Page Text
________________
सिरिमुनिसुव्वयजिदिचरियं
अह रन्ना पडिभणियं चिट्ठेति इमम्मि जंपियव्वम्मि । तस्स अणेगाई कारणाई अन्नह पुणो एवं ।। ५९९७।। निग्गच्छंति न वयणाई तस्स वयणारविंद कुहराओ । जं चिय तुब्भे जाणह तस्स सख्वं तयं चेव ।। ५९९८।। समवि बहुए बलेण संजुया चिट्ठए वसंतसिरी । एक्कं कारणमेयं बोयं पायारमज्झ गया ।। ५९९९।। इयं तु कारणमिणं गाउयदुगअंतरम्मि चिट्ठेइ । अम्हाणं दंडवई सलनामो महाबलवं ।। ६०००।। तुरियं पुण परभूमी पंचमयं सह मए विरोहाओ । पच्छा वि भयं गरुयं इय बहुओ कारणकलावो ।।६००१ ।। इ वो राया समुट्ठिओ आसणाओ सहसति । पडिहारेण उ सव्वो विसज्जिओ नियगिहे लोओ ।। ६००२ ।। वामणसामी अम्हे आवासे आगया तओ सब्वे । भणियं च अम्ह समुहं तो वामणसामिणा एवं ॥ ६००३।। अज्जावसरो न तहा संजाओ को वि अम्ह विन्नवणे । नरवइणो कज्जंतरवक्खित्तमणस्स जायस्स ।। ६००४ ।। किंतु परं गुरुलाहो अन्न अम्हाण अज्जसंजाओ । जं खु वसंतसिरीए विन्नाओ वइयरो एसो || ६००५॥ जं अम्ह सामिणो नंदणम्मि अणुराइणी सयंवरणे । चलिया चिट्ठइ एसा पडिवक्खेणं पडिक्ख लिया ।। ६००६।। ता इन्हिचिय तु वच्चह नरपुंगवस्स नरवइणो । गंतूणं जाणावह सरूवमेयं जहा निसुयं ॥ ६००७।। पडिवन्नं अम्हेहि तं वा मणसामिणो तओ वयणं । किर संवहिउं लग्गा भुच्चा चउहट्टयम्मि गया ।। ६००८।। चिट्ठामो वो एगस्स जाव हट्टम्मि । तो तयणुलग्गवणिहट्टसंठिया के वि दोन्निन ।। ६००९।। जंपंति परोप्परमेरिसं जहा कि पि किं तए निसुयं । अज्ज न वाइयभणिए एक्केण तओ भणइ वीओ ।। ६०१०॥ नय किंपि तारिसं जइ तुमं तु जाणेसि तो कहह अम्हं । इयरो साहेइ तओ पयाणयं निवकुमारस्स ।। ६०११ ।। बीओ पुच्छइ कत्थव केणव कज्जेण तो कहइ इयरो । गुलखेडम्मि गमिस्सइ कज्जं तु इमं जणपयडं ||६०१२ ।। तत्थ वसंतसिरीए गंतूण करिस्सए सहायत्तं । इयरो पुच्छइ कारणमन्नं पि किमत्थि इह किं पि ।। ६०१३।। सो बेड़ अत्थि इयरो जंपइ किं तं कहेहि सो भणइ । साहेमि तुज्झ तं किंतु जइ तुमं नेय साहेसि ।। ६०१४।। अन्नस्स पुरो कस्सइ सो बेइ सयं पि ताव एरिसयं । न कहेमि अहं कस्सइ किं पुण विणिवारिओ तुम ||६०१५।। तो इयरेण दिसाओ पलोइयाओ न को वि आसन्नो । आसी तत्थ दुइज्जे हट्टे अम्हे पडंतरिया ।। ६०१६ | आसन्नाविन दिट्ठा जवणियछिड्डेण सोउ अम्हेहिं । दिट्ठो दिसासु दिट्ठि देतो निसुओ य सातो ।। ६०१७।। एरिस तस्स पुरो जं किर सा असमख्वसंपन्ना । चिट्ठेइ वसंतसिरी तं वंछइ सयमिमो गहिरं ।। ६०१८ । । सिरिसूरपालरायस्स नंदणो वीरपालनामो त्ति । जणओ वि न जाणइ तस्स एरिसं मणगयं भावं ।। ६०१९ ।। सयमेव य विन्नविडं रायाणं दूसलस्स साहेज्जे । अप्पा आणविओ वीरपालनामेण कुमरेण ।। ६०२०।। सो पुच्छर एरिस कह रहस्सं तए परिन्नायं । कहइ इयरो जहा मे बालवयंसो रिसी नाम ।। ६०२१ ।। अत्थेत्थ सो उ संपइ आसन्नो वीरपाल कुमरस्स । तेण मह कहियमेयं केणइ नियकारणवसेण ।। ६०२२।। एयं सोऊण तओ झडत्ति अम्हेहिं नियसमावासे । आगंतॄणं कहियं वामणसामिस्स सव्वं पि ।। ६०२३॥ तेण भणियं जहम्हं सुदंसणाओ भयं तहा नत्थि । जह वीरपाल कुमरस्स संतिया वट्टए संका ।। ६०२४ । । नियमंडलस्स मज्झे काउं सव्वं पि सक्कए एसो । ता तुब्भे इन्हि चिय एत्तो निग्गच्छह जवेण ||६०२५ ।। रति दियाय वहिउं चंदउरीए पुरीए गंतणं । नियसामिणो कमाणं पुरओ साह सव्वमिमं ।। ६०२६।। तो तक्खणाउ चलिया अम्हे पंचमदिणिम्म इह पत्ता । विन्नत्तं देवस्स वि एत्तो देवो पमाणंति ।। ६०२७ ।। अह सुरपालनयराउ आगए दो वि ते विसज्जेउं । बुद्धिनिहाणो मंती नरपुंगवराइणा भणिओ ।। ६०२८ ।। जं चैव वसंतसिरी दूएहि पढममेव विन्नत्तं । अम्हेच्चय पुरिसेहि वितं चैव निवेइयं इन्हि || ६०२९।।
Jain Education International
For Private & Personal Use Only
१८७
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |