९ ।। अन्न वि तुमं पुरले पच्छन्ने के वि कम्मररुवे । तत्थ निवेहि जहा पुणो वि ते माणुस कि पि ।। ६०८०।। वज्जाउहदेवीए पुरमज्झाओ वसंतसिरितणयं । नरपुं गववासवदत्तपत्थिवाणं समीवम्मि ||६०८१।। गच्छंतं नाऊणं कति लहु तुज्झ तो तुमं पुरिसे । पेसेउं तस्स करेसि निग्गहं जेण कइ वि दिणे || ६०८२ ।। दोन्हं पिनरिदाणं एएति बाहराए को वि जणो । नागच्छइ जा सिज्झ अम्हाणं कज्जयंति ।। ६०८३ ।। माहवराएण सुदंसणस्स वयणं तह त्तितं झति । पडिवज्जिऊण विहियं इममेवं वट्टए ताव ।। ६०८४।। एत्तोय वीरपाले गुलखेडाभिमुहविहिपत्थाणे । तेहि सुदंसणदूहि सूरपालो निवो पुण वि ।। ६०८५ ।। विन्नत्तो पच्चत्तरमेएसि देव जह मए सिक्खं । इह अट्ठे दाऊणं पट्टविओ चिट्ठए इन्हि ।। ६०८६।। नियकुमरवीरपालो गुलखेडपुरम्मि तेण सह तुब्भे । वच्चह तत्थ गओ सो नाऊण करिस्सए लट्ठ || ६०८७।। इय भणिऊणं ते सूरपालरन्ना विसज्जिय। झत्ति । नाऊण तस्स वयणं अणायरं निग्गया तत्तो ||६०८८ ।। मिलिया न वीरपालस्स ते सुकुमारकडयम्मि । झत्ति गया तस्स पुरो जहट्ठियं सव्वमक्त्रति ।। ६०८९।। ते व तो सोऊणं वीमंसियमत्तणो मणे एवं । जइ वि समीहियकज्जं संभाविज्जइ न सिज्झ तं ।। ६०९० ।। तह विनमे इन्हिचिय एत्तो ठाणाओ जुज्जए गंतुं । अन्नह जणो भणिस्सइ भीयमणो वीरपालाओ ।। ६०९१।। नो अणायं चि सुदंसणो तो समागए संते । कुमरम्मि वीरपाले गुलखेडपुरम्मि तय अहं ।। ६०९२।। ठाऊण कवयदि इव नियमंडलस्स मज्झम्मि । तह य वसंतसिरीए नाऊण विणिग्गमं एत्तो ।। ६०९३ ।। नियठाणम्मि गमिस्सं इय त्रितेज टियम्मि तम्मि तओ । बीयम्मि दिणे पत्तो गुलखेडे वीरपालो वि ।। ६०९४ ।। सिरिसूरपातरन्नो अंगरुहो विउलसेन्नपरिकलिओ । पवरकरि तुरय-रह- जो संजुओ गुरुविभूईए ।। ६०९५ ।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |